Dwagi Yai Gesi Po Lukgo Asęani 7:13 - Godigo dwagi yai po buku

¹³ Tama Genuai Bidigo te wilawe we sulama, moni hobede mu eyu, “Gela wagio” wali.

Dwagi Yai Gesi Po Lukgo Asęani 7:13 Iomraidhean Croise

Godigo Nogi Ugwaba Sabo Tęąbi Po Wabo Buku Dabe 103:13

Ayago aga wai dabe hobede ebo dao. Tiwai Genuai Bidigo aga dali wi ebo we bidi augwali hobede ebo dao.

Godigo Nogi Ugwaba Sabo Tęąbi Po Wabo Buku Dabe 86:15

Tiali goli, Genuai Bidi, nagede te homu dene ebo, me olo tau mabo wiegi yai kolesaga pągąnalubao, tama nage da, te bobobage guni yai bidi dao. Nago da wei mu eyu, tama nago homugo da dali kęą mu pai dao.

Godigo Nogi Ugwaba Sabo Tęąbi Po Wabo Buku Dabe 86:5

Genuai Bidi, nago te wiegi yai sę mu elama, tama nago eno dwai sęgę sela sąbo dao. Nago te nageba gedu haluasa po wabo we bidi tigidali wei mu eyu, tama naga homugo augwali dali kęą pai dao.

Aisaia 63:9

Te augwali dene me sęgę tolali sogo, Genuai Bidi me augwali dali te dene me sęgę tolali. Te agai haliga augwalide homu dene ebaso, te agai augwaliba te olo mu tau sabo wiegi yai kolesaga yali, tama aga digi te mobo bidi ensel tiwai pedelama, te augwali ma sali. Te tobage sogo sesabi mu elama, te agai augwali tolalu, te augwali bugagia mu tonaluai dao.

Jeremaia 31:20

Ena Genuai Bidi, eno te po obao, eno Efraim te godolo mu yali, aga eno ogwa dao. Tigidali sogo eno aga nogi wedu, eno agade homu kone yai. Eno haliga agaba mu mudubadi ebao. Tialima, eno olo tau sabo wiegi yai kolesaga agaba yai dao.”

Dwagi Yai Gesi Po Makgo Asęani 8:2

“Eno te e bidalubo we bidi augwalide homu dene ebao. Augwali ena dali sela sogo bidalio, tama megi augwali nai meni yai dao.

Dwagi Yai Gesi Po Lukgo Asęani 10:1

Te nosali Genuai Bidigo bidi sese sela olama, me bidi nogo si olama, sągągo si peda sigisu te 72 bidi sa munama, tagala palali. Aga nosali pabo pesage tigidaliba te bidi dabe si si tagala paliyu ela palio.

Dwagi Yai Gesi Po Lukgo Asęani 11:1

Me sogo Jisas te bulu me deli badu pelama, te Godibolo gedu haluasa po olama, silama, te aga wali bilibo bidi mego agabolo te tama po wai, “Genuai Bidi, te nago dabolo me te Godibolo gedu haluasa po wabo sę ola mao. Te bidi Jongo aga wali bilibo bidi dabe ola manigia yao,” wali.

Dwagi Yai Gesi Po Lukgo Asęani 11:39

Tama Genuai Bidigo te po wali, “Dage Farisi dabego te kap dabe me, pou dabe me te eda badu bulu badu meda elalubaso, te bugagia dua digi me te ąįde telabo dao. Tiali goli, dagego homude dwai sę yabo konealubao, gasa bidigo nai sulama, eno somainawe homu ebo bage dao. Tama te ebogo homu dwai dao ola mabo dao.

Dwagi Yai Gesi Po Lukgo Asęani 12:42

Tama Genuai Bidigo wei ponoyu, te po wali, “Te eno te kolesaga elama, dwagi yai sę ebo bidibolo obao. Aga genuai bidigo te bidi te sę tigidali tonaluabo genuai bidi me ma nigilaibao. Te bidi te gasa sę ebo we bidi dabe nai dobayabo sogo dobayabo genuai bidi me nigilaibao.

Dwagi Yai Gesi Po Lukgo Asęani 13:15

Te Genuai Bidi Jisasgo te tobolu bidibolo te po wei ponani, “Dage magi ebo bidi dawe? Dagego po mobo mabo da, tiali goli duga po mobo mabo te dagego tibo po dali weyu, te wabo po wali pabo meni. Te dagego wabo po me te ebo kolesaga me deli tigi tiwai si me elalubeo. Te Sabat sogode, dage tigidaligo te duga kibu hos me, te kau kibu me muani madi pelama, te wę tumainu, te duga augwali muani pesage tagalama, te węba odasa pabo da, te Sabat sogode tiaibao. Tama te sę ebo si, dage moni homu ebo meni dao.

