Malakai 2:4 - Godigo dwagi yai po buku

⁴ Eno te tama tebode dagego koneagameo, eno te bomai po dageba mani homu yaibao. Dagego eno po wali pobaso da, teda eno dage te pris dabe dali dąų wali te bomai po, te Livai hani wąį nǫų dali yali po me bologobeo.” Te Tigidali Bomo Elalubo Genuai Bidigo te po wai dao.

Malakai 2:4 Iomraidhean Croise

Te Israel me Juda Hani Sigo Tuni Bidigo Po Elalubo Buku Deli 22:25

Te Mikaiago Sedekaiago po te tiwai wei ponani, “Nosali te boi bidi dabe asu, te da Israel aiyaba elalubaso, te naga digi wi peyu, te be me deli habu tomoba geme dula sigi paibao. Te tebo sogo naga nago koneaibao, Genuai Bidigo digi enaba te po mobaso, eno te po pusai yabo, te homu nago yagameo,” Mikaiago te po wali.

Nehemia 13:29

Tama tialima, God, nago te pris dabego te yali dwai kolesaga homu koneao. Augwaligo te pris hani te nago gedude meda ilali. Tama nago te pris me Livai hani dabe dali dų walali bomo yai po te augwaligo dolalio.

Aisaia 26:11

O Genuai Bidi, nago nogo polo balalubao, te dwai we bidi dene mawainogo. Tiali goli, augwaligo subeo. Genuai Bidi, te nago naga we bidi godolo mu elama, tau sabo kolesaga te augwaligo sumainao. Tama te dwai bidi dabe augwali hale dwai mu yaibao. Tama nago naga boi bidi dabe ulabo isi, te isigo augwali mu ula silaganio.

Aisaia 27:9

Tiali goli, tebogo agai te Israel dabe augwa digi yali te sęgę mu tama sia sąwainu da. Teda augwaligo te tibo godigo alta dabe sese toga sąyao. Tama te alta masigi dabe te olo hogomu gagalao. Tama me, augwaligo te tibo god we Asera piksa elalubo ni pos gelama tagaliyu, me augwali te dwagi yai hano denami ebo pauda ulubo alta doliyu emainao.

Jeremaia 28:9

Tialima, te profet me deligo te we bidi bugagia dugulalueibao po obaso da, teda te mu po wabowe, ma meniwe, te dago konebeo. Tialima, te nosali, te po mu pedalubaso da, teda dago koneaibao, mu tamao, Genuai Bidigo po te profetba menama, te aga tagala palobaso asai yali homu ebo dao,” wali.

Esekiel 33:33

Tiali goli, mu tama, nosali nago wali po sese tama mu pedalaibao. Tama te sogo augwaligo koneaibao, te nago te pusali po dabe, te eno po mu te yabao homu yaibao.” Genuai Bidigo te po wali.

Esekiel 38:23

Tialima, eno te tebo kolesagago tigidali we bidibolo eno genuai bomo ola mayu, me eno kolesaga wiegi yai me doloba pai kolesaga mu ola mawaibao. Tama augwaligo ena mu konea paibao, ena tedali gasagi yai mu dao, te koneaibao. Tama augwaligo bugagia mu konea paibao, ena deli ena Genuai Bidi dao homu yaibao,” wali.

Esekiel 44:7

dagego te gasa meba kantri bidi hani dabe eno be tomoba asomainu sula tagalai dao. Te dagego te kibu ili me kaneme ofa eyu, te eno nai mu dao olama, ulubo sogo tama tiai dao. Te Israel hani isąwai bulu badu bage, augwaligo augwa tigi hale ebo nai togisąwai bidi dabe dao. Tama augwaligo ena homugo me konebo menio. Augwali eno be tomoba aselama, tama augwaligo eno gedude te be meda ilai dao. Dagego te dwai damua pai kolesaga tama yaligo dao, teda dagego eno dąų walali po hųgia sąwai dao.

Malakai 3:1

Tialima, Tigidali Bomo Elalubo Genuai Bidigo po wei ponoyu, te tiwai wali, “Te eno po pusugi pabo bidi me deli te eno sunumi dodoligi pomainu polasa tagala palaibao. Dagego te Genuai Bidi asobo tonalubao, tialima polo tama aselama, te aga beba bidagasaibao. Dagego te eno po pusagasobo bidi suabo homu ebo wida, te suiąo. Tialima, aga asobo te eno dąų wali kontrak po pusagasaibao,” te po wai dao.

Israel Hanigo Namba 18:2

Tama naga hani bidi naga sao, te augwali te Livai bidi hanigo bidi dabe sao, naga wąį dabe, tama augwali nage dali sę elama, nage tau saibao, te nage naga ogwa dabe dali eno ugwa bede sę ebo sogo.

Israel Hanigo Namba 18:21

Tama Genuai Bidigo po genina ma weyu, e tama po wali, “Te Israel dabego te nai dabe nedama, nogo si wabo nai deli me bogelama, enaba magasobo si da, teda eno te nai deli dabe te Livai dabe mawaibao. Te da, te augwaligo pe tiwai, te sę ebo masigi tiwai sabo dao, te eno ugwa bede sę ebo pe tiwai dao.

Israel Hanigo Namba 25:12

Tama tibaso, megi nago agabolo te po wao, eno aga dali megi mu kęą pobao, te ena aga abagi tigidali sogo bidaibao.

Israel Hanigo Namba 3:11

Tama Genuai Bidigo Moses e tama tiwai po walali,

Israel Hanigo Namba 3:12

“Megi eno te Livai hani te ena hani mu tiwai sa megi mubao. Te eno te Isip dabego gomunai ogwa dabe ela muani sogo, eno te dagego gomunai wai dabe me, te bulmakau sipsip meme dabego gomunai wai dabe me, eno sa muai dao. Tama augwali sese ena mu dao po wai dao. Tiali goli, megi da, eno te gomunai ogomani dabe me sogobeo. Menio. Te Livai dabego augwali hasegelali, tama te Livai dabe te ena mu dao. Ena Genuai Bidi, eno po polo wali.”

Israel Hanigo Namba 3:45

“Megi da, nago te Livai dabe tigidali enabolo mao, te Israel dabego gomunai bidi dabe ogomani hasegeleyu, tama te Livai dabe te eno hani mu bidaibao. Tama augwaligo kau kibu ena mayu, tama augwaligo te Israel dabego gomunai kau kibu hasegelaibao.

Matyu 3:12

Te nai dagalobo bidi tiwai agai aga savol te aga nogode tolalubao, tama agai te tubo nai wit ge dagalobo sę emainogo ebao. Tama agai te wit hogomu te tigidali sela sąwaibao. Tama agai te wiegi yai wit ge naga aga wit ge muabo beba sisinaibao. Tiali goli agai te dwai wit hogomu te isisąbo siaba ulaibao,” Jongo te po wai.

Dwagi Yai Gesi Po Lukgo Asęani 10:11

‘Dagego e bulude elalubo te dago sągąde dagayane te pobele bage te dago sela sąbo da, te duga konemai hagede ebao. Tiali goli, dagego bugagia homu kone palao. Godigo we bidi tonalubo sę ebo bomo dage pageba pąba yagasalio,’ te po waiąo.

Dwagi Yai Gesi Po Jongo Asęani 15:2

Tama enade wadolali nologo, te nai walisiąwai nologo te tigidali eno Ayago togolama, sela sąbo dao. Tialima, nai walobo nologo tigidali agai te dwai sewa yali nologode elaluali yabe te pęą sąyu sela sąbo dao, tama aga nai genuai walomai hagede tiwai.