Malakai 4:1 - Godigo dwagi yai po buku

¹ Te Tigidali Bomo Elalubo Genuai Bidigo te po wai, “Bugagia odiąo,” wali. “Me sogo bodolu si pedaliyu, siago te hagoma ebo we bidi tigidali me dwai sę ebo we bidi ulaibao, siago te wa pai kala dabo tiwai yaibao. Te side te siago augwali dolama, tama augwali tigidali mu silaibao,” po wai dao.

Malakai 4:1 Iomraidhean Croise

Jopgo Po Asęani Elalubo Buku 18:16

Dwai kolesaga ebo bidi dabe da, mu sia saibao, te ni aga pedali dali, nologo dali si sasia pelama, damua pabo tiwai yaibao.

Godigo Nogi Ugwaba Sabo Tęąbi Po Wabo Buku Dabe 119:119

Nago homugo te dwai sę ebo we bidi dabe te pobelebage tiwai naga homu ebo dao, tama tibaso, eno nago po godolo mu ebo dao.

Godigo Nogi Ugwaba Sabo Tęąbi Po Wabo Buku Dabe 37:9

Te dwai sę ebo bidi dabe mu dolaibao. Tiali goli, te konealubo homu dąų olama bidibo we bidi dabego te Genuai Bidigo augwali tau somainu tonaluali we bidi dabe da, te augwali te augwa tǫde bugagia bidaibao.

Ma Dobola Sali 15:7

Te nago genuai bomogo digi nago naga boi bidi augwali aiyaba elaluai. Nago sębę te sia tiwai pedaliyu, tama augwali te wa pai nosa tiwai siago ulai.

Aisaia 40:24

Augwali te plaua dabe te bidigo tamadi tama bulama, te augwa sele aiyaba dulusiąwai tiwai elalubao. Te Genuai Bidigo bomai posolai wali tagala palobo sogo, augwali te deli sogo polo tama sasia pelama, te baguasa pabo waligo augwali te hogomu sela pabo tiwai ebo dao.

Aisaia 41:2

Dego mu te giliga pedalubo badu king hodolama, te aga pabo usu nama, tigidali habu badu te hwįbode aga ugwanu igulumainu yaliwe? Tama dego te bulu tǫ kantri aga nogoba munama, te agai te gasa king dabe aiyaba elalumainu ilaliwe? Te agai bainatgo me enesigi ene sesemonego te augwali mu silama, te augwali tǫ hogomu tiwai pedelali, te pobele bage waligo sela pabo tiwai yai dao.

Aisaia 47:14

Tiali goli, menio. Augwali te sasia pai nosai tiwai elalubao, te nage dolainu ebo siago te augwali tigidali daibao, te augwa digi augwa tau me sogobeo. Mu tamao, nago homugo nage te isi pąba duagi pelama, sia gogo naiba homu me egobeo. Menio. Te siago nage tigidali daibao.

Aisaia 5:24

Tama tibaso, dage te ni sasia pabo tiwai elama, tama te ni pedali mobia pelama, tama te ni yabe dabe tau elama, tegalubo tiwai yaibao. Te dwai sę dage tigiba polo tama pedalaibao, te isigo nosai delama, silibo tiwai tama yaibao. Magi baso meni. Dagego te Genuai Bidi Tigidali Bomo Elalubo Bidigo bomai po sela sąbaso, dagego Israel dabego God tudi ola mabo. Aga te Dwagi Yai Doloba Pai Kolesaga Naga Ebo God dao.

Aisaia 9:18

Te we bidi augwa haniani dwai kolesagago augwa ma dolali. Te dwai nosaide isi dola selama, te genuai nide dela selama, moni busi dabo tiwai yali. Tama genuai hano ugwaba holali.

Aisaia 9:19

Genuai Bidi Tigidali Bomo Elalubo Bidigo sębę genuai mu elama, tama agai tǫde we bidi tigidali dene mani. Tama augwali silali, te isigo mone busi delama, tigidali nai dabe dela silibo tiwai yali. Te deli deli we bidigo homu kolesagago da, gasa we bidi aiyaba elaluabo homu elalubo.

