Malakai 1:6 - Godigo dwagi yai po buku

⁶ Te Tigidali Bomo Elalubo Genuai Bidigo te tiwai po te pris dabeba wali, “Ogwago te aga ayago po wali peyu, te aya dologode bidaibao, me te sę ebo bidigo me te aga tonalubo bidigo po wali paibao. Odiąo. Ena duga aya dao. Magi baso dage ena dologoba aselama bidisąbo meniwe? Ena duga tonalubo bos bidi dao. Magi baso dagego eno po wali pisąma ebawe? Dagego ena tudiba muyu, te eno nogi te olo nai dao homu eyu ebo dao. Tiali goli dagego enaba hanalu, ‘Dago magi ilama nage tudiba mubawe?’ te po wali.

Malakai 1:6 Iomraidhean Croise

Godigo Nogi Ugwaba Sabo Tęąbi Po Wabo Buku Dabe 123:2

Te sę ebo bidigo te aga tonalubo bidiba homu muyu, tama te sę ebo wego me te aga tonalubo weba homu muaibao. Te tiwai naga gilama, dago konealubo homu me nageba muyu, Genuai Bidi, te dago God dao, te nago olo tau sabo wiegi yai kolesaga dabolo ebaso, te usu dao.

Ma Dobola Sali 20:12

“Nago naga aya ida dologode bidama, tama augwaligo po wali pao. Nago tama tiyu da, te nage polo me isigobeo. Menio, te nage hauwa sogo te tǫde bidimainogo te God eno nago Genuai Bidi eno nage mawainogo homu ebo tǫde bidagameo.”

Bugagia Bidibo Kolesagade Po Asęai Buku 17:6

Te bidi monu dabe pedelama, tama te aga ogwago wai te wąį elalubaso da, teda aga pemene yaibao, magi baso meni, te tebogo te we bidigo agaba te genuai nogi momainu ebao. Tama te wai dabego te augwa aya idade wiegi yai pemene eyu, gawebo dao.

Bugagia Bidibo Kolesagade Po Asęai Buku 30:11

“Te meba bidi dabego te po wabo dao, Godigo te augwa aya idabolo te dwai sę emainao wabo dao.

Bugagia Bidibo Kolesagade Po Asęai Buku 30:17

“Te aga aya idago po sela sąbo bidigo, tama te posobo po augwali siba obaso da, teda aga te isibo sogo te aga tigi me pubalugobeo. Teda te gedeli dabe, me te genuai kemodage ba dabe aselama, aga gedu gudulama, tama aga tigi mi tuaibao.”

Aisaia 1:2

Dagalu, olo saganama, odao. Tǫ, nago me odao. Magi baso meni, Genuai Bidigo te po wai dao, “Te wai dabe eno tonaluama, genuai yali. Eno augwali bugagia negali. Tiali goli, augwali da, augwaligo eno po sela sąbo dao.

Aisaia 43:23

Te dagego haliga homu kolesaga enaba beaga sisąma, te dagego haniani ofa ebo sogo tama tibao. Te dagego te sipsip dabe te tigidali siaba mu uluyu, ofa tiwai ebo sogo, tama dagego te tobage awi te denami ebo nai abelama, te agaba ofa ebo sogo, te dagego te kibu hasa ili hauwa pesage holama, te ofa tiwai eyu ebo sogo, te dagego enaba homu kone palama, te ofa dabe ebeo. Eno dageba te sęgę mayu, te dageba po bomo eyu, dagego te wit ofa me, te wiegi yai denami ebo hano ebo ofa me, sesao po wabe, tama te sę dene ebaso, te dagego enade hagela homu ebeo. Mu menio. Tiali goli, dagego genuai sęgę enabolo menama, tama ena dagego te dwai sę ebode, me haniani dwai kolesaga ebode hagela mu ebo dao.

Aisaia 45:10

Mena bidigo te aga aya idabolo te tiwai po hanalu, “Te magi nai dage sigo ame nani dawe?” te po wabo bidigo kolesaga te umuna sai mu dao.

