Matyu 16:1 - Godigo dwagi yai po buku

¹ Te Farisi hani dabe mebago me, te Sadyusi hani dabe mebago me, augwali Jisas pageba aselama, tama aga augwaligo usu sainogo yai. Augwaligo agabolo te dagalude bomai sę ebo me deli te augwaligo suainogo te sę yao te po wai. God agai te Jisasde dwagi yai homu egowe ma egobewe, te konemainogo augwaligo te po agabolo wai.

Matyu 16:1 Iomraidhean Croise

Bugagia Bidibo Kolesagade Po Asęai Buku 26:5

Te wiegi yai homu elalusiąbo bidigo, agai te geda mubo po nageba obaso da, teda nago agaba dodolabo po wei ponao. Tiyu, agai homugo, te aga koneani kolesaga te genuai mu da homu yabuo

Matyu 12:14

Tiali goli te Farisi dabe augwali te be tagalama, tama augwali deliba sisinama po miyu, tama Jisas elabo po miai dao.

Matyu 15:1

Te Farisi hani bidi meba me, te Juda dabego bomai po page koneani bidi hani bage me, augwaligo te moni hanu Jerusalem tagalama, Jisas agaba aselama, augwaligo te po hanalu wagasai dao,

Matyu 16:6

Tama Jisasgo augwalibolo te po wai, “Dage dua bugagia dao. Dage te Farisi hani dabe me te Sadyusi hani dabe dali sigo bret bo dabo nai yisde dua dao,” wali.

Matyu 19:3

Tama te Farisi hani dabe meba agaba aselama, tama augwaligo agai geda mubo po wagowe te homu eyu, tama augwaligo aga usu sagasai. Augwaligo te po wai, “Nago magi homu ebowe? Ma, dago bomo yai pode te bidigo aga homu naga wali peyu, tama aga we te tigidali magi sęde sela sąbo te usu egowe?” te po wai.

Matyu 22:15

Te Farisi hani dabe augwali Jisas taga pelama, po migi peyu te po wai, “Dago magi ilama te aga wabo pode aga dąų omainogo eyu aga usu sogowe?” te po miani.

Matyu 22:18

Tialima, Jisasgo augwaligo dwai tibo homu ebo konea pelama, tama agai te po wai, “Dage tibo po wabo bidi dabe dao, magi baso dagego ena dąų omainogo eyu usu sobawe?

Matyu 22:23

Tama te sogo naga te Sadyusi bidi meba te Jisas pageba sabolai. Te bidi hanigo homugo te isai bidi augwali ma hodalogobeo te po wabo dao. Te Sadyusi bage augwali Jisas pageba sabolama hanalu wai,

Matyu 23:2

Agai e tiwai po wai, “Te bomai po page ola mabo bidi dabe dali, te Farisi dabe dali, augwaligo dagebolo te bomo yai po ola mabo dao, te Mosesgo yali gilama ebo dao.

Matyu 27:62

Tama nosali sogode, te Sabatde nai sisi ebo sogo te silai madi, tama te genuai pris bidi dabe badi, te Farisi dabe dali, augwali te genuai gavman bidi Pailat pageba pelama, sisinigi palio.

Matyu 5:20

Tama tibaso, eno dagebolo obao, te dagego doloba pai kolesaga ebogo te bomo yai po koneani bidi me te Farisi dabe dali augwaligo kolesaga dagego aiyaba me elalusiąbaso da, teda dage te Godigo we bidi tonalubo obo tomoba pogobeo.”

Matyu 9:11

Tama te Farisi hani bidi dabe meba augwaligo sulama, tama augwaligo aga dali wali pabo bidi dabebolo te po wali, “Magi baso duga po ola mabo bidi agai te takis sabo bidi dabe dali, me te dwai sęgę sai bidi dabe dali hodobo nai tubo dawe?” te po wai.

