Matyu 15:2 - Godigo dwagi yai po buku

² “Magi baso nage wali pabo bidi dabe augwaligo te wąį nǫų dabego dabolo mani kolesaga te augwaligo bolobawe? Te augwaligo nai tuainogo ebo sogo, augwaligo te augwa nogo ąį me telabo menio, te dena wąį dabego nogo ąį telabo gasagi yai sę ebo augwaligo wali pabo menio.” Te bagego te po hanalu wali.

Matyu 15:2 Iomraidhean Croise

Tigidali Nai Gagalama Nigali Side 1:14

Te tudibadu Godigo te po wai, “Te be huliyu, posoyu yabo te bodolu mumainogo, te ula ebo nai dabe te dagalude pedalumainao. Tama elaluyu, augwaligo te polua dabe me, te kibu be dabe me, te kibu be yabo sogo te haniani bodolu muna muna paibao.

Esta 3:3

Nosali te gasa kiap dabego sulama, tama augwaligo agabolo hanalu wali, “Magi baso nago te king bidigo po wali pabewe?”

Matyu 15:3

Jisasgo po wei ponoyu, augwalibolo bomonama te po wai, “Te dage, dage magi baso duga digi duga kolesaga wali peyu, tama dagego te Godigo bomo yai po bolobo dawe?

Dwagi Yai Gesi Po Makgo Asęani 7:2

Tama augwaligo te aga wali pabo bidi dabe mebago nai tubo suali, te augwaligo nogo bolo hasia węgo te nogo habuba mu tugulama telasiąma te nai sela tuali.

Dwagi Yai Gesi Po Makgo Asęani 7:5

Tama tibaso te Farisi dabe me te Juda dabego bomai po page koneai bidi dabe augwaligo te Jisasbolo hanalu wali, “Magi baso te nage wali pabo bidi dabe augwaligo te dago wąį nǫų dabe augwaligo kolesaga wali pabo meniwe? Te augwaligo dago nogo wę telabo kolesaga isąma, tama nogo meda elalubadi nai tubo dao,” te po wai.

Dwagi Yai Gesi Po Lukgo Asęani 11:38

Jisas agai te Farisi dabego nogo wę telabo sę wali pisąma, nai polo tubaso, te Farisi bidi noma sai.

Galesia 1:14

Tama augwali dali homu dene isiąbadi eno te sę yai. Tama me, te ena gesi bidi bidibadi, dena Juda dabego wąįgo yali kolesaga wali pabo homu ebode, tede te Juda hani tomode elaluali gesi bidi tigidali eno ena abagi dede te dena wąįgo kolesaga wali pabo sęde augwali aiyaba elaluali. Te Juda dabego ebo sęde eno bomo mu elama, tama Juda hani tomode nogi sai.

Kolosi 2:8

Dage dua dao. Bidi dabe meba augwaligo te tǫde bidigo olo homu kolesaga, te we bidibolo tibo po ola mabo homu kolesaga, augwaligo dagebolo te tobage dwai homu kolesaga ola menama, tama te homu kolesagago dage dąų waidali weyu, dage dua dao. Te tobage homu kolesaga te Kraisgo ola mabeo. Mu menio. Te tobage olo homu kolesaga te bidi dabego polo wąįgo ola mani kolesaga dao, me te tǫ dali dagalu dali si tonalubo dwai genuai mobo bagego ola mani homu kolesaga dao. Te Kraisde sabeo.

1 Pita 1:18

Magi baso meni. Dagego wąįgo dagebolo polobadu ola mani bidabo kolesaga te usu isiąbo kolesaga dao. Tama dagego koneai, God agai dage te usu isiąbo kolesagade ma dobola siyu, agai te mobi elama damua pabo nai mego agai dage ma abela sabeo, te dila pai kapa si nogi gol dali silva dali si, te tobage gamonasiąbo naigo dage ma sabeo.