Aisaia 64:7

Te nageba gedu haluasa po weyu, te nage nogi wabo bidi meni yai, te nage pąba asu, nageba homu kolesaga kęą pabo bidi meni, magi baso meni, nago naga gesabidi daba geme dula selama elalu, te nago dena sęgęgo da dodolomainu ilama, te da dwai mu bidibao.

Aisaia 64:8

Tialima, Genuai Bidi, nage dago aya dao. Nage te sospen sene tǫgo nigibo bidi tiwai, tama da nago te sene nigainu sabo tǫ tiwai elalubao. Te nago nogogo digi da tigidali nigibo dao.

Jeremaia 23:11

Genuai Bidigo te po wai, “Te profet dabego me, pris dabego me, te Genuai Bidigo po konesiąwai bidi dabe ebo kolesaga tiwai yali. Te eno be tomode digi dwai sę ebadi, te tagalao, augwa te dwai kolesaga ebo me geana sogobeo.

Jeremaia 3:4

Megi tama nago enaba i weyu, te tiwai po wali, ‘Genuai Bidio, nage eno Aya dao, te nago ena gesi ogwa wegi elalubadi godolo elama, tama megi e sogoba usu nani,’ wali.

Jeremaia 31:9

Te eno augwali odasa asobo sogo, augwa gela weyu, enaba gedu haluasa po weyu, tama asaibao. Te eno augwali dodolo asu, te augwali eno wiegi yai wę elalubo pesageba pedelama, te eno augwali doloba pai sunumidu odasa asu, te augwali me tula mugobeo. Eno te tama tiwai yaibao, magi baso meni, ena te Israel hani dabego Aya bidibao, tama Efraim te eno gomunai wai tiwai dao,” wali.

Jeremaia 35:16

Te Jonadap hani, te Rekapgo ogwa te bage, augwaligo te augwa wąįgo po bugagia wali pali. Tiali goli, dage we bidi dabego eno po wali me pabeo.

Esekiel 22:26

Te pris dabego eno bomai po bolama, tama augwaligo homugo enaba te lotu wabo nai te olo nai tiwai da homu yali. Augwaligo te tobage deli kolesaga eno nai dabeba eyu, te augwaligo eno nai da weyu, sa musiąwai naiba ebo kolesaga tiwai yalio. Tama eno gedude te mena nai dabe te meda meni yai, me te mena nai dabe te meda yai da, te po te we bidi dabeba bugagia me ola mabo meni. Tama tiyu, augwaligo te Sabat side bomo yai po me wali pabo meni. Tama augwaligo te tama tebo kolesaga tigidalide te ena nogi aiyaba elaluai dao,” wali.

Hosea 12:8

Tialima, augwaligo te tama po wabo dao, ‘Da te mone bidi pedelalio,’ wabo. ‘Dago doado bage hauwa elalubao. Tama niwai bidi me deligo te po weyu, dago te nai wi sabo kolesagade te mone bidi pedelali me wagobeo.’ Augwaligo te po tama wabo dao.

Hosea 4:6

Te we bidi dabego ena bugagia konesiąbaso, augwaligo ena wali me asobeo, tama teyu, te augwali dolaibao,” wai. “Dage pris dabego ena wali me asisąyu, tama dagego eno po sela sąwanio. Tama tiyu, te eno dage sela sąwaibao. Tama eno te dagego wai dabe me te eno pris pedalumainu me egobeo,” wai dao.

Hosea 5:1

“Dage pris dabe, dagego te po odiąo. Dage Israelgo, eno poba olo bugagia muiąo. Tama dage kingo hani, dagego odiąo. Dagego te doloba pai po tų odobo sę elalubao, tiali goli dagego tama me tibeo. Tama tiyu, duga digi te po tųba dodolobao. Dage prisgo tibo lotu te Mispade hodolama, tama te bulu du Taborde, me te Sitim taunde tiai. Tama te dagego te we bidi dabego homu kolesaga dolali. Tama tiyu, dage te hasa kę, me te hasa waba bulubo tǫ dedage tiwai elaluali. Tama eno dage dodolomainogo eyu, te dwai dene dage tigidaliba mawaibao,” walio.

