Matyu 10:11 - Godigo dwagi yai po buku

¹¹ “Tama dage si si te hanu me deliba ma te dwasianu bulu tomoba me pobaso da, teda dagego bugagia sulama koneyu, mena bidi aga te bulude wiegi yai ma te doloba pai bidibo weyu suao. Tama te tiwai bidigo bede dage bidao, tama tede bididubadi te dage te gasa buluba pabo sogode te usu yaibao.

Matyu 10:11 Iomraidhean Croise

Jopgo Po Asęani Elalubo Buku 31:32

Mu tama. Te gasa bulu bidi dabe augwali piabo be meni ebo eno sulama, augwali te hanu sunumide olo bidimainu sula tagalobeo. Mu meni. Eno augwali ena beba oda sai dao.

Matyu 10:10

Tama dage bilibo sogo dagego te wa sabiligio, ma te holobo ugwa si me te sągą nadoba olo si me, te bilibo dono olo si me tolasa biligio. Menio. Te dagego tau sabo we bidi augwaligo dagebolo te tobage tigi tau sabo nai momainao.” wali.

Matyu 10:12

Tama dage te be tomoba pobadi, dagego te bede bidibo we bidi augwalibolo dwagi yai homu eyu te po wao, ‘Te dago homugo te wiegi yai sogo mu dageba asomainao.’

Dwagi Yai Gesi Po Makgo Asęani 6:10

Tama agai augwalibolo te po me wali, “Te dage bulu me deliba sabolama tama te be me deli tomoba pobaso da, teda dage te be tomode naga bidiąo, te gasa gasa beba pigimio. Tama nosali dagego te be tagalama te dage piąo.

Dwagi Yai Gesi Po Lukgo Asęani 19:7

Te we bidi augwaligo te sulama, tama hagelabo po weyu, te po wali, “Jisas te dwai sę ebo bidigo beba nai tugi pali.”

Dwagi Yai Gesi Po Lukgo Asęani 9:4

Dage mena buluba pobadi, augwaligo dage dali dwagi yai homu ebaso da, teda dage te bede naga bidao. Te be nani taga soabo bodolude taga soyu, te gasa buluba me peyu yao.

Godigo Sęba Tagala Palai Bidigo Po 16:15

Tiali da dago aga dali agai bede bidibo we bidi dali baptais mani. Tama agai dabolo te po wali, “Dagego homugo eno Jisas wali pabo homu ebaso da, eno homugo Jisas mu konealu baso da, teda dage aselama, eno beba bidagasao, osogo,” te po wai. Tama agai “Dage eno beba pinao” wali bomo mu yali. Tama tibaso, da aga dali pai.