Biblia Todo Logo
Bìoball air-loidhne

- Sanasan -




Malakai 1:11 - Godigo dwagi yai po buku

11 “Te tigidali bulu tǫ kantri we bidi dabego enaba genuai nogi mawaibao. Te tigidali bulude bidi dabego te wiegi yai denami ofa hano iliyu, te tobage wiegi yai ofa dabe enaba mawaibao. Te tigidali we bidigo ena nogi ugwaba saibao.

Faic an caibideil Dèan lethbhreac




Malakai 1:11
65 Iomraidhean Croise  

Genuai Bidi te polalubo bidi mu da, tama dago agai nogi ugwaba mu sinao. Te gasa god dabe te Genuai Bidi tiwai me elalubeo. Tama tibaso, da te Genuai Bidi dologoba pelama bidinao.


Agai aga we bidi augwali ma abelali. Tama agai augwali dali te bomai po me deli dąų walali, tama te dąų walali bomai po te sesemane elalua peyu, elalua pobao. Genuai Bidi aga te tedali wiegi yai da, tama agai te tigidali bomo elalubao.


Te giliga pedalubo badu, me giliga dega sigulubo badu, teba usu nigi peyu, da tigidali we bidigo te Genuai Bidi nogi ugwa sao.


Tama augwaligo te nago yali sę dabede te augwa tęąbi po weyu, tama nago genuai nogide te tęąbi po me waibao.


Eno homugo nago eno gedu haluasa po wabo te nageba denami ebo nai hano asobo tiwai emainao. Awe, te eno nogo si ugwaba siyu, nagebolo gedu haluasa po wabo si, eno homugo te ebo te nago gedude te piode mabo ofa tiwai emainao.


Te nago genuai nogide po eno hanilama pusuyu, tama te nosali pedalubo hani tigidaligo te nage sesemane sogo homu kone paibao. Tama tiyu, te me badu we bidi dabego te nago nogi sesemane sogo ugwaba siyu yaibao.


Te tigidali tǫ habu badu te we bidi dabe augwaligo te nago nogi ugwaba sabo dao. Te tigidali habu badu we bidi dabego te nago genuai nogide wiegi yai pemene ebo dao. Nago te tigidali bage te doloba pai kolesagade naga tonalubao.


Tama tialima, te Saion bulu dude bidibo we bidi tigidaligo te augwa wiegi yai pemene yao. Nago te tigidali we bidigo ebo kolesaga te dolo dagalubo dao. Tama tibaso, eno homugo te Juda taun we bidi dabe augwa te wiegi yai pemene mu emainao.


Te Tigidali Bomo Elalubo God, aga te dago Genuai Bidi da, megi da agai po weyu, tama te giliga pedaluboba, me te giliga dega siguluboba usu nama, te tigidali we bidiba i obao. Agai te tigidali bulu tǫ we bidiba i wabo dao.


Nago te tulubage tagala palu, te tama tebogo naga nago te tǫ bugagia tonalubao. Tama nago te tǫ ili hauwa pedalumainu ilama, tama te nai bugagia holobao. God, nago te wę dabe tigidali badu muai elalubao, tama augwali te me sula sabeo. Tego te nai hauwa pedalumainu ilama, tama te we bidi dabego sobao. Te sę nago digi ebo dao.


Tama tiyu, te tigidali we bidigo nago kolesaga te konemainu elama, tama tigidali hanigo te nago augwali ma saiba weyu, te augwaligo konemainao.


Tigidali hani we bidi nago augwali nigali, te augwaligo lotu po wainogo eyu, nageba kidu sugunagasaibao, tama augwaligo te nago nogi ugwaba saibao.


Dagego Genuai Bidigo genuai nogi ugwaba sao. Te ofa yabo nai me deli selasa, te agai tempel be tomoba pao.


Tama te sogo dagego balia weyu e tama waibao, “Genuai Bidigo nogi wao. Tama agaba i weyu, tama agabolo buba hwi wao. Te tigidali we bidi hani dabebolo pusao, te genuai sę dabe agai yalide. Tama augwalibolo pusao, aga genuai nogi elalubao.