Pris Sę Ebo Bomai Po 19:3

Dage deli deligo duga ida aya dologode bidu, te augwaligo po wali pao. Dagego te olo toma nabo sogo, te Sabat side, sę me igio, dage olo toma naga tuyu, bidao. Ena Genuai Bidi, ena duga God, eno te po wai dao,” wali.

Sefanaia 3:4

Te profet dabe augwaligo augwa sę subigila eyu, bugagia ebo meni, tama augwaligo te bidi dabe augwali dolomainu ili po naga ola mayu ebo dao. Tama te pris dabe augwaligo te Godigo tedali gasagi yai be habu dabede dwai sę eyu ebo dao. Tama augwaligo Godigo bomai po hasegelama tagalali, te augwa digi augwa ma tau somainu.

Malakai 2:1

Te Tigidali Bomo Elalubo Genuai Bidigo te pris dabeba te tiwai po wali,

Malakai 2:10

Da tigidaligo Aya te deli naga elalubao. Te God deli naga te agai da nigali. Tialima, magi baso dago te dena abagi dabe dali dąų wali po bolobo dawe? Tama magi baso dago te dena wąį nǫų dabe dali dąų wali kontrak po te dago wali pabewe?

Malakai 2:8

“Tiali goli dage pris dabego eno doloba pai sunumi tagalalio. Dagego te haniani skul wabogo te we bidi hauwa kekelama, te augwaligo dolo meni isąwai tobage kolesaga ebao. Mu tama, eno dage te Livai dabe dali dąų wali po te dagego bolali dao.

Malakai 3:5

Tigidali Bomo Elalubo Genuai Bidigo te po wai, “Eno dagego kolesaga dagalainu asaibao,” wali. “Te polo tama eno te we sali tomode dolobo sę eyu, te pobi wabo bidi dabe po tų iliyu, te tibo po kotde pusuyu, te tonalubo bidi dabego te augwa sę bidi bugagia me abeligobeo, te we dabego tigidali doado bage sabo bidigo te muma sabo po weyu, te augwa bidi isai we dabego doado bage me siyu, te augwa aya isai wai dabego doado bage me sali, te bomai po boloyu te gasa tǫ kantridu asai bidi dabego nai me sali. Te tigidali bidi ena dologode me bidibeo, tama tibaso te eno augwali po tų ilaibao,” wai dao.

Matyu 15:4

Te Godigo te po wai, ‘Nago naga aya de ida sigo nogi ugwaba siyu, augwali sigo po wali pao’ wali, tama me ‘Te bidigo aga aya de ida si dali dwai po obaso da, teda te bidi aga ela muao,’ Godigo te po si wai.

Matyu 15:6

te usu da, te agai aga aya ida tau sabo tagalama, agai augwali sigo nogi ugwaba sabo bomo yai po bolobo sę te usu dao,’ te dagego te po ola mabo dao. Te tebo kolesagago dagego te Godigo po aiyaba elaluama, tama duga ebo kolesaga digi te ugwaba sabo dao, te naga wali pomainogo.

Matyu 19:19

Nago naga aya idago po wali pao. Tama nago gasa bidi dabe dali dwagi yai homu eyu godolo yao, te nago naga digi naga dwagi yai homu eyu godolo ebo tiwai kolesaga te gasa bidi dabe dali me tama naga tiao,” wali.

Matyu 6:9

Tama dagego gedu haluasa po e tama wao, ‘Dago Aya, nage dagalude bidibo bidi, dago homugo nago nogi wiegi yai tedali mu bideibao.

Matyu 7:21

Te Jisas agai po me weyu, te po wai, “Te we bidi hauwa augwaligo enade bomonama te po wabo dao, ‘Dago Genuai Bidi, dago Genuai Bidi,’ te po augwaligo enade wabo dao. Tiali goli, augwali tigidali te Godigo we bidi tonalubo madi te dagalu tomoba pogobeo. Tigidali menio, meba we bidi naga tomoba paibao. Eno Aya aga bidibo madi dagalude bidibo dao. Tama niwai bidi agai eno Ayago homu wali pabo bidi, te bidi naga te Godigo we bidi tonalubo madi tomoba bidigi paibao.

