Matyu 17:7 - Godigo dwagi yai po buku

⁷ Tama Jisas augwali pąba asiyu, agai nogogo augwali diąyu, augwalibolo te po wai, “Dage hodaluao. Dage wi egimio,” te po wai.

Matyu 17:7 Iomraidhean Croise

Daniel 10:10

Tama eno odobadi, te bidi me deligo nogogo ena nogo tulama, te ena ugwaba hodolali, tama eno nogo me sągą si te tǫde poąluyu, dolaluali. Tiali goli, ena wi edubadi, tama ena didibili idualio.

Daniel 10:18

Tialima, te bidigo ena ma tola selama, te ena bomo pedelali.

Daniel 8:18

Agai po odubadi yaide, ena gedu gęǫ page elama, tama ena tǫba mu degasa dulali. Tiali goli, agai ena nogo tola selama, te ena ugwaba sagolama, tama ena dolugulai.

Daniel 9:21

Eno gedu haluasa po odubadi, tama te ensel Gebriel, eno te hasia yali nade suali, te aga bola dulu, te ena bidibo pesageba asali. Tama te sogo, te dago polobadu iduali te pio ofa ebo sogo dao.

Matyu 14:27

Tialima polo Jisasgo te po augwalibolo wali, “Dagego homu kęna sao. Te ena dao. Dage wi egimio.”

Matyu 17:6

Tama Jisas wali pabo bidi sela augwaligo te po wabo odobo si, augwali wi genuai mu eyu, augwa tigi tǫba basi guluyu, augwa gesabidi tǫba mugulama, tama augwali wi mu yai dao.

Matyu 17:8

Tama augwaligo ugwaba tonono holali, te bidi si subeo. Te Jisas agaduba naga dolalubo suali.

Dwagi Yai Gesi Po Lukgo Asęani 24:5

Tama te we dabe augwali wi elama, augwa gesabidi tǫba tonolaluai. Tialima, te bidi sigo augwalibolo te po wai, “Magi baso dagego te bidibo bidi te isai bidi gų pagede gegebawe? Te Jisas ede bidibeo. Jisas ma hodaloai dao.

Godigo Sęba Tagala Palai Bidigo Po 9:6

“Megi nage hogodama, Damaskus hanu tomoba pao. Tama bidi me deligo agai te nago sę yabo po ola mawaibao,” te po wai.

Kraisgo Geme Dualali Sę Pedelabo Po Jonbolo Ola Mani 1:17

Tama eno te bidi sulama, tama ena aga sągą pageba kidu pǫgulai, tama ena te isai bidi pigulali tiwai yai. Tiali goli agai dolo nogo ena tigiba munama, tama agai te po wai, “Nage wi tagalao. Ena da, ena digi te hasia bidaluali bidi dao, ena te nosali sogo mu bidaluaibao wabo bidi mu dao.