Te tęąbi po weyu, Genuai Bidigo nogi ugwaba sao. Magi baso meni, aga genuai nogi salio, te agai yali wiegi wiegi yai sę yalide. Agai wiegi wiegi yai sę yali po tigidali tǫde we bidibolo pusao.


Tama Genuai Bidigo te Isip dabego aga deli naga te Genuai Bidi dao olama, konemainu tagalaibao. Tama agai tama tibo sogo da, te Isip dabego bugagia mu koneama, agaba lotu po weyu, agaba ofa nai dabe sela peyu yaibao. Tama augwaligo agaba bomo yai pogo dąų olama, tama augwaligo yaibao wali sę dolo tama augwaligo yaibao.


Suama. Genuai Bidi digibulu hogodoma, aga bomo dali, ula dali te asobao. Agai wado elama, tama moni isi dali, hano si, te pedalobao, te agai sębę ebo ola mayu, te agai po wabo si da. Te tigidali nai dabe ulubo isi agai keledu pedalobo.


Eno tama tibaso, te tigidali tǫ habu pedai we bidigo te tiwai konemainu yali, ena deli naga ena Genuai Bidi, te gasa god munu me bidibeo.


Magi baso meni. Ena, nage nigali God, ena te nago bidi tiwai bidaibao. Eno nogi da, te Tigidali Bomo Elalubo Genuai Bidi dao. Ena, te Israelgo God, ena te Wiegi Yai Doloba Pai Kolesaga Mu Ebo God da, te ena nage tudi badu posolalu tau sabo bidi, eno naga eno te tigidali tǫ habu tonalubo God dao.”


Genuai Bidi te genuai wę asobo tiwai eyu, te Genuai Bidigo ponobo sogo te dąų walali wę gisigilama, te wę asesa mu pomainu yaibao. Te tigidali tǫ asesa mu pomainu yaibao. Te tigidali tǫ habu we bidi dabe, te giliga pedalubo badu gagalasa pelama, te giliga degegi paboba usu nigi paibao, te augwaligo Genuai Bidigo bomo me genuai nogi koneama, te aga nogide wi elama, te augwali aga dologoba aselama, bidimainogo yaibao.


Genuai Bidigo te po wai, “Eno te we bidi dabe homu kolesaga sulama, tama eno konebao, te megi da, eno te tigidali we bidi dali sisinibo sogo dao, te mena po haniani wabo bage me sisinaibao. Te augwali sisinagasobo sogode, teda augwaligo te eno genuai ula me bomo sueibao.


Genuai Bidi, te nage tiwai gasa me menio. Nago genuai bomo, me genuai nogi elalubao. Te nago naga bomo waseliyu, te tobage sę dabe ebo dao.


Nage te tigidali hani we bidigo king bidibao, tiyu tigidaligo nagede wi elama, te nage dologode bidibaso usu yaibao. Te nago koneani wiegi yai homu kolesagago te king dabego koneani homu kolesaga, me te po page konea pai bidi dabego homu kolesaga, me te tigidali hani we bidigo kolesaga me, te aiyaba mu elaluai dao.


“Te dagego wabo po dąų waliyu, te tama po obao, ‘Te sesemane sogo bidada pabo Genuai Bidigo nogide mu da,’ po wainogo eyu da, teda dagego mu po tama naga weyu, te wiegi yai doloba pai kolesaga wali peyu, te po wao. Te dagego tama tibaso da, teda gasa hani dabego enaba hanalu, te eno augwaliba wiegi yai sę ebaso, te augwaligo enaba genuai nogi mawaibao,” te po wai.


Nago suali, te masigi olodali aluasa dulu te tulaluama, tama te piksa augwaligo te ain, me bras, me tǫ, silva, gol, te tama naigo nigali piksa elibo suai. Te masigi te Godigo bomo tiwai nigali. Te Godigo genuai nogi elalubao, agai nageba te nosali pedelabo nai dabede sę ola mawai. Te nade nago te suali nai dabede te sę te eno nagebolo wali po gilama te tiwai sę dolo mu pedelaibao,” Danielgo te po wai.