Dwagi Yai Gesi Po Makgo Asęani 10:2

Tama te po ola mobadi, te Farisi dabe meba agaba aselama, tama augwaligo usu sinayani. Augwaligo te po wali, “Te da Juda dabego bomai pode te bidigo aga we sela sąbode, te usu da wali elalubowe, ma meniwe?”

Dwagi Yai Gesi Po Makgo Asęani 12:15

Tiali goli Jisasgo augwaligo te tibo po wabo te agai koneama, tama agai augwalibolo te po wai, “Magi baso dagego ena usu sobawe? Te mone ge me deli sela aselama, eno sueibao,” te po wai.

Dwagi Yai Gesi Po Makgo Asęani 12:18

Megi da te Sadyusi hani bidi meba augwali te Jisasba asali. Te hani augwaligo te homu yai, te isali bidi ma hodalogobeo wai. Tama augwaligo agabolo hanalu wagasali.

Dwagi Yai Gesi Po Lukgo Asęani 10:25

Te Juda dabego bomo yai po ola mabo bidi me asama, Jisas usu sai hagede, agai po hanalubo po wagasali. Agai te po wali, “Po ola mabo bidi, eno noma te bugagia gamonabo pesageba painu, magi sę yagawe?”

Dwagi Yai Gesi Po Lukgo Asęani 11:16

Te bidi mebago Jisas tola sabo bono gaga muyu te aga habela palomainu, te po wali, “Godigo bomo nagebolo mani dago sumainu wida, te nago da noma sabo bomai sę me deli ela suao,” te po wali.

Dwagi Yai Gesi Po Lukgo Asęani 20:23

Tiali goli, Jisasgo augwaligo tibo po nigibo sę ebo homu agai polo koneani.

Dwagi Yai Gesi Po Lukgo Asęani 20:27

Te Sadyusi bidi hani augwaligo homugo isai bidi ma hodalogobe. Sadyusi dabe me badu Jisas pageba asali. Tama augwaligo agade muma sabo homu eyu, te po wali,

Dwagi Yai Gesi Po Jongo Asęani 8:6

Augwaligo tama po obaso Jisas homu magibo yabowe naga suainogo tiwai. Augwaligo homugo Jisasgo wabo pode augwaligo po tų ela maiabo tų me gegainogo, te Jisasgo po weyu, aga geda muyu da, teda augwaligo agade nogo tų ela mumai hagede. Tialima, Jisas tǫba basialuyu, aga nogo danigo tǫba po asęduai.

Godigo Sęba Tagala Palai Bidigo Po 4:1

Te Pita dali Jon si te we bidibolo po ola mobadi, te pris bidi dabe dali, te Moni Lotu Be tempel genuai enesigi bidi kepten dali, te Juda dabe bidi sibi Sadyusi bage dali, augwali te bidi si pageba sabolali.

Godigo Sęba Tagala Palai Bidigo Po 5:17

Te side te pris hani tobolu bidi dede, agai abagi solo dede, augwaligo lotu hani nogi Sadyusi, augwaligo te Jisasgo tagala palai bidi dabebolo dwai homu mu yali. Tigidali we bidigo te Jisasgo tagala palai bidi dabe dali dwagi yai homu ebaso, te Sadyusi dabego moni sębę elama, elainu yalio.

1 Korin 1:22

Te Juda bage augwaligo te po wabo dao, “Te ola mabo pode, te dago gedugo te nago te bidigo isąbo genuai bomai sę ebo subaso da, teda dago te nago ola mabo po te mu po dao homu yaibao.” Tiali goli eno “Te Krais aga te ni pedaide isali kolesaga te genuai sę dao,” te po eno te Juda dabebolo obaso, augwaligo te po hagela eyu oda tagalobo dao. Me ma, te Juda hani isąwai bage augwaligo homugo bidi mego aga digi homu kolesagago naga augwalibolo augwa e tǫde bidibo kolesaga page hania ola mao, te homu augwaligo ebo dao. Tama tiali goli dago te Krais ni pedaide isali po augwalibolo ola mobaso, hagela homu eyu te pode augwaligo me te homu kolesaga meni yai olo po naga dao, te homu ebo dao.