Matyu 2:13 - Godigo dwagi yai po buku

¹³ Te Jisas suagasali po page koneai bidi dabe pela silai digi, tama Genuai Bidigo ensel mobo bidi Josepba nade pedalai. Ensel mobo bidigo te po wai, “Nage hodaluama te wai bǫų aga ida dali selama, tama Isip tǫba wi pao. Te genuai gavman tuni bidi Herot agai te wai bǫų te ela muabo homu eyu, aga gegebo tamadi gagalaibao. Tama tibaso, megi wi pao. Tama nage Isip tǫde bidibadi te eno ma asao obaso nage asao,” te po wai.

Matyu 2:13 Iomraidhean Croise

Te Israel me Juda Hani Sigo Tuni Bidigo Po Elalubo Buku Deli 11:17

Te sogo Hadat aga te dwasianu ogomanide, tama aga te Idom bidi meba dali wi pali, te aga ayago ofisa bidi dabe dali pai. Augwali te Isipba painu pai,

Te Israel me Juda Hani Sigo Tuni Bidigo Po Elalubo Buku Deli 3:5

Tama te hulide Solomon te Gibeonde godege piai madi, tama te nade te Genuai Bidi agaba pedelali. Tama Godigo te tiwai po wali, “Te nago mena nai godolo eyu, te enaba hanalu obaso da, tama teda eno nageba mawaibao,” po wali.

Jopgo Po Asęani Elalubo Buku 33:15

“Da hulide pibo sogo da, Godigo haniani na dabe dabolo mabo dao,

Jopgo Po Asęani Elalubo Buku 33:17

Tama te kolesagago dago dwai kolesaga yabo wi ilibo dao. Tama agai dago tobolu gagea pabo aiyaba tamunubo dao.

Ma Dobola Sali 1:22

Tama nosali tuni bidigo Isip we bidibolo te po wai, “Dagego te Hibru hanigo ame nabo wai te ogwa tigidali selama, te moni pabo ąį Nail te ąįba sąya,” wai, “tama te wegi yai baso da, tagalama bidimainao,” wai.

Matyu 1:20

Tama Josepgo te homu idubadi, tama nade Genuai Bidigo ensel mobo bidi me deli agaba pedelai. Ensel bidigo te po wali, “Josep, Devitgo ogwa, nago naga we Maria sabo wi egio. Odao. Te wai aga haligade sali, te Godigo Tedali Mobo Bidigo aga mawai dao.

Matyu 10:23

Tama augwaligo dage te hanu me delide dene mobaso da, teda dage wi peyu, gasa hanuba pao. Eno mu po dagebolo obao, te tigidali Israel hanude te dagego sę ebo silisąbadi yaide, tama te Godigo Bidi Mu aga ma asaibao.” wali.

Matyu 2:12

Tama tilama, tama Godigo nade augwalibolo te po pusali, tama augwa te moni gavman tuni bidi Herot bidibo digi ma pigio te po wai. Tama augwali gasa tųdu peyu, augwa buluba ma pai.

Matyu 2:14

Tama Josep hulide digi hodaluama te wai aga ida dali selama, tama aga Isip buluba pabo gagalali.

Matyu 2:16

Tialima te genuai gavman tuni bidi Herotgo koneama, te giliga pedalobo badu asali po page koneai bidi augwaligo agai wali po tudiba munama, tama gasa tųdu geme pai homu yali, tialima aga sębę mu yai. Tama agai enesigi bidi dabe tagala paliyu, augwalibolo te po wai, “Dagego te Betlehem bulude me te pąde elalubo bulude me tede bidibo ogwa wai dabe te kibu be si yabo tomode augwali tigidali ela muao,” te po wali. Agai te po page koneai bidi augwalibolo te hǫ hasia pedelali sogode hanalu badi, tama augwaligo aga dali te wali po homugo ma koneama, agai kibu be si weyu tama tiwai dao.

Matyu 2:22

Tiali goli agai odali, te bidi Arkelausgo te aga aya gavman genuai bidi Herotgo yali sę selama, tama te Judia genuai tǫde gavman tuni bidi sę eyu bidibo po wai. Tama aga te po odobaso, aga te Judia genuai tǫba bidigi pabo wi yali. Tama nade gasa po me Godigo agabolo olama, tama aga te Galili genuai tǫba pai.

Godigo Sęba Tagala Palai Bidigo Po 10:22

“Dage magi pogo asaliwe?” wali. Augwaligo te po wei ponoyu, te po wali, “Te Rom ami genuai bidi nogi Kornilius, agai da nage pageba tagala palali. Te bidi da, aga dwagi yai bidi mu. Agai tigidali sogo Godibolo lotu po wabo bidi dao. Te Juda we bidi tigidali augwaligo agai nogi ugwaba sabo dao. Godigo dagalude sę ebo ensel bidi me deligo agabolo te po wai, ‘Nago Pita i olama, tama aga nago beba asomainao, Pitago wabo po nago odomainu tama yao,’ te ensel bidigo te po wali,” augwaligo te po wai.

