Dwagi Yai Gesi Po Lukgo Asęani 7:14 - Godigo dwagi yai po buku

¹⁴ Nosali Jisas aga pelama, te isai bidi muani ni gologobe wa diąbadi, te ni gologobe wa tolasa asali bage dolaluali. Tama “Ogwa bidi, hodaluao, eno mu po nagebolo tama obe dao,” Jisasgo te po wali.

Dwagi Yai Gesi Po Lukgo Asęani 7:14 Iomraidhean Croise

Te Israel me Juda Hani Sigo Tuni Bidigo Po Elalubo Buku Deli 17:21

Tama Elaija aga te wai bau badu aga sela sogo pigiluama, tama agai e tama gedu haluasa po wai, “God, eno Genuai Bidi, nago te e waigo hoboludu ogwa wai mobo ma mao,” wali.

Te Israel me Juda Hani Sigo Tuni Bidigo Po Elalubo Buku Deli 17:22

Tama tialima, te Genuai Bidigo te Elaijago te gedu haluasa po wabo odama, tama agai te waigo hoboludu ogwa wai mobo ma mawai. Tama tibaso, te isali wai ma hoda holali.

Jopgo Po Asęani Elalubo Buku 14:12

Te tiwai me, we bidi dabe da isilama, ma hodalobo menio, te tǫ dali, dagalu dali si silibo sogoba usu naibao. Tama augwali pila mubadi, magi nai mego augwali me hodologobeo,” wali.

Godigo Nogi Ugwaba Sabo Tęąbi Po Wabo Buku Dabe 33:9

Magi baso meni, agai po naga obaso, tama te tǫ pedelali. Agai bomai po waligo, tama tigidali nai elalubao.

Aisaia 26:19

Tiali goli, naga te hani polo isila pali, tama augwali megi hulia sai madi bidibao. Te augwali ma hodaloama, te ula ma sueibao. Nago te isai bidi dabe bidibo ula ma mabo dao, te hulide tulubage segeni elama, te tǫ wa pai madi te gesi noma nosai hogonu ma holomainu ebo tiwai ebo dao. Dage te gų pagede pila mubo bage, dage hodaloama, dage wiegi yai homu elama, po hae waiąo.

Dwagi Yai Gesi Po Makgo Asęani 5:41

Tama agai te wegi nogo tolalu, tama agabolo weyu, te po wali, “Talita kumi.” Te po begelama tama dena pogo te po page e tiwai dao, “Dwasianu wegi, eno nagebolo obao, nage hodaluao,” wali.

Dwagi Yai Gesi Po Lukgo Asęani 7:13

Tama Genuai Bidigo te wilawe we sulama, moni hobede mu eyu, “Gela wagio” wali.

Dwagi Yai Gesi Po Lukgo Asęani 7:15

Tama te isali bidi hodaluama, po wabo gagalobadi, Jisasgo aga idabolo ma mani.

Dwagi Yai Gesi Po Lukgo Asęani 7:17

Jisasgo te tiali po tigidali Juda dabego buluba me, te bogo badu elalua pabo buluba me, pela silali.

Dwagi Yai Gesi Po Jongo Asęani 11:25

Jisasgo te po wai, “Isai bidi hodalobo bomo dali, bidabo bomo dali, te ena digi eno tonalubo dao. Bidigo enabolo homu dąų olama, muani bidi isali, te aga bidabo bomo selama, ma bidaibao.

Dwagi Yai Gesi Po Jongo Asęani 5:21

God Ayago isai bidi ma hodolama, bidabo bomo mabo dao. Tama tibo gilama, Ogwago me aga homugo we bidibolo bidabo bomo mabo dao.

Dwagi Yai Gesi Po Jongo Asęani 5:25

Eno mu po dagebolo obao, te sogo pedalaibao, tama te megi polo pedalalio, tama isai bidi augwaligo Godigo ogwago po odaibao. Tama te po odama wali pabo we bidi dabe da, augwali mu bidaibao.

Polgo Po Pas Rom Dabeba Asęani 4:17

Tama tede te Godigo po bukude e tiwai po wai dao: “Eno nage te geninama pedalabo bidi hani hauwago wąį mubao” wai. Te dąų wali po Godigo obaso, Godigo gedude te po te bomo elalubao. Abraham te dago aya dao. Tama Abrahamgo konealubo po te dąų wali po wali peyu Godiba homu dąų wai. Te Godigo naga te isali bidi dabebolo te bidibo ula mayu, tama te pedalisiąwani nai dabe me i weyu, te augwali pedelainu ebo dao. Tama tibaso Abrahamgo e homu mu yali, te Godigo aga yaibao po wali sę te mu yaibao.

Efesus 5:12

Me ma, eno augwaligo geme dualama ebo dwai meda yai kolesaga po pusugobeo. Menio. Eno augwaligo te tobage dwai dwai kolesaga ebode po wagi sogo da, teda eno pedauwali sęgę eyu hale naga egi dao. Magi baso meni, te dwai dwai sę ebo po pusainogo ebo te usu menio. Eno dage dali te sęde po mibo hagalabo.