Dwagi Yai Gesi Po Lukgo Asęani 8:8 - Godigo dwagi yai po buku

⁸ Te nai dabe holama, du umabo walali. Duga po odabo olo elalubaso da, bugagia odiąo,” Jisasgo te po wali.

Dwagi Yai Gesi Po Lukgo Asęani 8:8 Iomraidhean Croise

Tigidali Nai Gagalama Nigali Side 26:12

Aisakgo te tǫde nai wai dabe bulama, tama te kibu bede nai umabo mu pedelama, tama agai nai te hauwa sogo mu bulu dali tiwai gilama yali. Yawego aga tau siyu, tama dwagi yai sę aga dali yai,

Bugagia Bidibo Kolesagade Po Asęai Buku 20:12

Genuai Bidigo dago te tonabo gedu dabolo mawai, tama dago ologo te po dabe odomainu yai.

Bugagia Bidibo Kolesagade Po Asęai Buku 8:1

Wiegi yai doloba pai homu kolesaga te we me deli dolugulama, te da i wabo tiwai ebao.

Jeremaia 13:15

Dage Juda, Genuai Bidigo po dageba walio, te dagego agai poba bugagia olo muiąo. Dagego hagoma munu me elamu dao wali.

Jeremaia 25:4

Hauwa sogo polobadu Genuai Bidigo profet dabe, te aga sę bidi dabe, dageba tagala paludu geai, tialima, dagego hagoma eyu, te augwaligo poba olo sagana mubeo.

Matyu 11:15

Tama te olo elalubo bidigo agai te po odao,” wali.

Matyu 13:23

Tiali goli te tedela palali nai wai ge te wiegi yai ili yai elalubo tǫba tudulaluali po wali da, te bidigo po odama tama te po page bugagia koneani dao. Te tobage we bidi augwaligo nai ge walaibao, te 100, ma 60, ma 30 tama walobo dao,” Jisasgo te po wai.

Dwagi Yai Gesi Po Makgo Asęani 4:20

Tiali goli meba we bidi augwali te wiegi yai tǫba tudulaluali nai wai tiwai gilama yai. Te augwaligo Godigo po odama, tama augwaligo selama tama tolaluali, tama augwaligo nai du walali. Mebago te ge dwasianu walu, te mebago hauwa walu, te mebago geninama mu tama waliyu yalio,” Jisasgo te po wai.

Dwagi Yai Gesi Po Makgo Asęani 4:23

Te olo elalubo bidi agai eno te po odiąo!”

Dwagi Yai Gesi Po Makgo Asęani 4:8

Tiali goli te nai wai meba te wiegi yai tǫ ili yai madiba tudulaluama, tama genuai holama, tama nai du walai. Mebago ge dwasianu te 30 walali, mebago te 60 walali, tama mebago geninama mu tama te 100 walalio.”

Dwagi Yai Gesi Po Makgo Asęani 7:16

[Te olo elalubo bidigo agai te po odiąo.”]

Dwagi Yai Gesi Po Lukgo Asęani 14:35

Te mu halea pali tamu te olo nai tiwai dao, sę menio. Aga ili te tǫba magobeo. Te gide holobo nai tau sabo sę me egobeo. Te kibu bulmakau di dali taluama, te gide muainu ebaso, usu me egobeo. Te bidi dabe augwaligo te tobage tamu olo sela sąbo dao. Eno wabo po konebo bidi, agai eno po bugagia odao,” Jisasgo te po wali.

Dwagi Yai Gesi Po Lukgo Asęani 8:15

Te tubo nai ge te ili elalubo dwagi yai geswai tǫde tudulaluali po wali da, te da te bidi dabego po odama, te augwa bugagia wali pelama, te homude dąų ola sali tiwai yali. Te augwa haliga bugagia dolasa elalubadi, te augwa bomo elama bidu, te augwa nai du walobo tiwai te elaluali dao,” Jisasgo te po wali.

Dwagi Yai Gesi Po Lukgo Asęani 8:7

Tama te bidigo nai ge me badu sesani yai bono siliba tedelaluali. Tama nosali holobadi yaide, te sesani yai bono dabe dali talua holama mesegelali, tama te nai isila pali. Tama me badu ge dabe dwagi yai tǫba tulaluali.

Efesus 2:10

Tama God aga digi agai da gesi noma ma nigilai. Agai da Krais Jisas dali wadolama, tama da tǫde bidibo sogo tigidali dago we bidi tau sabo sę naga ela bilimainogo eyu, agai da gesi noma ma nigilai. Tama dago te we bidi tau sabo sę yabo te sę agai polobadu sisi yai.

Kolosi 1:10

Tama agai te homu kolesaga dagebolo mobaso, teda dagego ebo kolesaga te dago Genuai Bidigo gedude te usu yaibao, tama te kolesaga tigidaligo aga homu dwagi yai ilaibao. Tama dagego haniani dwagi yai sę yaibao, te dwagi yai ni aga du walobo tiwai yaibao. Dagego God koneama tama te konebo sę genuai pedalaibao.

Kraisgo Geme Dualali Sę Pedelabo Po Jonbolo Ola Mani 13:9

Olo elalubo bidi, agai e po bugagia odao.

Kraisgo Geme Dualali Sę Pedelabo Po Jonbolo Ola Mani 2:11

“Olo elalubo bidi, agai te Godigo Mobo Bidi agai Godigo po odobo we bidi hani dabebolo e wabo po bugagia odao: ‘Niwai bidi agai bomogo te dwai sę ebo kolesagago bomo aiyaba elaluyu da, te si sogo isibogo te bidi munu me dologobeo. Mu menio.’”

Kraisgo Geme Dualali Sę Pedelabo Po Jonbolo Ola Mani 2:7

“Te olo elalubo bidi, agai te Godigo Mobo Bidi agai Godigo po odobo we bidi hani dabebolo e wabo po bugagia odao: ‘Niwai bidi agai bomogo te dwai sę ebo kolesagago bomo aiyaba elaluyu da, te bidibolo eno aga usu da weyu, tama agai te bidi bidibo ula mabo ni du sela tumainao waibao. Tama te bidi bidibo ula maiabo ni te God aga gide elalubo dao.’”

Kraisgo Geme Dualali Sę Pedelabo Po Jonbolo Ola Mani 3:13

“Olo elalubo bidi, agai te Godigo Mobo Bidi agai Godigo po odobo we bidi hani dabebolo wabo po bugagia odao,” te bidigo enabolo wai.

Kraisgo Geme Dualali Sę Pedelabo Po Jonbolo Ola Mani 3:6

“Olo elalubo bidi, agai te Godigo Mobo Bidi agai Godigo po odobo we bidi hani dabebolo wabo po bugagia odao,” te bidigo enabolo te tama po wai.