Dwagi Yai Gesi Po Makgo Asęani 10:19

Nago te bomai po koneanio: ‘Nago te bidi ela mugio. Nago te penani sę egio. Nago nai wi sigio. Nago gasa bidibolo tibo po me olamuo. Nago tibo pode gasa bidigo doado bage anoma elama sigio. Nago te naga aya de ida sigo po wali pao,’ te bomai po dabe nago koneanio, te wali pao,” Jisasgo te po wai.

Dwagi Yai Gesi Po Makgo Asęani 7:10

E tiwai dao. Polobadu Mosesgo te bomo yai po pusali, ‘Nago te naga aya idago po wali pao,’ wai, tama me po wali, ‘Bidigo dwai po te aga aya idabolo wabo bidi te aga isimainao,’ te po si Mosesgo ola mani.

Dwagi Yai Gesi Po Lukgo Asęani 10:29

Tiali goli, te Juda dabego bomo yai po ola mabo bidi aga hale idali weyu, Jisas agade doloba pai bidi dao homu emai hagede, agai Jisasbolo ma hanaluyu te po wali, “Eno abagi hasi da, te de dawe?” wali.

Dwagi Yai Gesi Po Lukgo Asęani 18:20

Nago te Godigo mani bomo yai po koneani. Te bomo yai po te da, penani sę egio, bidi ela mugio, bidi nai wi sigio, tibo po wagio, naga aya ida nogi ugwaba sao,” Jisasgo te po wali.

Dwagi Yai Gesi Po Lukgo Asęani 6:36

Duga Ayago we bidi hobede elama, tau sabogia, dagego me we bidi hobede elama, tau siąo,” Jisasgo te po wali.

Dwagi Yai Gesi Po Lukgo Asęani 6:46

Te Jisasgo te po digi po ma wadolu, te po wali, “Te dagego eno yao wali sę isąnama, magi baso enabolo ‘Dago Genuai Bidi dao’ po ola obawe?

Efesus 6:2

Te Godigo po weyu, tama Mosesgo bukude asęani po tiwai, “Te duga aya idago po wali pao. Tama te po mobo te wali peyu da, tama dage bugagia mu bidiyu, e tǫde hauwa sogo bideibao,” te po wai. Tama Godigo te po bomo eyu, dąų walai. Agai te mobo po hauwa weyu, te e po dali te dąų wali po hasia wadolali.

Bomai Po 1:31

Me, te nai meni yai kemi sane bulude yali me. Dagego gedugo polobadu suali, agai dage odasa asiyu yali kolesaga, me megi dage e bidibo te buluba me te sabalobao. Te da, te aya me deligo aga wai nogode tolasa bilibo tiwai te ebao.’

Bomai Po 32:6

Tiali goli, God dagego aya dao. Agai dage sese tama nigai dao. Tama agai dage we bidi hani deli pedalomainu ilai dao. Tama tialima, dagego magi baso te dwai kolesaga agaba ebawe? Dage polobo bage, dage homu kolesaga mu meni yai dao.”

Bomai Po 5:16

“‘Dage duga ida aya dologode elaluyu, tama augwaligo po wali piąo, te ena God, dagego Genuai Bidi, eno dagebolo wabo yali gilama. Tialima, dagego te tama sę eyu da, teda dagede tigidali sę wiegi yai mu pedelaibao. Tama dage eno megi te mabo te tǫde dage bobobage sogo mu bidaibao,’ wali.”

1 Pita 1:17

Tama nogi yai bidi dali, nogi meni yai bidi dali God agai po tų ebo sogode dagalama egobeo. Te meni. God agai we bidi po tų eyu osola subo si, agai augwaligo yali sę naga osola subo dao. Tama tibaso, dagego agade dago Aya waligo da, teda dage e tǫde osogo bidibadi, agade wi eyu aga dologode bidao.