Tama tilama, tama te Israel dabego boi hwįnama, te Idom tǫ kantri pedai badu elaluali tǫ tigidali ma sobadi, tama augwaligo te gasa tǫ kantri te eno augwaligo somainu dąį ilali kantri tǫ me ma sesa paibao.” Te Genuai Bidigo po dao, tama agai te aga wali po tiwai gilama yaibao.


Te tobolu bidi pedalubo si da, te aga we bidi dabe aga tonalueibao, te God, aga Genuai Bidigo bomode me genuai nogide te tama tiaibao. Tama te we bidi dabe bugagia bidaibao, magi baso meni, te tigidali bulu tǫ kantri dabede bidalubo bidi hani dabego te agai bomo koneaibao.


Genuai Bidigo augwali wi dwai mu emainu ilaibao. Te agai te tigidali kantri dabego tibo god dabe olo nai pedelemainu ilaibao. Tama tigidali tǫ we bidi augwali augwa kantride bidiyu, Genuai Bidiba naga lotu po weyu yaibao.


“Tama te sogo eno tigidali kantride we bidigo homu kolesaga hasesegele paibao. Augwaligo homu kolesaga gesi ma elama, tama augwaligo ena deliba naga gedu haluasa po weyu yaibao. Tama augwali homu deli naga elama, tama augwaligo eno po wali asaibao.


Te boi bidi dabego eno we bidi dabe augwali selama, te giliga pedalubo badu me te giliga dega sigulubo badu te tǫ kantri dabeba bidigi palali. Tama eno te we bidi dabe ma sigi pelama, te augwali ma odasa aselama, te augwali Jerusalemba ma bidagasaibao. Te augwali eno we bidi dabe bidalu, te ena augwaligo God bidaibao. Te augwali eno doloba pai kolesagago sesemane sogo tonalueibao,” wali.


Ena Genuai Bidi, eno te po wali, te tibo po wabo bidi dolaibao wali. Te tobage bidigo te wiegi yai omai kibu te banisde elalu, te enaba mawaiba po dąų wali, tiali goli agai te dwai kibugo ofa ilali. Te kolesaga dolo me ebeo, magi baso meni, ena genuai king dao, te tigidali hani bidi enade wi elama, te ena dologoba pelama bidibo dao. Tama tibaso, te wiegi yai nai naga enaba te ofa eyu mao,” Genuai Bidigo te po wai.


Aga asobo te tigidali we bidigo kolesaga dagalainu asaibao, bidigo te silva siaba ulama, te dwai hogomu sela sąbo tiwai yaibao. Te tiwai te Genuai Bidigo sę bidigo te pris dabego dwai meda yai kolesaga sela sąnama, tama augwa te Genuai Bidiba wiegi yai ofa igi peyu selasa paibao wali.


Tama tibaso, dage pelama, tigidali we bidi hani ena wali asobo we bidi pedelao. Tama dagego augwali te Aya me Ogwa me Mobo Bidigo nogide baptais mao.


Eno dagebolo obao, te sia pedalobo badu me, te sia aiyaba dega sigi pabo badu me, te si badu te we bidi hauwa aselama, tama augwali te polobadu e tǫde bidali bidi te Abraham me Aisak me Jekop te bidi dabe dali deliba dualama, tama dagalude te Godigo we bidi tonalubo madi tomode bidiyu moni nai tueibao.


Eno ama dede, eno homugo te Godigo da dali homu dene eyu tama haniani olo tau mani wiegi yai kolesaga genuai mu yali, eno te homu ebaso, eno e po megi dagebolo hanilibao. Bidigo hasa ela munama tama Godibolo olo mabo sę, te ebo sę nogi poai te ofa dao. Tama te tiwai gilama dagego duga tigi te Godibolo olo mabo ofa tiwai yao. Te tigi bidibo ula elalubadi tama dagego Godibolo menama, tama te God aga deliba naga mao, te dwai sę me isąwai nai ofa dao, tama dagego te Godigo godolo ebo kolesaga yaibao. Dagego tama tiyu, tama dage te tiwai God dologode bidiyu, tama duga lotu po mu te Godibolo waiyąo.


