Matyu 12:10 - Godigo dwagi yai po buku

¹⁰ Tama bidi me deli tede bididuai, te bidi aga nogo dili bomo isai elaluai. Tama bidi meba augwaligo Jisas po tų ilainogo homu elama, tama augwaligo aga hanalu wai, “Ma, dago te Sabat sogode te gasi yai bidi usu ilibaso, te bomo yai po bolaibawe ma meniwe?” te po wai.

Matyu 12:10 Iomraidhean Croise

Aisaia 32:6

Te polobo sę ebo bagego te subigila po dabe wabo dao. Tama tigidali sogo augwaligo dwai polobo sę naga ebo dao. Augwaligo Genuai Bidigo godolo yabo sę dabe ebo menio. Tama ili po hauwa Genuai Bidide ela palobo dao. Tama augwaligo te nai meni yai bidi dabebolo nai masiąma eyu, me augwaligo te wę nogone ebo bidi dabe wę mayu ebo menio.

Aisaia 59:13

Dago te dena Genuai Bidi, God, nageba dwai sę yali, te dago nage tudiba munama, nago po sela sąwani. Dago nage dologode bidibo te hagela homu yai dao. Dago te gasa bage elaluama, te haniani hagoma kolesaga yali. Dago te gasa bage dabe tibo po ola mayu, po geagano bilama, haniani sunumi nigibo po wali.

Aisaia 59:4

Dagego te doloba pai po tų me ebeo. Menio. Dagego te tibo po dabe weyu, te po tų odoboba gasa bage dabe kekasa pali. Te dagego tibo po haniani weyu, te po tų ebo dagego po naga odomainu elama, te gasa bage aiyaba elaluai. Te dagego homu kolesagade te dwai sę ebo kolesaga hauwa mu pągąnalu, te dagego dwai sę haniani ebo dao.

Sekaraia 11:17

Tialima te tonalubo dwai bidi dolomainao, magi baso meni, agai aga hani sipsip tonalubo tagalali. Te boi bidi dabego agaba boi hwįagaselama te agai bomo tigidali aiyaba mu tamunaibao. Tialima agai nogo kimi bomo isilama, tama agai dolo nogo badu gedu te mu halua somainao,” Genuai Bidigo te po wai dao.

Matyu 12:2

Tama te Farisi bage augwaligo te kolesaga ebo sulama, tama augwaligo agabolo te po wai, “Suao, te kolesaga nage wali pabo bidi dabe augwaligo ebo, te Sabat sogode habu selai dao,’ wali.’

Matyu 19:3

Tama te Farisi hani dabe meba agaba aselama, tama augwaligo agai geda mubo po wagowe te homu eyu, tama augwaligo aga usu sagasai. Augwaligo te po wai, “Nago magi homu ebowe? Ma, dago bomo yai pode te bidigo aga homu naga wali peyu, tama aga we te tigidali magi sęde sela sąbo te usu egowe?” te po wai.

Dwagi Yai Gesi Po Makgo Asęani 3:2

Tama augwaligo Jisasba tonaluali. Augwaligo koneainogo, agai te bidi te Sabatde te wiegi yai ilibowe, ma meni ebowe naga sueinogo yai. Augwaligo te Jisasgo te sę ebode te po tų ilainogo homu yali.

Dwagi Yai Gesi Po Lukgo Asęani 11:54

Te augwaligo te bidi Jisasgo wabo po me geda mubo wenaga suai hagede, te hanalubo po hauwa bage unula dogia sąwanio.

Dwagi Yai Gesi Po Lukgo Asęani 13:14

Te Juda dabego bomo yai po ola mabo be tobolu bidi agai sębę yali, Jisasgo te gasi yai we Sabat sogode dwagi yai ma ilalide. Tama tibaso, te tobolu bidigo te we bidibolo te po wali, “Nogo a naga bidama, e badu nogo deli sogo dago sę ebo usu da. Tama te sogode e bidigo pageba asiąo, agai dagego gasi sia somainu. Tialima, Sabat sogode asigimio,” wali.

Dwagi Yai Gesi Po Lukgo Asęani 20:22

Te moni Rom gavman tobolu bidi Sisar, dago te bidibolo te takis moni mabo sę, te sę dwagi yai sę dawe, ma dwai sę dawe?” te po augwaligo hanalu wali.

Dwagi Yai Gesi Po Lukgo Asęani 23:14

Tama augwali sisinama, agai augwalibolo te po wai, “Dagego e bidi Jisas ena pageba sela asali dao. Dagego te po wai, ‘Jisasgo dago we bidigo ebo kolesaga dolai,’ te po wai. Eno aga te po hanalu wali, duga gesabide. Tama dagego odao. Eno Jisasgo yali magi sęgę agai me ebeo. Dagego aga tų ela mani te agai sęgę yali eno me subeo,” Pailatgo te po wai.

Dwagi Yai Gesi Po Lukgo Asęani 23:2

Augwaligo gagalama, Jisas tų ela mayu, te bidi Pailat gesabide. Augwaligo te po wai, “E bidigo da hanigo ebo kolesaga dolali. Jisasgo da dabe weyu, dago gavman tuni bidi Sisarbolo takis masigi magio homu ebo dao. Tama Jisasgo dabolo habu selebo po weyu, te po wai, ‘Ena da, Godigo sa muyu asaibao wali bidi Krais dao. Te ena tuni bidi dao,’ Jisasgo te po wai dao,” augwaligo te po wai.

Dwagi Yai Gesi Po Jongo Asęani 5:10

Tama Juda dabe genuai bidi augwaligo te gasi munaluali bidi aga pibo doado bage selama, sobadi yaide, augwaligo agabolo te po wai, “Megi da, te habu olama olo bidibo side dao. Nago pibo somo magi baso sela sobawe? Te nago Sabat sogo sę elamuo wali bomo yai po bolobao,” te Juda bagego te bidi dali te po tama wai.

Dwagi Yai Gesi Po Jongo Asęani 5:3

Te be mabode gasi yai we bidi hauwa bidai, gedu widai bidi dabe dali, sągą dwai bidi dabe dali, tama nogo sągą dili isai bidi me, augwali te be mabode bidai. (Augwaligo te ąį memenege ebo tonaluyu bidai.

Dwagi Yai Gesi Po Jongo Asęani 7:23

Dagego te tigiwali togobo bomai po wali peyu, te Sabat sogode me sogo te sę eyu da, teda dagego enade magi baso sębę ebawe, ena te gasi yai bidigo tigi eno dodolobo sę yalide.

Dwagi Yai Gesi Po Jongo Asęani 8:6

Augwaligo tama po obaso Jisas homu magibo yabowe naga suainogo tiwai. Augwaligo homugo Jisasgo wabo pode augwaligo po tų ela maiabo tų me gegainogo, te Jisasgo po weyu, aga geda muyu da, teda augwaligo agade nogo tų ela mumai hagede. Tialima, Jisas tǫba basialuyu, aga nogo danigo tǫba po asęduai.

Dwagi Yai Gesi Po Jongo Asęani 9:16

Tama te Farisi bidi hani tomode si bugulama, mebago Jisasde te po wai, “Godigo te bidi tagala palobeo. Agai Sabat sogode bomo yai po wali pabeo.” Tialima meba bidigo te po wai, “Dwai sę ebo bidi mego te tiwai bomai sę me ebo menio. Te bidi dwagi yai bidi dao,” wai.