Esekiel 20:38

Tama eno te hagoma ebo bidi dabe me, te dwai sęgę elalubo bidi dabe me sela sąnama, te augwali dage tomode munu ma bidimainu me egobeo. Te eno dage Israel tigidali te kalabus bidali bulude selama, dage te po tų ebo madi odasa asaibao, tiali goli te hagoma eyu dwai sę ebo bidi dabe, augwali Israelgo te tǫba me pogobeo. Eno te tiwai ebaso, te dagego bugagia koneama, ena digi ena Genuai Bidi da waibao,” wali.

Esekiel 21:32

Tama dage te isigo sia ulama, te dela silibo tiwai yaibao. Dagego kaneme te duga tǫde digi gelaibao. Te mena bidi deligo dage homu kone ma palogobeo. Ena Genuai Bidi, eno te po wai dao,” te po wali.

Esekiel 24:11

Tialima, te bras sene te iside ulalumainu elama, te posolo hobulu mu yai pedalumainao. Te sene meda mu yali, te eno homugo te isigo te dila pai pobele bage hogomu silimainu elama, te sene wiegi yai meda meni yai ma pedalumainu yao.

Esekiel 34:17

“‘Tialima megi dage eno sipsip hani, ena God Genuai Bidi, eno dagebolo e tama po e obao, eno dage deli deligo kolesaga osola suyu, tama dagalaibao, te dage meba te omai sipsip tiwai dao, meba te meme tiwai dao.

Esekiel 7:10

Tama Genuai Bidigo po enabolo ma weyu, te tama po wali, “Te dolabo genuai sę pedelabo bodolu pąba yagasalio. Sesemane sogo te Israel dabe augwa abagi dabe dali dwai sę idualio. Tama augwaligo te hagoma ebo kolesaga ebo sę bomo yai dao.

Joel 2:1

Genuai Bidigo te dwai sę ebo we bidiba dene maiabo bodolu, te pąba megi yagasoba wali. Tialima, dagego te biugel bu weyu, te Godigo bulu dude digi, te Saionde belo dabe elao. Tama te side te tigidali Juda we bidi noma somainao wali.

Joel 2:31

“Tama te dagalude da, te giliga ge be hulia selama, te poluade mama yai pedelama, te bidi kaneme tiwai yaibao. Dagego te nai subo sogo da, te dagego koneyu, te Genuai Bidigo sogo bodolu te pedalubao homu yaibao. Te genuai side te tigidali tǫde we bidi wi mu yaibao.

Amos 2:9

Tama Genuai Bidigo te po me obao, “Dage Israel bage, eno we bidi dabe, eno digi dage tau sabo homu elama, eno te Amor dabe dolali. Te hani bidi dabe augwali te bobobage mu, te bobobage ni tiwai elama, augwa bomo te ni kaligo bomo tiwai yai goli, tama eno te Amor dabe mu silai dao.

Obadia 1:18

Te Jekopgo we bidi dabe, me aga ogwa Josepgo hani bage, augwali te sia tiwai pedelama, te augwaligo Isogo hani silaibao, te siago te kala wa pai dela pabo tiwai yaibao. Te Iso hanide te bidi deli me bidigobeo. Ena Genuai Bidi, eno te po wai dao,” wali.

Nahum 1:10

Dage te bomai wę tuyu gęo page mu yali bage tiwai dao, dage dwai madi bidibao. Agai dage tigidali silaibao wali, te siago te sesani yai nosai me kala wa pai te isi tula palobo tiwai yaibao.

Sefanaia 1:14

Genuai Bidigo agai po tų yabo te bubuga te pąde dao, tama te sogo pąde polo pedelaibao. Te dwai bubugade da, te bomai ami bidi dabe tagalao, augwali me wi dwai mu elama, tama gela geninama mu waibao.

Sefanaia 1:18

Tama te bubugade Genuai Bidigo sębę hania haninama, mu suaibao. Tama augwaligo silva me gol dabego augwali tau me sogobeo. Mu menio. Genuai Bidigo sębę te dwai isi tiwai pedelama, tama tigidali tǫ dela silaibao. Tama deli sogo tama agai tǫde we bidi sese tama mu silaibao.

Sekaraia 14:1

Te Godigo genuai bodolu si te pedelaibao. Tama te bodolu side te boi bidi dabe aselama, te dage Jerusalemgo mone dabe me doado bage sagasaibao. Te duga digi tononalubadi digi te augwaligo augwa hasi te doado bage dobola saibao.

