Matyu 18:9 - Godigo dwagi yai po buku

⁹ Tama me ma, naga gedu mego nage te dwai sę eboba kegeyu, tama nage tulaluainogo ebaso da, teda nago te gedu guda sąyao. Tama nago gedu deli naga elaluyu, te naga sesemane sogo bidada pabo ula sabo, te usu dao. Tiali goli nago gedu si elaluyu, tama augwaligo nage te dedage page sia dabo madiba sąyu da, te dwai mu dao.

Matyu 18:9 Iomraidhean Croise

Matyu 16:26

Bidigo e tǫde elalubo tigidali nai aga sai goli, tama te nai sobadi aga mu bidabo ula doloyu da, teda te tigidali sali naigo aga tau sabo usu egobeo. Te bidigo te bidibo ula ma abelainu te mena nai mobaso, te usu me egobeo. Te menio.

Matyu 18:8

Me ma, te naga nogo ma sągągo te nage dwai sę eboba kegeyu tama nage te kolesagaba tulaluainogo idali weyu, tama nago te nogo ma sągą te togwa sąyao. Tama tiyu te nago nogo me deli naga elaluyu, ma nago sągą me te me deli naga elaluyu, tama nago te sesemane sogo bidada pabo ula sabo te usu dao. Tiali goli nago nogo si ma te nago sągą si me elaludu da tama augwaligo dwai sę eyu, nage te genuai dene mu siyu bidada pabo te isisąbo sia dabo madi teba peyu da, te dwai mu dao.

Matyu 19:17

Tama Jisasgo agabolo te po wai, “Te enabolo magi baso nago te wiegi yai sęde hanalu obawe? Te me deli digi naga te aga wiegi yai dao, te God dao. Tama nage te wiegi yai bidabo ula sabo homu ebo wida, teda nago te Godigo bomo yai po wali pao.”

Matyu 5:22

Tiali goli megi eno po dagebolo obao: Tama bidi mego aga ama dali sębę eyu da, te bidi aga po tuba odasa paibao, tama dene saibao. Tama bidi mego aga ama dali dwai po obaso da, teda te bidi aga te polalubo kaunsil bidibo digiba pelama, po tų emainogo yao. Tama bidi mego aga ama dali nogi posobo po weyu, nage sę isiąbo homu meni yai dwai bidi dao weyu da, teda te bidi aga te dwai madigi sia dabo dene sabo buluba paibao.

Matyu 5:29

Tama tibaso, nago dolo nogo badu elalubo gedugo nage te dwai sęgęba kegebaso da, teda nage hagaidali weyu nago te gedu gudama sąyao. Tama nago tigi me badu te tiwai hagabaso, te dwai dao. Tiali goli nago tigi sese bidibadi tama nago dwai sę edubaso da, teda augwaligo nago tigi sese te dwai dene sabo madiba sąwaibao. Te dwai mu dao.

Dwagi Yai Gesi Po Makgo Asęani 9:47

Ma, nago gedugo nage te dwai sęba tulalumainu ilibaso da, te nago aga gudama sąyao. Teda nago gedu deli naga elaluyu, tama nago te dwai sę isiąbo te sesemane sogo bidada pabo ula sabo, te usu dao. Tiali goli nago gedu si me elaludu da, tama augwaligo nage dwai sęba tulalumainu iliyu da, augwaligo nage te dwai isisąbo sia dabo madi saoba sąwaibao, te dwai mu dao.

Godigo Sęba Tagala Palai Bidigo Po 14:22

Augwali sigo te Jisasgo po wali pabo we bidibolo dwagi yai po mobo mani, augwaligo Jisas konealubo homu dąų walomainu. Augwali sigo te genuai po ola mawai, “Dago te Godigo tųdu pobadi, gasa we bidi augwaligo dabolo haniani sęgę mawaibao, tama nosali Godigo da tonalubo buluba da sabolaibao,” te po wai.

Hibru 4:11

Tama tibaso, te toma nabo pesage tomoba painogo da te dago sę bomonama yao. Tiyu yaide te bidi me deligo te Godigo po sela sąbo kolesaga wali peyu, te Juda bage augwaligo polobadu yali sę tiwai yabuo, tama aga tula munama tama hagawaibao. Te tiwai idali weyu, dago bomonama Godigo po bugagia wali pao.

Kraisgo Geme Dualali Sę Pedelabo Po Jonbolo Ola Mani 21:27

Tiali goli, te dwai meda yai kolesaga ebo bidi te hanu tomoba pogobeo. Te haniani dwai kolesaga eyu, te tibo po weyu ebo bidi dabe, te hanu tomoba me pogobeo. Mu menio. Te Kibu Sipsip Wai agai te we bidi dabe meba augwali nogi te isisąma gamonaibao wali we bidi nogi asęani buku, te bukude augwali nogi asęani we bidi dabe augwali naga augwa te hanu tomoba pabo usu yaibao.