Malakai 2:5 - Godigo dwagi yai po buku

⁵ “Eno te dąų wali bomai pode, eno te pris dabe hani tǫde sesabi elama bidimainu ilali, te augwaliba bugagia bidabo po mawai. Eno augwaliba tama tiali, te augwaligo ena nogi ugwaba somainu yalio. Hasia augwaligo ena nogi ugwaba siyu, te ena dologode bidali.

Malakai 2:5 Iomraidhean Croise

Godigo Nogi Ugwaba Sabo Tęąbi Po Wabo Buku Dabe 61:5

God, te tigidali naide eno nageba te po dąų walali, te nago odalio. Tama nago te nai dabe enabolo mawai, te nago nogi ugwaba sabo we bidi augwaliba mabo tiwai gilama yalio.

Bugagia Bidibo Kolesagade Po Asęai Buku 14:2

Te doloba pai kolesaga wali pabo bidi, aga te Genuai Bidi wi eyu, aga dologode bidibao. Tiali goli, te tibo po wabo kolesaga wali pabo bidi dabego homugo te Genuai Bidi te olo nai me tiwai da, te homu ebo dao.

Esekiel 34:25

Tama eno augwali dali deli homu eyu, augwali dali bidabo po dąų walaibao, te augwali bugagia bidimainu. Tama eno te sipsip dabe elebo te bulu hasa dabe tigidali badu sela sąnama, tama augwali te bulude munu me ma bidigobeo. Tama tibaso, te sipsip dabego te wa pai tǫ dali, te ni sili elalubo bulu dali si te sipsip dabe bidabo bulu wiegi yai tiwai elaluaibao,’ eno te po obao” wali.

Esekiel 37:26

Tama eno augwali dali kontrak po dąų walama, tama augwali tigidali sogo bugagia bida bida peyu bidaibao. Tama eno augwali augwa tǫde bidimainu sula tagalama, tama augwali we bidi hani genuai hauwa mu pedelaibao. Tama eno be augwali tomode tigidali sogo mu elalua paibao.

Israel Hanigo Namba 25:7

Tama te Finias, te pris bidi Arongo ogwa Eleasargo ogwago augwali si suali. Tialima, agai te we bidi taga pelama, tama polo pelama, aga sesemone sigi pali.

Israel Hanigo Namba 25:8

Tama aga te we bidi si wali pelama, te ugwa be tomoba tula pelama, te we de bidi si hodobo agai sesemonego enani. Genuai Bidigo dwai gasi me te Israel we bidibolo menama, tama 24,000 we bidi te gasi selama isali. Tiali goli, Finiasgo te we de bidi si ela mubo si, te gasi sia sali.

Israel Hanigo Namba 3:45

“Megi da, nago te Livai dabe tigidali enabolo mao, te Israel dabego gomunai bidi dabe ogomani hasegeleyu, tama te Livai dabe te eno hani mu bidaibao. Tama augwaligo kau kibu ena mayu, tama augwaligo te Israel dabego gomunai kau kibu hasegelaibao.

Israel Hanigo Namba 8:15

“Te nago augwali eno gedude wiegi yai ilama enabolo mabo si da, teda augwali eno ugwa bede sę ebo usu yaibao.