Matyu 13:8 - Godigo dwagi yai po buku

⁸ Tiali goli te telala pali nai wai ge me badu te wiegi yai tǫba tudulaluali, tama te nai du walali. Meba te 100, tama me badugo te 60 walali, tama me badugo 30 tama waliyu yai,” wali.

Matyu 13:8 Iomraidhean Croise

Tigidali Nai Gagalama Nigali Side 26:12

Aisakgo te tǫde nai wai dabe bulama, tama te kibu bede nai umabo mu pedelama, tama agai nai te hauwa sogo mu bulu dali tiwai gilama yali. Yawego aga tau siyu, tama dwagi yai sę aga dali yai,

Matyu 13:23

Tiali goli te tedela palali nai wai ge te wiegi yai ili yai elalubo tǫba tudulaluali po wali da, te bidigo po odama tama te po page bugagia koneani dao. Te tobage we bidi augwaligo nai ge walaibao, te 100, ma 60, ma 30 tama walobo dao,” Jisasgo te po wai.

Matyu 13:7

Tama meba te tedelawali nai wai ge te sesane yai bono elalubo madi tomoba tudulaluali. Tama te sesane yai bono elalubo madi tomodu te nai wai ge holali digi, te sesani yai bonogo haluama, tama te nai isilali.

Dwagi Yai Gesi Po Makgo Asęani 4:20

Tiali goli meba we bidi augwali te wiegi yai tǫba tudulaluali nai wai tiwai gilama yai. Te augwaligo Godigo po odama, tama augwaligo selama tama tolaluali, tama augwaligo nai du walali. Mebago te ge dwasianu walu, te mebago hauwa walu, te mebago geninama mu tama waliyu yalio,” Jisasgo te po wai.

Dwagi Yai Gesi Po Makgo Asęani 4:8

Tiali goli te nai wai meba te wiegi yai tǫ ili yai madiba tudulaluama, tama genuai holama, tama nai du walai. Mebago ge dwasianu te 30 walali, mebago te 60 walali, tama mebago geninama mu tama te 100 walalio.”

Dwagi Yai Gesi Po Lukgo Asęani 8:15

Te tubo nai ge te ili elalubo dwagi yai geswai tǫde tudulaluali po wali da, te da te bidi dabego po odama, te augwa bugagia wali pelama, te homude dąų ola sali tiwai yali. Te augwa haliga bugagia dolasa elalubadi, te augwa bomo elama bidu, te augwa nai du walobo tiwai te elaluali dao,” Jisasgo te po wali.

Dwagi Yai Gesi Po Lukgo Asęani 8:8

Te nai dabe holama, du umabo walali. Duga po odabo olo elalubaso da, bugagia odiąo,” Jisasgo te po wali.

Dwagi Yai Gesi Po Jongo Asęani 15:8

Dagego sę yalide du hauwa waliyu da, te kolesagade eno Ayago genuai nogi saibao. Tama tilama, dage eno po wali pabo bidi dabe mu yaibao.

Polgo Po Pas Rom Dabeba Asęani 7:18

Eno koneani, ena tomode te wiegi yai nai deli me bidibo menio. Eno tǫde bidibo tigide me te homude me, te side te wiegi yai nai me deli bidibo menio. Mu tama, eno wiegi yai kolesaga yabo homu ebo, tiali goli eno te kolesaga yabo usu me ebeo.

Filipai 1:11

Tama Jisas Krais agai naga pedalabo dolo mu yai kolesaga augwali dagede geninama pedalama, tama dagego ebo kolesaga tigidali te tiwai naga elaluaibao. Tama tebogo Godibolo bomo yai ula dali genuai nogi si mawaibao. Eno dagede te homu eyu, Godibolo gedu haluasa po wabo dao.