Malakai 4:2 - Godigo dwagi yai po buku

² “Tiali goli dage eno po wali pabo we bidi, te eno bomogo dage ma saibao. Eno bomo te giliga ulago bomo tiwai elalu, tama dage we bidi te giligago tigi dili ilibo tiwai yaibao. Te dage wiegi yai pemene eyu, te bulmakau wai dabe te banis tomode bidai te buluba dinibo side te sasa mano pabo tiwai ebo dao.

Malakai 4:2 Iomraidhean Croise

2 Samuel 23:4

teda te we bidi dabego agaba wiegi yai homu pemene eyu, augwa te kigamude giliga bugagia naniyu, tama te pǫgo te ula mesegelisiąbaso, te wiegi yai homu pemene ebo tiwai yaibao. Tama te tulubage nosali silibo side, te giligago te nosa ula ilali.’ Eno te po wai.”

Godigo Nogi Ugwaba Sabo Tęąbi Po Wabo Buku Dabe 103:3

Agai eno dwai sę ebo tigidali sela sąwai, tama eno gasi ebo tigidali usu yai.

Godigo Nogi Ugwaba Sabo Tęąbi Po Wabo Buku Dabe 147:3

Te dwai sęgęgo te augwali homu dolama, te augwa dwai dene ebo we bidi dabe, te agai usu ma ilibo dao. Tama agai te augwaligo keni sįsįbo dao.

Godigo Nogi Ugwaba Sabo Tęąbi Po Wabo Buku Dabe 61:5

God, te tigidali naide eno nageba te po dąų walali, te nago odalio. Tama nago te nai dabe enabolo mawai, te nago nogi ugwaba sabo we bidi augwaliba mabo tiwai gilama yalio.

Godigo Nogi Ugwaba Sabo Tęąbi Po Wabo Buku Dabe 67:1

God, nago te olo tau sabo wiegi yai kolesaga dabolo elama, tama daba te wiegi yai sę yao. Nago daba homu kone palama, tama da tau sao.

Godigo Nogi Ugwaba Sabo Tęąbi Po Wabo Buku Dabe 84:11

Genuai Bidi, te da seselalubo bidi, te dago genuai nogi elalubo king dao. Agai te olo tau sabo wiegi yai kolesaga dabolo eyu, tama daba genuai nogi mayu yali. Agai te bugagia dolasa bilibo we bidi dabede te mena nai me deli me dąų me ela sogobeo.

Godigo Nogi Ugwaba Sabo Tęąbi Po Wabo Buku Dabe 85:9

Mu tama, agai te agaba lotu weyu, agai homu wali pabo we bidi dabe ma sainu te sisi yalio. Tama agai da ma selama, tama aga digi da dali dago tǫde bidaibao.

Bugagia Bidibo Kolesagade Po Asęai Buku 4:18

Te dwai sę ebo bidi dabego wali pabo sunumi te be hulia siyu, mu hulia sai dąų mu wabo tiwai ebao. Augwali te tula muyu, tama te magi naigo te augwali sągąde dolali te augwa me konegobeo. Tiali goli, te doloba pai bidi dabego sunumi da, te giliga kigamu nanobo tiwai elama, tama te giliga nanobo sę bomonama pedelama, te giliga tomo yagasoboba usu nubo dao.

Aisaia 30:26

Te sogo te polua te giliga tiwai bomo elama, mu nanaibao. Tama te sogo te giligago ula te bomo yai mu nanama, tama megi tama ula ebo edelama, mu nanaibao, te tigidali sogo ula ebo edelaibao. Te a naga olama, me badu nogo si sogo nanebo giliga deliba sisinama, deli bubugade nanebo tiwai yaibao. Te sę dabe te Genuai Bidigo aga we bidibolo mani sęgę dabe, me dene dabe mani sela sąbo sogo, te sę dabe yaibao. Tama agai augwali usu ma ilaibao.

Aisaia 35:6

Te sągą dwai penelai bidi dabe gesa soyu, posoga palaibao, me te pedauwali pania sai bage te i weyu, pemene yaibao. Te wę dabe te masigi kemi tǫde pedaliyu, te tigidali habuba usu nama paibao.

Aisaia 49:6

“Hasiabolo eno nageba te boi bidi dabego ela musiąwai Jekopgo hani dabe ma hodolabo sę mawai. Eno te Israel bage meba hagea sai dao, tama eno nageba te augwali sisinama, enaba odasa asabo sę mawai dao. Tialima, te sę ebogo te nago bomogo dęą me sogobeo. Eno te gasa sę me mawaibao. Eno nage te Israel hani isąwai we bidi hani tigidaligo sole ula tiwai nigaibao. Awe, nago te eno te tigidali bulu tǫ habu we bidi ma dobola sabo sę yaibao,” te po wali.

