Malakai 1:5 - Godigo dwagi yai po buku

⁵ “Dage Israel we bidigo te tebo sę te duga gedugo digi sueibao. Tama dagego te po weyu, ‘Genuai Bidigo bomo te umabo mu da Israelgo bulu tǫ kantride elalu, te dago bulu tǫ pedai bogo badu me te usu nai dao,’ po waibao,” Genuai Bidigo te po wali.

Malakai 1:5 Iomraidhean Croise

Tuni Bidi Dabego Po Elalubo Buku Si 29:8

Te Hesekiago po me wadolama te po wali, “Te Juda dabe me Jerusalem dabe augwaligo te dwai kolesaga yali. Tama tibaso, Genuai Bidigo augwali dali sębę elama, tama agai augwali dene mawai dao. Agai te boi bidi dabe tagala palama, dago aya dabe ela silimainu yalio. Tama augwaligo dago we dabe me wai dabe kalabus elama, augwa kantriba odasa pai dao. Tama te gasa hani we bidigo Genuai Bidigo dago te taun dabeba te sę yali po odobo si da, teda augwali homu hauwa mu elama, wi geninama ma ebo dao. Dago te bugagia mu koneani dao,” kingo te po wali.

Esekiel 38:16

Te eno dage ena we bidi te Israel we bidi dabe dali hwįgi pomainu tagala palaibao. Tama augwaligo dagego te tǫ te pǫgo mesega sabo tiwai ebo augwaligo sueibao. King Gok, nosali sogode nago te sę dabe emainogo eno nage hodolaibao, te gasa hani dabego sulama, konemainogo, te ena tedali gasagi yai bidiyu, tama eno kolesaga te wiegi yai mu elama, tama doloba pai mu dao olama konemainu. Tama augwaligo ena bugagia mu koneaibao.

Esekiel 38:23

Tialima, eno te tebo kolesagago tigidali we bidibolo eno genuai bomo ola mayu, me eno kolesaga wiegi yai me doloba pai kolesaga mu ola mawaibao. Tama augwaligo ena mu konea paibao, ena tedali gasagi yai mu dao, te koneaibao. Tama augwaligo bugagia mu konea paibao, ena deli ena Genuai Bidi dao homu yaibao,” wali.

Esekiel 39:9

Tama te Israel we bidi dabe augwaligo augwa taun dabe tagalama, tama augwaligo te boi bidi dabego hwįbo nai dabe tǫde subigila tagalai wilalua pabo nai dabe sigi paibao. Te augwaligo te sabele dabe me te awa dabe siyu, me enesigi siyu, me ene dabe siyu, me hwįbo wąbi dage dabe siyu, me te bobobage sesemone dabe siyu yaibao. Tama augwaligo te nai dabe sisinama, tama augwaligo te isi pulu dabe ulubo tiwai yaibao. Tama tiyu, augwaligo ulabo isi te kibu be nogo a naga olama, me badu nogo si, te 7 kibu bede nogabo isi usu elaluaibao,

Maika 5:4

Te tobolu bidi pedalubo si da, te aga we bidi dabe aga tonalueibao, te God, aga Genuai Bidigo bomode me genuai nogide te tama tiaibao. Tama te we bidi dabe bugagia bidaibao, magi baso meni, te tigidali bulu tǫ kantri dabede bidalubo bidi hani dabego te agai bomo koneaibao.

Bomai Po 11:7

Mu tama dao, duga digi Godigo te genuai sę dabe yali suai dao,” Mosesgo te po wali.

Bomai Po 4:3

Genuai Bidigo te bulu du Peorde yali sę duga digi polo te suali dao. Te bulude te dage tomode bidi hauwago te tibo god Balba lotu wali, tama Godigo augwali sese tama dolalio.

Josua 24:7

Tiali goli, te aya dabe augwali wi elama, tama eno te Israel dabe tigidali augwali tau somainogo te i bomonama mu wali, tama eno te be hulia sabo tiwai te augwalide te Isip ami dabe dali si tomode muani. Tama eno te tamu ąį peda pomainogo ilama, tama te Isip dabe mesega sali. Dagego eno te Isip dabede yali sę te dagego suai dao. Tama nosali dage te kemi tǫ bulude sesabi elama, hauwa sogo mu bidali.’”

1 Samuel 12:16

“Tialima, odiąo. Te dagego dwasianu tonalubo gana elama, tama dagego te genuai sę me deli te Genuai Bidigo digi te sę ebo suagameo.