Malakai 4:4 - Godigo dwagi yai po buku

⁴ “Dagego te eno sę bidi Moses nogoba te Sainai bulu dude mani po dabe me bomai po me te munu me tagaligio. Eno te po agabolo mani te tigidali Israel we bidigo wali pomainu yai dao,” Genuai Bidigo te po wai.

Malakai 4:4 Iomraidhean Croise

Aisaia 42:21

Genuai Bidigo te doloba pai kolesaga naga eyu, tama agai te we bidi dabe ma dobola sabo kolesaga ebode dwagi yai homu ebao. Tama tibaso, aga bomo yai po dageba mobao, te gasa bage dabego sulama, te tiwai konemainu ebao, te bomo yai po te wiegi yai mu, te mu polalubo dao.

Aisaia 8:20

Te augwaligo te augwa Godiba pelama, tama agai homu kolesaga siyu, agai bomai po sigi peyu eyąo. Ma, augwaligo tama tisąma yali da, teda augwali hulia sai madi me bididuaibao. Tama wiegi yai sogo me sugobeo.

Jeremaia 6:16

Genuai Bidigo aga we bidi dabeba e tama po wai, “Te dagego mena sunumi wali pabo homu ebaso da, te bugagia homu kone palao. Dagego te duga wąį nǫų dabego wali te wiegi yai sunumi gegao. Te dagego me te sunumi wali pobaso, tama te nai dabego dageba sęgę masiąyu, te duga haliga te toma nomainu ilao,” wali. Tialima, te Israel dabego te po wai, “Dago te sunumi wali me pogobeo,” wali.

Polgo Po Pas Rom Dabeba Asęani 3:31

Dago e po wabo dao: we bidi augwaligo Kraisde konealubo po dąų obaso, te Godigo augwali aga gedude doloba pai we bidi ilaibao. Tama te po wabogo dago te bomai po dolobo dawe? Mu menio. Dago te bomai po page hania haninama tama te page da bugagia wali pabo dao.

Bomai Po 4:10

te dagego te God Genuai Bidi pąde dolaluyu suali, te po pusao, te Sainai bulu dude. Te sogo Godigo enabolo te po wali, ‘Te tigidali we bidi i olama sisinao. Eno homugo augwaligo eno wabo po odomainao. Tama tiyu, augwali e tǫde bidiyu, ena dologode naga elalumainao. Tama augwaligo augwa wai dabeba me nosali ola menama, tama augwali me ena dologode elalumainao,’ Godigo enabolo te po wali.”

Bomai Po 4:23

Dage bugagia tonaluao. Tiyu dagego God Genuai Bidigo dage dali dąų walali te po dagego gegeda pabuo, dagego. Dagego agai po wali piąo. Tama dagego duga tibo tibo god dabe me geselamuo.

Bomai Po 5:2

God, dago Genuai Bidigo, da dali te Sainai bulu dude po dąų walai dao.

Bomai Po 8:11

Mosesgo po geninama weyu, te po wali, “Dagego bugagia tonaluiąwe, tiyu dagego God dago Genuai Bidi gegeda pidali weyu. Tiyu dagego Genuai Bidigo haniani bomai po eno dage megi mabo, te bomai po gegeda pidalio.

Bomai Po 8:19

Dagego God dago Genuai Bidi me gegeda pelamuo. Tama dagego tibo god dabe wali pelama, tama augwaliba lotu po me olamuo. Megi eno haninama dagebolo bomona te walibao, ma dagego te po sela sąyani da, teda mu tama o, Godigo dage mu tama dolaibao.