Dwagi Yai Gesi Po Lukgo Asęani 8:9 - Godigo dwagi yai po buku

⁹ Jisas aga dali bilali bidi dabego hanaluyu,” Nago wali po digi po mena po olama, obawe?” wali.

Dwagi Yai Gesi Po Lukgo Asęani 8:9 Iomraidhean Croise

Hosea 6:3

Dago te Genuai Bidi koneabo sę bomo inao. Dago koneani, tigidali sogo kigamu te giliga pedalubao. Tama dago koneani, te tigidali sogo tulubage tulubo, tulubage te tǫba tulubao. Tama te tiwai naga dago koneao, Genuai Bidi te aselama, te da wiegi yai bugagia ma ilaibao,” augwaligo te po wai.

Matyu 13:10

Te Jisas aga wali pabo bidi dabe aga pageba aselama, te po wai, “Magi baso nago po digi po begelama augwalibolo obawe?”

Matyu 13:18

“Te megi da dagego te bidigo nai wai ge te giba tededalo bilagasali po digi po page odiąo, bugagia koneao.

Matyu 13:36

Te sogo Jisasgo te we bidi augwali tagalama, tama aga te be tomoba pelama bidai. Tama aga wali pabo bidi dabe augwali agaba aselama, te po wai, “Nago te dwai noswai te gide pedalobo po olama po digi po begelama wali po page te dabolo haninama ola mao,” te po wai.

Matyu 15:15

Pitago te po wai, “Nago te hasia wali po digi po begelama wali po page pusao, tama dago odaio.”

Dwagi Yai Gesi Po Makgo Asęani 4:10

Te nosali te we bidi hauwa aga dali menibadi, Jisas agaduba naga bididuali, tama aga wali pabo bidi nogo si olama sągągo si badi, te meba Jisas aga dali bidalubo bidi dabe dali, augwaligo agabolo te begelama wali po pagede hanalu wali.

Dwagi Yai Gesi Po Makgo Asęani 4:34

Agai te po te we bidi augwalibolo hanilama me pusubeo. Menio. Agai te po begelama naga pusali. Tama aga te wali pabo bidi dabe naga aga dali bidibadi, agai te po page tigidali hanilama augwali dali pusuyu yai dao.

Dwagi Yai Gesi Po Jongo Asęani 15:15

Genuai bidi agai aga sę ebo bidibolo te sę yao po naga wabo dao. Agai te bidibolo te sę yabo po page ola mabo menio. Tiali goli, eno Ayago ena dali wali po tigidali, te po eno dage dali wai dao. Tama tibaso, eno dage sę ebo bidi da wabo nogi naga ma wagobeo, eno dage dali abagi dabe dao wabo.