Aisaia 50:10

Dage te Genuai Bidi dologoba pelama, te agai sę bidigo po wali pabo hani dabe, dage wi me igimio. Te dage hulide biliyu, te dage ula meni yai, te dage konealubo homu Godiba dąų wao, te Genuai Bidigo dage tonalu, agai dage tau saibao.

Aisaia 53:5

Te dago yali dwai sęgęde naga aga dolali. Te augwaligo aga dodagia mu elama, te aga tigi tologola pali, agai te tolali sęgęde aga da usu ma ilama pedelali, te da bugagia mu bidibo dao.

Aisaia 9:2

Te we bidi augwali moni hulia sai madi bilai goli, megi augwali genuai ula suali. Augwali hulia sai madi bidai goli, megi da, augwaliba genuai ula pedalali.

Jeremaia 17:14

Genuai Bidi, eno homugo nago ena gasi usu ilama, te ena wiegi yai ma pedelaio. Nago ena me selama, te ena bugagia bidainogo yao. Eno nageba naga genuai nogi mabo dao.

Jeremaia 30:17

Te nago boi bidi augwaligo te tiwai po waibao, ‘Saion te olo nai tiwai elama, te mu dwaibao. Te bidigo agade homu me egobeo,’ te po waibao. Tialima, ena Genuai Bidi, eno te tiwai po obao, eno digi nago tigi usu ma ilama, te nago keni pedela somainogo yaibao,” wali.

Jeremaia 33:6

“Tialima, nosali eno te taun tau selama, tama te taun dali, te we bidi dabe me, wiegi yai ma pedelaibao. Te eno wiegi yai sogo mu augwaliba menama, te augwali bugagia mu bidiyu, tama te boi bidi dabego augwaliba me hwįagasogobeo.

Esekiel 47:12

Tama te Godigo tempel bedu pedelali ąį bogo si badu te wiegi yai ni du walobo ni holaibo. Te ni yabe dabe te me sasi egobeo. Tama augwaligo gesi noma nai tigidali poluade waliyu yaibao. Magi baso meni. Te ąį te Godigo bedu asobo ąį da, tama te ąį pagede elalubo ni dabe sa weyu, tama tiaibao. Te bidi dabego te ni du tuaibao, tama te ni yabe dabe selama, tama augwa haniani gasi dabe usu iliyu yainu saibao,” te bidigo te po wai.

Hosea 6:1

Te Israel we bidi dabe augwaligo te e tama po wai, “Iya, tegoba, da te Genuai Bidiba ma pinao. Agai da dolali, tiali goli, te agai da bugagia wiegi yai ma ilaibao. Agai da elama, te keni pedelali, tiali goli, te keni agai ma pedela somainu yaibao.

Hosea 6:3

Dago te Genuai Bidi koneabo sę bomo inao. Dago koneani, tigidali sogo kigamu te giliga pedalubao. Tama dago koneani, te tigidali sogo tulubage tulubo, tulubage te tǫba tulubao. Tama te tiwai naga dago koneao, Genuai Bidi te aselama, te da wiegi yai bugagia ma ilaibao,” augwaligo te po wai.

Malakai 3:16

Nosali te Genuai Bidi dologode bidama agai po odali we bidi dabe, augwa haside digi po miani, tama Genuai Bidigo augwaligo mibo po odalio. Tama Genuai Bidigo te po wai, tama te dagalude augwaligo te we bidigo nogi asęai elalubo buku me deli nigali, tede te Genuai Bidi dologode elalu, te agaba homu begi pai we bidi dabego nogi elaluali.

Matyu 11:5

Dagego e subao, te gedu widai bidi dabe augwali gedu usu ma iliyu, te sągą dwai bidi dabe augwali bugagia ma bilibo dao. Te oiyabe yai bidi dabe augwali tigi wiegi yai pedaliyu, tama olo degai bidigo po ma odobo dao. Te isai bidi dabe augwali ma hodoliyu, tama te magi nai meni yai bidi dabe augwaligo te Godigo wiegi yai gesi po odobo dao.