Malakai 3:15

‘Dago te hagoma ebo bidi dabe bugagia bidiyu pemene ebo suali. Tama te dwai kolesaga ebo bidi dabego te doado bage hauwa elalubao, tama augwa te God usu sabo tobage kolesaga yalio, te augwaliba dene mabowe, ma meniwe, te suainu tiali. Tama Godigo augwali me dolisąwai. Mu menio.’ Dagego te po wai dao,” Genuai Bidigo te po wai.

Malakai 3:18

Tama tiyu, te sogo te ena wali pabo doloba pai we bidiba eno ebo kolesaga ma suiyagameo, te eno dwai bidi dabeba ebo kolesaga, te augwaligo eno po sela sąbo dao, te bageba me eno ebo kolesaga suiyagameo,” wali.

Malakai 3:2

Tiali goli, Genuai Bidi aga asobo sogo, dego te po tų ebo ugwaba ela holobo usu egowe? Aga te pepeli diliba pedalubo sogo, de te me hagagobewe? Aga te sia posolo mu elasa asobo tiwai eyu, te silva me gol hogomu pobele bage sela sąbo tiwai yaibao. Tama aga te meda yai ugwa te sop dali wę dali sigo telabo tiwai yaibao, te meda mu sela sąwaibao.

Malakai 3:3

Aga asobo te tigidali we bidigo kolesaga dagalainu asaibao, bidigo te silva siaba ulama, te dwai hogomu sela sąbo tiwai yaibao. Te tiwai te Genuai Bidigo sę bidigo te pris dabego dwai meda yai kolesaga sela sąnama, tama augwa te Genuai Bidiba wiegi yai ofa igi peyu selasa paibao wali.

Malakai 4:5

“Te dwai siago te dwai sę ebo bage dolabo bodolu side te eno side te genuai si ebaso, te we bidi tigidali te wi dwai mu yaibao. Tiali goli, hasia bolo te eno profet Elaija te dageba tagala palama, tama nosali te si pedelaibao,” wai dao.

Matyu 3:12

Te nai dagalobo bidi tiwai agai aga savol te aga nogode tolalubao, tama agai te tubo nai wit ge dagalobo sę emainogo ebao. Tama agai te wit hogomu te tigidali sela sąwaibao. Tama agai te wiegi yai wit ge naga aga wit ge muabo beba sisinaibao. Tiali goli agai te dwai wit hogomu te isisąbo siaba ulaibao,” Jongo te po wai.

Dwagi Yai Gesi Po Lukgo Asęani 19:43

Nosali te dwai bidibadi te asaibao. Boi bidi dabe augwaligo e be nani bobegelaibao, dage wi pidali weyu. Augwaligo te be nani moni obode te tǫ hauwa diganama, te tǫ hobolu badu dagana saibao. Tigidali badu bobegelaibao.

Dwagi Yai Gesi Po Lukgo Asęani 21:20

Te Jisasgo te po me wai, “Te nosali dagego te ami bidi dabego Jerusalem be nani bagulibo maga dagego subaso, teda te Jerusalem hanu dolabo sogo pąba yagasali, te dagego koneaibao.

Dwagi Yai Gesi Po Lukgo Asęani 6:23

Magi baso meni, dage bugai homu elama, gawi iyąo. Tama tibaso, dagebolo maiabo nai genuai mu te dagalude elalubo. Dagebolo tama sę ebo bage augwa nǫų dabego me Godigo po ola mabo bidi dabebolo me polobadu tama teduai dao.

2 Tesalonaika 1:8

Tama tiwai aselama, tama te sogo God konebo hagela yali we bidi dali, Genuai Bidi Jisasgo po wali pisąwani bidi dali augwalibolo agai dene mawaibao.

2 Pita 3:7

Tiali goli, megi Godigo pogo naga te dagalu me tǫ me sa munama, tama te dolobo sia dabo pedalobo tonaluyu bidibao. Tama te dagalu de tǫ sigo te Godigo po tų te agai po tudiba muani we bidi augwali te po tųba pedalobo tonalubao, tama te we bidi augwali dolaibao.