Tama agai ena te Krais Jisasgo sę ebo bidi bidimainogo ilama, te Juda hani isąwai gasa hani augwali tomode sę emainogo yai. Ena te Godibolo lotu po weyu sę ebo bidi pris tiwai elama, tama eno Godigo wiegi yai gesi po pusubo sę ebao. Eno te gasa hani augwali te Godiba sela aselama, tama Tedali Mobo Bidigo augwali wiegi yai mu doloba pai we bidi ilibo si, tama eno augwali Godibolo te usu si yai ofa tiwai elama mawaibao.


Dagego mani tigidali nai usu elama eno selama, ena sǫą pabo meni. Te dagego dwagi yai nai dabe te bidi Epafroditus nogoba munama, tama agai tolasa asai, te eno sai, tama megi ena pągąna pabo. Te dagego tolali nai dabe augwali da te Godibolo olo maiabo denami ebo ofa nai tiwai dao, te agai gedude te usu dao, tama agai homu dwagi yai ilibo nai dao.


Tama dagego te dwagi yai kolesaga ebode dago Genuai Bidi Jisasgo nogi dagego ugwaba saibao. Tama dago God dali Genuai Bidi Jisas Krais dali augwali sigo dwagi yai homu da dali eyu, da olo mu tau mabo homu kolesaga dwagi yai mu eyu, tama Jisasgo dagego nogi me ugwaba saibao.


Tama eno homugo te tigidali bulu bidi dabe augwaligo gedu haluasa po omainogo homu ebao. Eno homugo augwali Godigo kolesaga naga wali pabo bidi dabe bidu, tama haliga sębę me wado po wabo tagaliyu, tama augwa nogo ugwaba siyu, te augwaligo gedu haluasa po omainogo ebo dao. Nago augwalibolo tama tiao po wao.


Te nogo a naga olama me badu nogo si wali te ensel bidi me deli agai te ona tiwai nai elali, tama tebadi, dagalude ensel mobo bidi meba augwaligo i bomonama weyu te po wali, “Dago Genuai Bidi God dali, te Godigo sa muani te we bidi tau somainogo tagala palali bidi Krais dali, augwali sigo te tigidali tǫde we bidi tonalubo bomo megi selama tama elalubao. Tama aga sesemane sogo te tuni bidi bidada peyu, bidada paibao,” te po wai.


Tama Genuai Bidi, nagaduba deli digi naga nage te magi dwai sę me esiąyu wiegi yai doloba pai mu bidibo dao. Tama tibaso, niwai bidigo nage dali wi egobewe? Tama niwai bidigo nage nogi ugwaba sogobewe? Te tobage bidi menio. Tigidali bidi hani augwali aselama, nage pagede lotu po nage dali wagasaibao. Magi baso menio, nago doloba pai kolesaga te hania bulu ulaba pedalai dao,” augwaligo te tęąbi po wabo eno odali.


Tama agai te buku sai digi, te aga genuai bidi mu bidibaso, te bidibo ula elalubo hasa me si me si badi, te bidi sese olama me badu nogo me si me si te polalubo tobolu bidi augwali te kibu sipsip wai pąba pelama, kidu sugunigi pai. Tama te tigidali tobolu bidi deli deli augwaligo te elebo nai gita tiwai badi, te wiegi yai kapa golgo nigai pou te tola sobadi yai. Tama me te pauda denami ebo nai te tigidali poude elalubo siago deyu, tama te holobo denami yai hano te Godigo we bidi augwaligo Godibolo wabo gedu haluasa po tiwai holobo eno suai.


Lean sinn:

Sanasan


Sanasan