Matyu 23:37

“Jerusalem, Jerusalem, nago te Godigo tagala palali bidi profet dabe augwali ela munama, tama nago te Godigo nageba tagala palali sę bidi masigi sąnama, augwali me ela muanio. Hauwa sogo mu eno nago we bidi sisinainogo ebadi, te so ba kakarukgo te aga wai dabe augwali te bogo dologoba sisinibo tiwai, tiali goli dagego hagela yai dao.

Dwagi Yai Gesi Po Lukgo Asęani 1:50

Te God agai po tų sisu pabo we bidibolo agai olo tau sabo sę me, te iba bidada pabo bidigo ogwago ogwa dabego me, agai po tų sisu pidubaso da, agai tama tede piduabo tolai dao. Agai nogogo bomai sę yai dao.

Dwagi Yai Gesi Po Lukgo Asęani 1:78

Dago God da dali hobede mu elama, agai e tama tiwaibao. Te dagalu be posobo ula elalubo e tǫba dabolo tagala palaibao.

Dwagi Yai Gesi Po Lukgo Asęani 2:32

Sole ula deli dao, tego deli te Israel hani isąwai we bidibolo ula ola mawaibao. Tama agai moni nogi te Israel hani we bidi dabebolo mawaibao,” Simeongo Jisasde te po wali.

Dwagi Yai Gesi Po Jongo Asęani 1:14

Te Po aga digi bidi pedalai, tama da we bidi tomode aga bidai. Dago agai genuai nogi dali agai moni bomo dali si suai. Te Godigo Ogwa deligo genuai nogi dali bomo dali si dago suai. Agai te we bidi olo tau sabo sę hauwa eyu, te agai mu po naga weyu yai.

Dwagi Yai Gesi Po Jongo Asęani 1:4

Bidabo bomo Po agade elalubo. Tama agai bidabo bomo te we bidi augwaligo ula dao.

Dwagi Yai Gesi Po Jongo Asęani 1:8

Jon aga digi te ula menio. Tiali goli agai te ula po augwalibolo te po wagasai.

Dwagi Yai Gesi Po Jongo Asęani 12:40

“‘Augwaligo homu begelegi sogo da, teda eno augwali usu ma iligi da,’ Godigo te po wai. Tialima, augwaligo gedugo sulama, homugo koneidali weyu, Godigo augwaligo gedu haluai dao. Agai augwali te homu tomoba masigi sąwai gagawai we bidi ilali,” Aisaiago te po polobadu asęani.

Dwagi Yai Gesi Po Jongo Asęani 8:12

Te Jisasgo te Farisi hani bidi augwalibolo nosali te po ma wai, “Ena te tǫde we bidide ula dao. Bidi ena wali asobo bidi aga te bugagia bidabo ula aga selama, e tǫde bidaibao, aga hulide munu me bidigobeo,” wali.

Dwagi Yai Gesi Po Jongo Asęani 9:4

Megi ulade dao. Tama ulade dago ena tagala palali bidigo sę yao. Hulia sabo magade, hulia sabode, bidi me deligo sę me egobeo.

Godigo Sęba Tagala Palai Bidigo Po 13:26

Te bidi Polgo te po olama, po me ola mani, “Ama dede, abe dede, dage Abrahamgo hani bidi dagego me, odao. Dage Juda bidi hani isąwai bidi, dage God wali pabo dao, dagego me odao. Godigo agai da ma dobola sabo tų nigali po te da tigidalibolo tagala palali.

Godigo Sęba Tagala Palai Bidigo Po 13:47

‘Nage eno sole tiwai nigilibe dao, te Juda hani isąwai te tigidali tǫ pedaide bidalubo we bidi augwaliba ula ilimai hagede ebao. Tama nago tigidali tǫde bidibo we bidi tau selama, Godigo augwali ma somainu yao,’ wali,” Polgo te po wai.

Godigo Sęba Tagala Palai Bidigo Po 26:18

Tama nago augwali hulide bidibo pesage tagalama, ulaba kegasa asao. Tama nago augwali hulide bidibo kolesaga tagalama, nago augwali ula buluba kegasa asao. Augwali Satango bomode bidibadi, nago augwali ma sao, augwali God pageba asomainu tama yao. Tama augwaligo homugo ena konealu baso da, te augwaligo dwai kolesaga ebo Godigo tigidali sela sąwaibao, te Godigo sa muai we bidi dali wadolagasaibao,’ agai enabolo te po wai,” Pol agai te po wali.

