Matyu 1:18 - Godigo dwagi yai po buku

¹⁸ Te Jisas Krais aga ame nani po, e tiwai dao. Aga ida Maria augwaligo Josepbolo noma po wai. Tiali goli augwali si taluama bidisiąbadi digi, tama Mariago suali aga te Godigo Tedali Mobo Bidigo sę yalima haliga yai elaluai.

Matyu 1:18 Iomraidhean Croise

Tigidali Nai Gagalama Nigali Side 3:15

Tama eno nago te webolo boi bidi ilibo sę iliyu, tama wego nagebolo boi bidi ilibo sę ilibadi yaibao. Tama eno nago te wego nosali ame nabo hani dali boi bidi ebo sę ilaibao. Te agai nago tobolude agalama, tama nago aga sągą gabulude gąų kelaibao,” Godigo te po wai.

Jopgo Po Asęani Elalubo Buku 14:4

Da we bidi nago gedude meda mu yali. Tama dego da hasegelama, da tigi wiegi yai nago gedude ilaibawe? Mu meni.

Jopgo Po Asęani Elalubo Buku 15:14

We me, bidi me, Godigo gedude doloba pai me elalubeo.

Matyu 1:1

E te Jisas Kraisgo nǫų wąį hanigo nogi nedada pabo po e dao. Jisas aga te Devitgo hani, tama Devit aga te Abrahamgo bidi hani dao.

Matyu 12:46

Jisasgo po te we bidi augwalibolo madubadi, tama aga ida ama dede dali augwali aselama, bulu badu dolaluagasai. Augwaligo aga dali po miainogo asai.

Matyu 2:11

Tama augwali te be tomoba pelama, tama augwaligo te wai aga ida Maria dali suai. Tama augwali tobolu basi gulama, tama kidu sugunama, te waiba lotu po wai. Tama augwaligo augwa wa dabe dalama, tama augwaligo te waibolo wiegi yai nai meba olo mawai, te kapa nogi gol me, te wiegi yai denami ebo pauda nai me, te tigide wiegi yai denami ilibo nai, te tama nai te wai olo mawai.

Dwagi Yai Gesi Po Lukgo Asęani 1:25

Elisabet agai te po wai, “Te Genuai Bidigo ena olo dali tau selama, isabo magade eno wai saibao. Tama tialigo we bidi gesabidide ena hale yai goli, megi agai te hale sela sąwai dao,” Elisabet agai te po wali.

Dwagi Yai Gesi Po Lukgo Asęani 2:5

Josep dali aga daganasa bidibo we Maria dali augwali si me nogi sai hagede holalio.

Bomai Po 22:23

“Tialima, dagego te bidi mego te wegi me te bidi mebolo odolai elalubadi, te bidi mego penani ebadi subaso da,

Hibru 10:5

Tama tibaso, Krais e tǫba dulubo sogo pąba yagasali sogo agai Godibolo e po wai dao: “Nago te augwaligo kibu dabe dali te gasa nai mego te ofa yainogo te nago homugo hagela yai. Tiali goli nago enabolo maiabo te tigi deli te sisi ilai dao.

Hibru 7:26

Da we bidi te magi kolesagade sǫą pobaso, te tobage polalubo pris bidi agai da tau sabo usu mu dao. Godigo gedude aga te wiegi yai mu, tama magi dwai sę delinu te agade me elalubeo. Aga te wiegi yai mu yai. Aga te sęgę dwasianu sai bidi te tiwai me ebeo. Menio. Aga te dwai sę ebo we bidi dali bidibo menio, aga gasagi yai tedali mu dao. Godigo aga ugwaba mu selama, tama agai te dagalu me aiyaba elaluama, tama ugwadu mu bidibo dao.