Matyu 1:5 - Godigo dwagi yai po buku

⁵ Tama Salmongo ogwa Boas, tama Boas aga ida te aga Rahap. Tama Boasgo ogwa Obet, tama Obet aga ida te Rut.

Matyu 1:5 Iomraidhean Croise

Matyu 1:4

Tama Ramgo ogwa Aminadap. Tama Aminadapgo ogwa Nason. Tama Nasongo ogwa Salmon.

Matyu 1:6

Tama Obetgo ogwa Jesi. Tama Jesi aga ogwa te tuni bidi Devit dao. Tama Devitgo ogwa Solomon, te Solomon aga ida te polobadu te bidi Uriago we dao.

Dwagi Yai Gesi Po Lukgo Asęani 3:32

Devit aga aya Jesi, Jesi aga aya Obet, Obet aga aya Boas, Boas aga aya Salmon, Salmon aga aya Nason.

Hibru 11:31

Te sę pedalisiąbadi, tama te hanude bidali penani ebo we Rahap agai te Godigo te Israel dabe tau sali po odoyu, tama agai Godide aga homugo tiąluali. Tama tibaso, agai te bulu geme sa pelama sugi pali Israel bidi si tau salio. Tama te we aga te Godigo po sela sąwani we bidi augwali dali me dolobeo.

Jems 2:25

Tama dago Godigo gedude doloba pai we bidi bidabo kolesaga sao, te polobadu we mego po wali, te we nogi Rahap. Te we aga penani we, tialima Godigo te Kanan tǫ Juda bidi hanibolo mawainogo yali sogo, tama augwaligo te Kanan tǫba sa pabo bidi dabe tagala palai, te sogo te we Rahap agai te bage tau sai. Te we aga hanigo augwali elidali weyu, tama te we Rahap agai te bidi dabe dualama, gasa tųdu Juda bage bidibo digiba tagala palai. Tama te wego te yali sęde, te we aga Godigo gedude doloba pai mu pedelai dao.

Rutgo Po Elalubo Buku 1:22

Tialima, e po da te Naomigo Moap tǫ taga soali po pusali, tama Naomi aga Rut dali ma asali, te Moap tǫ we, aga auwa augwali si te Betlehemba sabolali, te bali togobo sogode sabolali.

Rutgo Po Elalubo Buku 1:4

Nosali Naomigo ogwa sigo te Moap tǫ we si sai. Te we si nogi e dao, Orpa, me Rut. Augwali we selama, tama augwali te Moap tǫde kibu be nogo si bidali homu yai dao.