2 Tesalonaika 1:3

Dago abagi dabe, sesemane sogo dago Godibolo usu da weyu, dago dagede homu kone palu gedu haluasa po wabo dao. Tama dago Godibolo nage usu da po wabo si, te usu si ebo dao. Magi basowe? God agai dage tau selama, tama dagego Jisasde po konealubo kolesaga mu genuai mu yai dao, tama dage deli deligo dwagi yai homu duga abagi dabe dali ebo dao, tama dagego te kolesaga ebo mę ela pabo dao.

2 Pita 1:19

Tama tibaso, dago te Godigo po odolama we bidibolo pusali bidi dabego polobadu wali poba dena homu te poba dąų wabo dao. Tama te tiwai gilama tama dagego me augwaligo wali po bomonama dąų ola siyu da, te wiegi yai yaibao. Te Godigo po pusali bidi profet bagego po te be hulia sai madide te lam sole ula elalubo tiwai dao. Tama dagego te profet bagego po bugagia odao, tama te po ododubadi te be posainu ebode tama te genuai ula elalubo hǫ pedalugulama tama te hǫgo ula te dagego homu tomode ula elaluaibao. Te sogo asobo tonalubadi, dagego te profet bagego po bugagia odiąo.

2 Pita 3:18

Me ma, dage te dago Genuai Bidi me te da ma sali bidi Jisas Kraisgo olo tau sabo kolesagade bidiyu, tama dagego aga koneanio. Tama dagego te olo tau siyu mabo kolesaga me mu siyu, tama dagego Krais aga konebo kolesaga hauwa siyu bidiąo. Tama agai te genuai ula yai bomai nogi megi elalubao, tama te nogi sesemane sogo mu bidada peyu, bidada paibao. Mu dao.

1 Jon 2:8

Me ma, megi eno dagebolo te asębo bomo yai po page meba te gesi po dao. Tama te eno asębo bomo yai po te mu po dao, te dago konebao, te Kraisde me, te dagede me, tede dago te bomo yai po te mu po dao dago subo dao. Magi baso meni, te ula mu te pedalama bidiyu, tama te ulago te be hulia si elaluali silibao.

Kraisgo Geme Dualali Sę Pedelabo Po Jonbolo Ola Mani 11:18

Tama nago po konesiąbo haniani tǫde bidibo bage augwali sębę mu yai. Tiali goli megi nago sębę yabo sogo te pedelalio. Tama megi te isali we bidi augwali te po tų eboba pedalobo sogo dao. Tama megi e sogo naga sę ebo bidi dabe, te nago nosali yabo sę po pusali bidi, augwalibolo te wiegi yai nai mabo sogo pedalai dao. Tama nago we bidi tigidali, te nogi yai bidi me, te nogi meni yai bidi, tigidali nagede wi eyu nago bomo dologode bidibo we bidi, te megi da te nago augwalibolo me te wiegi yai nai mabo sogo pedalai dao,” augwaligo te po wai.

Kraisgo Geme Dualali Sę Pedelabo Po Jonbolo Ola Mani 2:28

Tama eno agabolo te kigamu mu dagalude pedalobo te genuai hǫ, te me agabolo mawaibao.”

Kraisgo Geme Dualali Sę Pedelabo Po Jonbolo Ola Mani 22:16

“Ena Jisas, eno digi eno mobo bidi dageba tagala palai, tama agai te eno po wali pabo we bidi hani dagebolo e po pusumainogo yai. Ena digi ena te polobadu bidai bidi Devit aga hani bidi wąį dao. Tama te kigamu mu pedalobo te genuai hǫ te ena dao,” agai te po wai.

Kraisgo Geme Dualali Sę Pedelabo Po Jonbolo Ola Mani 22:2

Tama te ąį te duabo sai pagedu pedalama, tama te ąį te hanu moni pabo tų tomodu mu pabo dao. Te wę sesege u badu me, te wę sesege e badu, tede te bidabo ula mabo ni dabe elalubao. Te ni dabe augwaligo du walobo sogo te kibu be delide te nogo si olama sągą badu si sogo walobo dao. Te tigidali poluade walobo dao. Tama te ni yabego te tigidali tǫde we bidi hani augwali usu ilibo dao.

Rutgo Po Elalubo Buku 2:12

Nage te God, te da Israel hanigo Genuai Bidiba asalio, te agai nage bugagia tonalumainu yaibao. Agai te nago wiegi yai kolesaga tigidali ebo suali, tama eno homugo agai te wiegi yai kolesaga nagebolo wei ponemainu ebao, tama agai te kolesaga me mu nagebolo wei ponono pidubadi gemainu yaibao,” agai te po wai.