Matyu 12:5 - Godigo dwagi yai po buku

⁵ Ma dagego te bomai po asęani bukude elalubo po me deli nedebewe? Te po e dao, te pris bidi dabe, augwaligo te Moni Lotu Be tempel tomode te Sabat sogo tigidali me augwa sę ebo dao. Tama tiyu, augwaligo te Sabat sogo sę egio wabo bomo yai po augwaligo bolobo dao. Tiali goli Godigo augwalibolo sęgę magobeo. Dagego te po nedebewe?

Matyu 12:5 Iomraidhean Croise

Nehemia 13:17

Tialima, eno te Judade polaluali bidi dabeba wado po weyu, te tama po wali, “Odiąo. Dagego te dwai kolesaga mu ebao. Dagego te Sabat side dao wabo dolama, tama te olo side tiwai me deli pedalubao,” wali.

Esekiel 24:21

te dage Israelba te po pusao wali, Godigo te tama po wali, ‘Dagego God eno moni tempel bede wiegi yai homu pemene eyu, tama dagego te po weyu, te bomai dila pai be mu da, wali. Tama te be dagego godolo mu ebao. Tiali goli, eno te be dolaibao. Te dage hani wai dabe te Jerusalemde me bidalubo te boi hwįnama dolaibao.

Pris Sę Ebo Bomai Po 24:8

Te tigidali Sabatde te pris augwaligo te bret tebolba mubaso eno sueibao. Sesemane sogo te Israel augwaligo te kolesaga wali pao. Tede te po dąų wabo kontrak me deli eno augwali dali ebao.

Matyu 12:6

Eno megi te Moni Lotu Be tempelde po wali. Tialima eno dagebolo obao, te ede megi elalubo nai, agai te Moni Lotu Be tempel te aiyaba elalubo dao.