Matyu 19:9 - Godigo dwagi yai po buku

⁹ Eno, eno e tiwai po dagebolo obao, te bidi mego wego te dwai penani sę me isąbadi, tama bidigo te we aga sela sąnama gasa we sobaso da, teda te bidi aga digi te dwai penani sę ebo kolesagaba kekebo sę tiwai ebo dao,” Jisasgo te po wai.

Matyu 19:9 Iomraidhean Croise

Tigidali Nai Gagalama Nigali Side 20:3

Tiali goli, hulide God te Abimelekba nade pedelama, tama te po wai, “Sara te Abrahamgo sai we dao. Tama nage isaibao,” wali.

Tuni Bidi Dabego Po Elalubo Buku Si 21:11

Tama me ma Jehoramgo tibo godiba lotu wabo pesage dabe agai Juda dabego bulu dude dabe nigali. Tama tilama, agai te Juda hani we bidi kegeyu, me Jerusalem taun we bidi kegeyu elama, Genuai Bidi tudiba sąnama tama agai gedude sęgę sali.

Jeremaia 3:1

Genuai Bidigo te tiwai po wai, “Te bidigo aga we sela sąbaso, te wego aga tagalama, te gasa bidiba pali, teda te polasa sali bidigo te we ma sogobeo. Te we agai ma siyu da, teda agai bulu kantri te dwai meda mu eno gedude pedelaibao. Israel, nage te bidi hauwa dali penani ela bilama, tama megi da, te nage enaba ma asainogo, ebawe?

Jeremaia 3:8

Israelgo we bidi dali bidibo tiwai elaluali, te togwali sogo te penani kolesaga hauwa mu ebaso, eno te bidigo we tagalobo pepa asęnama, te eno agaba menama, te aga sela sąwai. Aga ama, Juda da, agai tebo suali, tiali goli, aga wi dwasianu me ebeo. Menio. Tama eno suali, aga me pelama, te penani sę ebo kolesaga ela bilali.

Esekiel 16:15

“Tialima, nage sawi yai mu da, nago te tama homu yali. Tigidali bidigo nage godolo yai. Tialima, nage hagoma eyu, nago pemene elama, te nageba asali tigidali bidi dali pagela piali dao.

Esekiel 16:29

Tibaso, nage te Babilon bidi dabego penani we pedelali, te augwali mone sabo bisnis sę ebo bidi dabe da. Tiali digi, augwaligo me te nago wei ebo homuba me usu nubeo.”

Esekiel 16:8

“Tialima, te sogo ena ma aselama, tama eno nage te bidigo sabo usu yai elalubo suali. Tialima, eno nageba dilapi holobo ugwa saket bulama, te nage tigi mesegelali. Te ena God Genuai Bidi, te eno bomai po nage dali olama, te eno nage sabo po dąų olama, te nage eno we pedelai dao.”

Matyu 19:10

Tama aga wali bilibo bidi dabego agabolo te po wai, “Te bidi aga we dali bidibo kolesaga te tiwai ebaso da, teda te bidigo we sabo sę te tagalabo digi dao, aga olo bidao,” te po wai.

Matyu 19:8

Te Jisasgo augwalibolo te po wai, “Dage te masigi homu tomoba sąwai elalubo bidama dobaso, tama tiyu Mosesgo suali dagego te tiwai kolesaga ebaso, agai dagego wąį dabebolo te we sela sąbo po wai dao. Tiali goli te Godigo tigidali nai nigali sogo te tiwai kolesaga meni yai dao.

Matyu 5:32

Tiali goli megi eno dagebolo te po obao: bidigo aga sai we tagaliyu, tama te wego dwai penani sę me isąbadi, teda te bidigo te wego te penani sę ilibao, te we gasa bidigo siyu da. Tama te tobage we sabo bidi me agai te penani sę tama ebao.”

Dwagi Yai Gesi Po Lukgo Asęani 16:18

“Niwai bidi aga we sela sąnama, gasa we sobaso da, teda te bidigo penani ebo dao. Me ma, niwai bidi agai te gasa bidigo sela sąwai we sobaso da, teda te bidi mego penani ebo dao,” Jisasgo te po wali.

1 Korin 5:1

Te we sabo kolesaga togolama dolobo sę te dage tomode mu tama elalubao, te po wabo eno me odali. Tama te we sabo togolama dolobo gasagi yai kolesaga me, te tobage kolesaga te Godigo po odisawani we bidigo me isąbo dwai kolesaga dao. Te e tama tiwai: te dage tomode bidi me deligo aga ayago we sai.

1 Korin 7:39

Te we me deligo bidi te aga bidi bidibadi, te we te aga bidi dali naga kęą pelama bidao. Tiali goli, te we aga bidi isibo si da, te we te bidi dali me kęąlubeo. Te aga gasa bidi dali pabo homu ebaso da, teda aga te bidi dali pomainao. Tiali goli aga te Godigo po wali pabo bidi dali naga pao.

1 Korin 7:4

Magi baso meni. Te wego aga tigi me tonalugobeo. Menio. Te aga bidigo tonalubao. Tama te tiwai naga, te bidigo aga tigi geą selama dąų weyu munu me tonalugobeo. Menio. Te aga wego tonalubao.