Godigo Sęba Tagala Palai Bidigo Po 10:7

Te po olama, aga pali. Tama Korniliusgo aga bede sę ebo bidi si me i wali. Agai te ami bidi me deli me i wali, te bidigo Godibolo lotu po wabo bidi. Te bidigo Kornilius tigidali sogo mu tau sali.

Godigo Sęba Tagala Palai Bidigo Po 12:11

Tama Pita agai homugo ‘Te yali sę te nade ebeo homu eyu, te eno mu koneanio,’ wali, ‘Genuai Bidi agai ensel bidi tagala palama, tama agai ena Herotgo nogode ma sali. Te Juda bidi hani augwaligo ena dali dwai sę yai hagede yali, tiali goli te Genuai Bidigo augwaligo homu dolai,’ Pitago te homu yai.

Godigo Sęba Tagala Palai Bidigo Po 12:7

Tama Godigo dagalude sę ebo ensel bidi me deli polo te kalabus be tomoba sabolama dolaluagasali, tama te be tomode ulago sela pali. Tama ensel bidigo Pita pila mubadi, tigiba diąnama, hodolai. Tama agai agabolo te po wali, “Nage polo hodaluao.” Tama tibadi yaide, te aligabo bono si augwa digi tǫba tuloluai.

Godigo Sęba Tagala Palai Bidigo Po 16:36

Tama tibaso, te kalabus tonalubo tobolu bidi aselama, Polbolo wagasali, “Te Rom genuai bidi dabe augwaligo enabolo po ola tolalio, ‘Dage si megi pao’ po walio. ‘Dage si piąo, te po me menio,’ wali,” te po wai.

Godigo Sęba Tagala Palai Bidigo Po 5:19

Tiali goli, te hulide Godigo ensel bidi deligo te kalabus be tų dayagasali. Tų dayagaselama, te Jisasgo tagala palai bidi dabe buluba tagala palama, augwalibolo te po wai,

Godigo Sęba Tagala Palai Bidigo Po 7:19

Tama te bidigo dago wąį dabe mumuwani. Dago wąį dabebolo dene mawai. Tama agai augwalibolo te po wai, ‘Dagego we dabe sibigo wai ame nobaso da, dagego te wai dabe digibulu mu olo mugi pao.’ Agai homugo, ‘Te isimainao,’ te homu yali.

Josua 3:13

Te pris bidi dabego te tigidali tǫde Genuai Bidi Godigo te dąų wali po muani halobage tolasa pabode, tama augwaligo sągą te węba agabo sogo, teda te wę tigidali dąų mu ola sigi pelama, tama te wę me soagobeo. Magi baso meni, te ugwadu wę daide te bulu du me dedeli tiwai gilama dolaluaibao,” Josuago te po wali.

Josua 3:17

Te Israel dabe augwali te tǫ wa pai madi naga pai. Tama te Genuai Bidigo te dąų wali po muani halobage tolali te pris bidi dabe, augwali te wę Jordan sula sali digi te tǫ dolo tomode dolaluali, te we bidi tigidali te wę nogelama, gasaba u badu sabola silibo usu nigi pomainu yai.

Josua 4:10

Te pris dabe te Jordan ąį tomode me dolaludubadi, te bidi dabego te tigidali sę te Genuai Bidigo me, te Mosesgo me, te Josuabolo po wali sę tigidali ela siligi peyu, usu nigi pai. Te we bidi augwali polo mu te wę u badu sabolai.

Josua 4:18

Tama te dąų wali po muani halobage tolali bage te pris dabe te sesegeba sabolai digi, te wę dąų olaluali te gelama, tama aga soali pesagede dolo ma soai dao, genuai mu eyu tama yali.

Kraisgo Geme Dualali Sę Pedelabo Po Jonbolo Ola Mani 12:14

Tiali goli augwaligo te webolo te genuai ba kemodage bogo si mawai, tama te we aga te bidi meni yai buluba bola pabo usu yali, tama aga te genuai dwai hasamani wi ebaso, aga digibulu bidigi pabo usu dao. Tama augwaligo aga bugagia tonaluyu nai mayu yai, tama tede bidibadi kibu be sela olama, polua nogo a naga olama me badu nogo deli bidaibao.

Kraisgo Geme Dualali Sę Pedelabo Po Jonbolo Ola Mani 12:4

Tama agai danugo te hǫgo hani deli dagaludu te pobele bage tiwai tǫba aiya poala sąwai. Tama hǫ hani si digi te dagalude me elaluali. Tama te hasamani te wego gesabidide te wai ame nainogo ebadi dolaluali, tama agai tonaluali te wego te wai ame nabode, te wai agai tuainogo yai.

Kraisgo Geme Dualali Sę Pedelabo Po Jonbolo Ola Mani 12:6

Tama te we aga te bidi meni yai buluba wi pai. Tede Godigo aga bidabo bulu sisi ilali, tama augwaligo te we aga bugagia tonaluyu, tama nai mayu tede hauwa sogo te 1,260 te sogo usu nama mu bideibao.