Matyu 2:12 - Godigo dwagi yai po buku

¹² Tama tilama, tama Godigo nade augwalibolo te po pusali, tama augwa te moni gavman tuni bidi Herot bidibo digi ma pigio te po wai. Tama augwali gasa tųdu peyu, augwa buluba ma pai.

Matyu 2:12 Iomraidhean Croise

Tigidali Nai Gagalama Nigali Side 31:24

Tama hulide, Aram bidi Labango na yali, tama God agaba pedelama, te po wali, “Nago te Jekop dali magi po me deli, ma aga wi ilibo sę me elamu dao,” te po wai.

Ma Dobola Sali 1:17

Tama te we si God dali wi elama, tama augwali sigo te tuni bidigo wali po wali pabeo. Tama te we sigo te Israel we dabego ogwa ame nabo elisiąma tagalama elaluai, te we sigo te ogwa ame nabo elebeo.

Daniel 2:19

Tialima, te sogo hulide naga, te Daniel aga na tiwai ebadi, tama Godigo Danielba te kingo na yali page ola mawai. Tama Danielgo te po wei ponoyu, tama te Godigo nogi ugwaba siyu,

Matyu 1:20

Tama Josepgo te homu idubadi, tama nade Genuai Bidigo ensel mobo bidi me deli agaba pedelai. Ensel bidigo te po wali, “Josep, Devitgo ogwa, nago naga we Maria sabo wi egio. Odao. Te wai aga haligade sali, te Godigo Tedali Mobo Bidigo aga mawai dao.

Matyu 2:13

Te Jisas suagasali po page koneai bidi dabe pela silai digi, tama Genuai Bidigo ensel mobo bidi Josepba nade pedalai. Ensel mobo bidigo te po wai, “Nage hodaluama te wai bǫų aga ida dali selama, tama Isip tǫba wi pao. Te genuai gavman tuni bidi Herot agai te wai bǫų te ela muabo homu eyu, aga gegebo tamadi gagalaibao. Tama tibaso, megi wi pao. Tama nage Isip tǫde bidibadi te eno ma asao obaso nage asao,” te po wai.

Matyu 2:19

Te nosali te moni gavman tuni bidi Herot isai. Tialima Isip buluba te Genuai Bidigo ensel mobo bidi Josep bidibo digi nade pedelai.

Matyu 2:22

Tiali goli agai odali, te bidi Arkelausgo te aga aya gavman genuai bidi Herotgo yali sę selama, tama te Judia genuai tǫde gavman tuni bidi sę eyu bidibo po wai. Tama aga te po odobaso, aga te Judia genuai tǫba bidigi pabo wi yali. Tama nade gasa po me Godigo agabolo olama, tama aga te Galili genuai tǫba pai.

Matyu 27:19

Tama me, te bidi Pailat aga te po tų odobo bidi jas dugabo siade aga dualalubadi, tama aga wego po agabolo toliyu te po wai, “Nago magi sę me deli te doloba pai bidi dali me elamuo. Te eno hulide nade aga sulama, tama eno genuai homu elalubao.” Te po wai.

Dwagi Yai Gesi Po Lukgo Asęani 2:26

“Te Genuai Bidigo we bidi tau somainu sa muani bidi Krais sulama, nage isaibao,” te po wali.

Godigo Sęba Tagala Palai Bidigo Po 10:22

“Dage magi pogo asaliwe?” wali. Augwaligo te po wei ponoyu, te po wali, “Te Rom ami genuai bidi nogi Kornilius, agai da nage pageba tagala palali. Te bidi da, aga dwagi yai bidi mu. Agai tigidali sogo Godibolo lotu po wabo bidi dao. Te Juda we bidi tigidali augwaligo agai nogi ugwaba sabo dao. Godigo dagalude sę ebo ensel bidi me deligo agabolo te po wai, ‘Nago Pita i olama, tama aga nago beba asomainao, Pitago wabo po nago odomainu tama yao,’ te ensel bidigo te po wali,” augwaligo te po wai.

Godigo Sęba Tagala Palai Bidigo Po 4:19

Tiali goli, Pita dali Jon si dolalubadi, te Pitago te po wei ponoyu te po wai, “Dadi sigo Godigo po tagalama, dagego po wali pobaso, Godigo gedude te dolo yaibawe? Duga digi gedugo dagaliąo.

Godigo Sęba Tagala Palai Bidigo Po 5:29

Te tiali goli, Pita dali, me badu Jisasgo tagala palai bidi dabe, augwaligo te po wei ponoyu, te po wai, “Te dago dagego wali po wali pogobeo. Godigo dabolo mani genuai po mu dago wali paibao.

1 Korin 3:19

Magi baso meni, te e tǫde koneani kolesaga te Godigo gedude te wabo pabo bidigo kolesaga tiwai ebao. Tede te Godigo po bukude te e tama tiwai po wai: “God agai tilama tama augwaligo kolesaga koneanigo te augwa digi tibo haniani kolesaga koneai bidi dabe sali, te bidigo ba munama te kebi sabo tiwai gilama ebo dao.”

Hibru 11:7

Te Godigo te bidi Noabolo po weyu, “Te nago gedugo susiąwai nosali pedalabo sęde dua yao,” te po wai. Tama te bidi Noa agai Godide tiąluama tama konealubo po dąų obaso, agai te Godigo agabolo te aga gedugo susiąwani naide pusali po bugagia odali. Tama te po wali peyu, tama agai te moni geba me deli nigai. Tama tiyu, aga dali, aga we wai puluba augwali te geba tomoba pelama, tama bugagia bidali, tama augwali me dolobeo. Te geba sę tama ebogo Noago te tǫde we bidi tigidali augwaligo dwai sęde po tų ela mabo tiwai yalio. Tama te bidi Noa aga Godigo wali pode tiąlubo kolesaga elalualigode Godigo Noa te doloba pai bidi da wali, te Godigo tigidali konealubo po agaba dąų wabo we bidi dabe dali ebo kolesaga yalio.

Hibru 8:5

Augwaligo pris sę te tǫde moni lotu bede ebo, te piksa noma naga ola mabo tiwai eyu, tama te wiegi yai sę mu da te dagalude elalubao. Te Godigo Mosesbolo wali po tiwai elama, te Mosesgo te polobadu lotu ugwa be sę yainogo ebo sogo tiwai po wai. Tama Godigo te po wai, “Nage dua dao, te nago te tigidali nai te eno nagebolo te bulu dude ola mani nai te noma tiwai mu usu nama nigao,” te po Mosesbolo wai dao.