Dwagi Yai Gesi Po Lukgo Asęani 7:26 - Godigo dwagi yai po buku

²⁶ Tiali goli dage magi baso pai dawe? Ma, te Godigo po pusubo profet bidi me deli sugi pai dawe? Awe, eno dagebolo obao, e Godigo po pusubo profet bidigo da, agai te gasa te Godigo po pusali profet bidi dabe te tigidali aiyaba elalualio.

Dwagi Yai Gesi Po Lukgo Asęani 7:26 Iomraidhean Croise

Dwagi Yai Gesi Po Lukgo Asęani 1:76

Agai te po me Jonde wali, “Eno ogwa, ‘Nage nosali Moni Godigo po pusa mabo bidi mu dao,’ Godigo te po waibao. Nage bolo polasa paidigi Genuai Bidi nosali asaibao. Nage polasa pelama, aga asobo tų sisi ela muaibao.

Dwagi Yai Gesi Po Lukgo Asęani 16:16

Te Jisasgo te po me wali, “Te polobadu bidali bidi Moses agai Godigo bomo yai po bukude asęani. Tama Godigo wali po pusa mani bage augwaligo agai wali po me bukude asęani. Tama bidaluama, te po kibu be hauwa bidabo po mu dao. Tama te pogo dage ola mani. Tiali goli, te bidi nogi Jon ame nenama, genuai elama, tama agai Godigo po pusa mabo gagalali. Agai te we bidibolo gesi po dwagi yai po ola mayu, God agai we bidi tonaluyu, augwali aga bomode bidaibao, wali. Tama Jongo te po pusa mabo gagalama, hauwa we bidi Godigo be tomoba pai hagede bomo elama, tomoba pabo dao.

Dwagi Yai Gesi Po Lukgo Asęani 20:6

Tiali goli, dago ‘Woo, Jon aga homugo te baptais mabo sę sali’ obaso, teda e we bidi tigidaligo masigi sąyu, da ela muaibao. Augwaligo homu te bidi Jon da Godigo tagala palali bidi mu dao,” augwa hasi augwaligo te po wai.

Dwagi Yai Gesi Po Lukgo Asęani 7:25

Te menio. Magide suainu pai dawe? Wiegi yai ugwa gudali bidi dagego sugi paliwe? Te menio. Te tobage ugwa gudalubo bage, te doado bage umabo munalubo dabe, augwali te genuai gavman tuni bidigo wiegi yai be dabede bidibo dao, te bidi meni yai bulude meni.

Dwagi Yai Gesi Po Lukgo Asęani 7:27

Te Jon agade te gasa profet bidigo Godigo wali po polobadu asęai dao, ‘Suao, te eno po pusabo bidi tagala palobaso, tama aga nage asabo digi polasa paibao. Agai nago tų sisi iligi paibao.’

Dwagi Yai Gesi Po Jongo Asęani 5:35

Jon da, te sole ula ebo gilama, agai ula we bidi dabebolo mawai dao. Tama dagego pęwadage side te ulade dagego dwagi yai homu osogo yai dao.