Dwagi Yai Gesi Po Lukgo Asęani 9:12 - Godigo dwagi yai po buku

¹² Giliga aiyaba osoga sobadi yaide, Jisas aga wali pabo bidi dabe augwali aga pageba aselama, agabolo te po wali, “E bidi meni yai digi dao. E we bidi tagala palama, augwa digi tuabo nai me, piabo be me gegemainao, te dwasianu be nani dabede me, te gi dabede me.”

Dwagi Yai Gesi Po Lukgo Asęani 9:12 Iomraidhean Croise

Esekiel 34:25

Tama eno augwali dali deli homu eyu, augwali dali bidabo po dąų walaibao, te augwali bugagia bidimainu. Tama eno te sipsip dabe elebo te bulu hasa dabe tigidali badu sela sąnama, tama augwali te bulude munu me ma bidigobeo. Tama tibaso, te sipsip dabego te wa pai tǫ dali, te ni sili elalubo bulu dali si te sipsip dabe bidabo bulu wiegi yai tiwai elaluaibao,’ eno te po obao” wali.

Hosea 13:5

Dage te kemi tǫ wa pai bulude bidali sogo, eno dage bugagia mu tonaluai dao.

Matyu 14:13

Te Jisasgo te Jon isali po wabo odama, tama agai te bulu tagalama, tama geba me deli selama, tama ąį daidu peyu, aga te bidi meni yai bulu badu pali, aga wali pabo bidi dabe augwali naga aga dali pali. Tiali goli te we bidi augwaligo aga pali po odobaso, tama augwali te hanude bidali tagalama, tama augwali aga pali wali pai dao.

Matyu 15:23

Tiali goli Jisasgo te wego po wei ponobeo, sagia sai. Tama aga wali pabo bage augwali agaba aselama, tama aga homu begelemainogo te po wai, “Te we aga tagala palao. Aga da wali asiyu, da dali bomonama i weyu ebao,” augwaligo te po wai.

Matyu 15:32

Te Jisasgo aga wali pabo bidi dabe i olama asobode, tama agai te po wai, “Eno e we bidi augwali homu dene ebuo. Augwali sela sogo ena dali bidali, te augwa sesali nai tula silali. Te eno augwali nasi ebadi pao po weyu tagala palogobeo. Tiyu augwali tųde nasigo sidalio,” Jisasgo te po wai.

Dwagi Yai Gesi Po Lukgo Asęani 9:11

Augwaligo te we bidi dabe taga pali. Umabo we bidigo augwali pali po odama, augwali me nosali pali. Aga pageba augwali sabolobaso, Jisasgo dwagi yai homu elama, God agai we bidi tonalubo po pusa mayu, gasi yali we bidi meba tau sali.

Dwagi Yai Gesi Po Lukgo Asęani 9:13

Tiali goli, Jisasgo augwalibolo te po wali, “Tuabo nai duga digi mao.” Augwaligo wei ponoyu, te po wali, “Dago bret a naga badi, sųgų si badi elama naga, munalubao. Moni we bidi dabego tuabo nai dabe dago abelegi pomainu obawe?” (Tama tede bidibo bidi dabe namba nedebo te umabo mu, te 5,000 dao.)

Dwagi Yai Gesi Po Jongo Asęani 6:1

Te wali po silama, tama nosali me sogo Jisas Galili sigi ąį te moni gebadu nogelama, u badu pai. Augwaligo te ąį nogi me Taiberius nogi yai.

Filipai 1:19

Magi baso meni, eno mu koneai, dagego ena tau somainogo gedu haluasa po wabogo me, te Jisas Kraisgo Tedali Mobo Bidigo tau sabogo me, te sigo ena tau selama, tama te ena kalabusiba muani bage augwaligo ena olo tagala palaibao.