Matyu 2:11 - Godigo dwagi yai po buku

¹¹ Tama augwali te be tomoba pelama, tama augwaligo te wai aga ida Maria dali suai. Tama augwali tobolu basi gulama, tama kidu sugunama, te waiba lotu po wai. Tama augwaligo augwa wa dabe dalama, tama augwaligo te waibolo wiegi yai nai meba olo mawai, te kapa nogi gol me, te wiegi yai denami ebo pauda nai me, te tigide wiegi yai denami ilibo nai, te tama nai te wai olo mawai.

Matyu 2:11 Iomraidhean Croise

Tigidali Nai Gagalama Nigali Side 43:11

Tialima, Israel, te augwa aya, agai augwalibolo te po wali, “Te tiwai tama pedalubaso da, teda dagego tama tiao. Te e bulude elalubo te wiegi yai nai dabe te selama, duga genuai waba munama, tama dage pelama, tama te gavman tobolu bidibolo te aga wiegi yai homu emainu magi pao. Te tobage tiwai dwasianu haniani nai tigidali sao, te ganima bunugo nigali pusu yai nai me, te mege me, tama te denami ebo ni kaneme, me te haniani sanda, tama me te meba ni haga du walobo tiwai ni du nogi pistasio, me te ni du amon, te tiwai haniani nai sela pao,” wali.

Te Israel me Juda Hani Sigo Tuni Bidigo Po Elalubo Buku Deli 10:10

Tialima, te Seba kwingo te gol hauwa te Solomonba mani, tama te golgo sęgęgo te 4 ton aiyaba elaluali. Tama kwingo te tobage nai pauda dabe te wiegi yai denami ebo nai me, te gasa wiegi yai masigi dabe me mani. Te pauda dabe te hauwa mu tamao. Tama nosali te sogo te tobage denami ebo pauda hauwa te Israel bulu tǫ tomoba me asobeo.

Te Israel me Juda Hani Sigo Tuni Bidigo Po Elalubo Buku Deli 10:2

Kwin te Jerusalemba asali, te aga sę bidi hauwa dali, te genuai hani kamel dali me asali. Te kamel dabego te gol hauwa mu me, te tobage pauda me, te wiegi yai denami ebo nai dabe me, te gasa sawi yai masigi dabe, te nai dabe sesali. Te kwin we sabolagaselama da, teda agai te hanaluabo homu yali po tigidali te Solomonba hanalu walio.

Godigo Nogi Ugwaba Sabo Tęąbi Po Wabo Buku Dabe 2:12

Dage aga dologoba mu pelama, tama kidu sugunao. Meni baso da, teda agai haliga sębę polo elama, te dage isaibao. Bidigo konealubo homu Godiba dąų weyu, tama agaba mu kęa pelama ebo bidi, te aga wiegi yai homu pemene eyu bidaibao.

Godigo Nogi Ugwaba Sabo Tęąbi Po Wabo Buku Dabe 45:8

Te nago gudubo bobage ugwade te wiegi yai denami ebo haniani nai, te sanda tiwai mea, me kasia te denami elalubao. Augwaligo te kingo be te haniani au ilibo naigo te au ilali, augwa te elefan kelego nigali, tama augwa te nage wiegi yai homu pemene ilibo musik weyu ebo dao.

Godigo Nogi Ugwaba Sabo Tęąbi Po Wabo Buku Dabe 72:10

Te Spen king, me te tamu ąį tomo bulu ailan king dabego, teda augwaligo agaba te wiegi yai nai presen dabe mawaibao. Tama te Arebia king me, Itiopia kingo me, teda augwaligo agaba takis mawaibao.

Godigo Nogi Ugwaba Sabo Tęąbi Po Wabo Buku Dabe 72:15

Eno homugo te king te sesabi gana elama, bidimainu yao. Te Arebia dabego agaba te gol momainao. Tama te we bidi dabego Godiba gedu haluasa po weyu, te Godigo aga sesemane tau somainu yao, tama Godigo agaba te wiegi yai sę agaba emainao po wai.

Godigo Nogi Ugwaba Sabo Tęąbi Po Wabo Buku Dabe 95:6

Dage asiąo, dago tobolu basi gulama, tama agaba lotu wainao. Genuai Bidigo da nigai. Tialima, da aga pąba pelama, tama kidu sugunao.

Ma Dobola Sali 30:23

“Megi nago te wiegi wiegi yai denami ebo nai dabe sao. Hasia bolo te denami ebo nai sanda mea sao, te nai sęgę te 6 kilo te elalubao. Tama te sinamon pauda meba te wiegi yai denami elalubo, te aga te 3 kilo, tama te tobage wiegi yai denami ebo awi dili badi, te aga sęgę me te 3 kilo dao.

Ma Dobola Sali 30:34

Tialima, Genuai Bidigo Mosesbolo po ma weyu, te po wai, “Megi eno homugo dagego te wiegi yai denami yabo pauda meba nigiyąo. Te pauda te deli tigi poai dabe naga usu nama, elalumainao. Te pauda mea badi, te augwaligo te lalaigo nigai nai dabe badi, tama te bomai nai te galbanum pauda kanemego nigai me, te ni balsam kanemego nigali, te nai dabe tama sao.

Solomon 3:6

Magi naigo te wa pai bulude bidali tagalama, asaliwe? Augwaligo te denami wiegi yai ebo tobage plaua dabe ulubo sogo pedalubo hano tiwai nai pedelali. Te aga denami ebo te bisnis bidi dabego te mone sabo paudago denami ebo tiwai yali.

Aisaia 60:6

Te Israel hani isąwai Midian bage me Efa bage, te augwaligo gesi kamel hauwa mugo te walu dabe nageba sesaibao. Augwali te tǫ kantri Seba teba pelama, te gol me, te wiegi yai hano denami ebo pauda me, te selasa asaibao. Te we bidi dabego Genuai Bidi, eno genuai nogi ugwaba saibao.

Pris Sę Ebo Bomai Po 6:15

Tama prisgo te dwasianu plaua te augwaligo wel muai sobadi, te ofa wiegi yai denami ilabo pauda tigidali sao,” wali. “Tama agai te tigidali te alta siaba tigidali ulao. Te dwasianu ofago te tigidali ofa dąį ilibao, te enaba augwaligo mobao. Tama eno te ofa denami odama, eno godolo homu elama, bugai homu yaibao,” wali.

Malakai 1:11

“Te tigidali bulu tǫ kantri we bidi dabego enaba genuai nogi mawaibao. Te tigidali bulude bidi dabego te wiegi yai denami ofa hano iliyu, te tobage wiegi yai ofa dabe enaba mawaibao. Te tigidali we bidigo ena nogi ugwaba saibao.

Israel Hanigo Namba 7:86

Augwaligo te gol plet 12 tama sesali. Augwa sęgę te 1,320 gram tama elaluali. Augwaligo te plet dabe te wiegi yai denami hano holobo paudago pągąnama sesali.

Matyu 1:18

Te Jisas Krais aga ame nani po, e tiwai dao. Aga ida Maria augwaligo Josepbolo noma po wai. Tiali goli augwali si taluama bidisiąbadi digi, tama Mariago suali aga te Godigo Tedali Mobo Bidigo sę yalima haliga yai elaluai.

Matyu 12:46

Jisasgo po te we bidi augwalibolo madubadi, tama aga ida ama dede dali augwali aselama, bulu badu dolaluagasai. Augwaligo aga dali po miainogo asai.

Matyu 14:33

Tama te gebade bidali bidi dabe augwaligo agabolo aga nogi ugwaba sabo po weyu, augwaligo te po wai, “Mu tama, nage te Godigo Ogwa dao,” wali.

Matyu 2:10

Tama augwaligo te hǫ sulama, tama augwali wiegi yai homu genuai pemene mu yai.

Matyu 2:2

“Wai me deli aga te Juda dabego tuni bidi pedalainogo ame nani, aga menade bidibowe? Da te sia ge pedalobo badude bidibadi dago aga hǫ pedalobo sulama, tama agade kidu sugunama dago agade lotu po wainogo digibulu asai dao,” te po wai.

Dwagi Yai Gesi Po Lukgo Asęani 2:16

Tama augwali polo pali. Gege pelama, Maria me Josep dali augwali si suali, te wai bǫų me bulmakaugo tubo nai halobage tomode pila mubo suali.

Dwagi Yai Gesi Po Lukgo Asęani 2:38

Te sogo me aga pąba aselama, Godibolo “Nage usu dao” wai dao, Godigo te wai mawai baso. Te Godigo Jerusalem bage ma sai hagede tonalubo we bidi dabebolo te ogwa wai bidibo po pusa mani, te mosi we Anago.

Dwagi Yai Gesi Po Jongo Asęani 19:39

Te bidi me, agai nogi Nikodemus, te bidi polobadu hasia Jisas bidibo digi hulide asali bidi, aga me asai. Agai te ni kaneme si taluama sesai, te dwagi yai denami ebo nai dao. Tama te nai dila pai nai mu dao, abelabo mone genuai mu dao.

Kraisgo Geme Dualali Sę Pedelabo Po Jonbolo Ola Mani 19:10

Tialima, ena te ensel mobo bidi sągą pąba kidu sugunama, tama eno gesabidi tǫba munama, tama eno aga dali lotu po wabo homu yai. Tiali goli agai enabolo te po wai, “Nago tama tigio! Ena nage dali, nago ama dede dali deli sę ebo bidi dao. Dagego konealubo po Jisasde dąų olama, agai nogi haninama pusubo dao. Nago God deli dali naga lotu po wao. Te Jisasde gasa bidibolo po pusubo we bidi, te Godigo Mobo Bidi agai augwali homu hodolama, tama augwaligo te po pusubo dao. Te Mobo Bidigo te tobage sę naga te Godigo nosali yabo sę po pusubo bidi dali me ebo dao,” agai te po wai.

Kraisgo Geme Dualali Sę Pedelabo Po Jonbolo Ola Mani 5:8

Tama agai te buku sai digi, te aga genuai bidi mu bidibaso, te bidibo ula elalubo hasa me si me si badi, te bidi sese olama me badu nogo me si me si te polalubo tobolu bidi augwali te kibu sipsip wai pąba pelama, kidu sugunigi pai. Tama te tigidali tobolu bidi deli deli augwaligo te elebo nai gita tiwai badi, te wiegi yai kapa golgo nigai pou te tola sobadi yai. Tama me te pauda denami ebo nai te tigidali poude elalubo siago deyu, tama te holobo denami yai hano te Godigo we bidi augwaligo Godibolo wabo gedu haluasa po tiwai holobo eno suai.

1 Samuel 10:27

Tiali goli, te hagoma ebo bidi mebago te po wai, “Magi elama tama, te bidigo da tau saibawe?” Tama augwaligo te Sol hagela homu mu elama, tama augwaligo te wiegi yai nai me deli agaba me ma mabeo. Tiali goli, Solgo te po me deli augwaliba me wabeo.