Dwagi Yai Gesi Po Lukgo Asęani 17:5

Te po sela pabo bidi augwaligo Genuai Bidi Jisasbolo te po wali, “Dena homu kolesaga nageba muani digi, da usube. Da tau sao, dena homu kolesaga tigidali nageba mumainu. Te tiwai munama, te usu yaibao,” te po wali.

Dwagi Yai Gesi Po Lukgo Asęani 17:6

Tama te Genuai Bidi Jisas agai augwalibolo te po wali, “Edao. Dagego kolesaga enaba mu dąų wabo sę te dwasianunu kemeni ge tiwai dwasianu elalugi sogo da, teda e gasa nigo dagego wabo po odigi da. Dagego e gasa niba ‘Nage naga pedali dabe tǫdu gudama, tama te tamu ąįba pelama, naga digi teba buligi pao’ obaso da, teda te nigo te po odaibao, teba buligi paibao,” wali.

Dwagi Yai Gesi Po Lukgo Asęani 18:6

Tama Genuai Bidi Jisasgo te po wali, “Dagego te gagea pai po tų dodolobo bidigo wali po odiąo.

Dwagi Yai Gesi Po Lukgo Asęani 19:8

Tama Sakius doligulama, agai te Genuai Bidi Jisasbolo te po wai, “Genuai Bidi, suao. Eno masigi dabe, doado bage tigidali si bugwaibao. Si bugulama, nai meni yai we bidi dobawaibao. Tama bidi mebolo eno ili po olama, agai nai wi sali da, tama megi te nai eno me si me si elama, wei ponaibao,” wali.

Dwagi Yai Gesi Po Lukgo Asęani 22:61

Tama te kakaruk po ma wabo si, Jisasgo begelama, Pitaba tonani. Tama Pitago Jisasgo aga dali polobadu gana wali po ma koneama, “Te sogo hulide ba kakaruk po wasiąbadi, tama nago sela sogo te po waibao, ‘Eno Jisas konebeo,’ waibao.”

Dwagi Yai Gesi Po Lukgo Asęani 24:3

Tiali tama, augwaligo Genuai Bidi Jisas tigi munalubo subeo, te ola be masigi tomode.

Dwagi Yai Gesi Po Lukgo Asęani 24:34

Tama augwaligo te bidi sibolo te po wai, “Mu tamao, Genuai Bidi ma hodaloai, aga ma pedalobo Saimongo suai,” augwaligo te bidi si dali te po wai.

Dwagi Yai Gesi Po Lukgo Asęani 7:12

Te be naniba sabaligi pobadi, te isai bidi me deli te pubaligi peyu tolasa soabo sualio. Te isali bidi wilawe wego ogwa deli digi tama pubaligi su sobaso, aga ida me we bidi me hauwa wali asali.

Dwagi Yai Gesi Po Lukgo Asęani 7:14

Nosali Jisas aga pelama, te isai bidi muani ni gologobe wa diąbadi, te ni gologobe wa tolasa asali bage dolaluali. Tama “Ogwa bidi, hodaluao, eno mu po nagebolo tama obe dao,” Jisasgo te po wali.

Dwagi Yai Gesi Po Lukgo Asęani 7:19

Tama Jon aga wali bilibo bidi si i wali. Tama te bidi sibolo “Genuai Bidibolo hanalugi pao,” wali, “‘Nage Jongo te nosali asaibao wali bidi dawe, ma gasa bidi me asobo dago tonaluaibawe?’” Jongo tama Jisasbolo wao po wali.

Dwagi Yai Gesi Po Lukgo Asęani 8:52

Te isali wegi diliigi asai we bidi tigidali te wai hagede moni hobede elama, gela wali. Tama Jisasgo augwalibolo “Gela wagimio, e wegi isibe dao. Aga olo pila mubao,” te po wali.

Dwagi Yai Gesi Po Jongo Asęani 11:2

Te we Mariago Jisas sągąde denami yai wel nosali pilama, tama aga moni bobobage tobolu nisigo ma holai. Te Maria aga abe Lasarus gasi yai.

Dwagi Yai Gesi Po Jongo Asęani 11:3

Tama tibaso, aga abe sigo Jisas bidibo digi po ola tolai. Augwali sigo te po wai, “Genuai Bidi, nago godolo mu yali bidi aga gasi salio,” te po wai.

Dwagi Yai Gesi Po Jongo Asęani 20:13

Tama te ensel mobo bidi sigo Maria dali te po wai, “Te we, nage magi baso gela obawe?” te po wai. Tama Mariago augwali si dali te po wai, “Augwaligo eno Genuai Bidi selama, tama augwaligo menaba muaniwe, te eno konebeo,” Mariago te ensel mobo bidi si dali te po wai.

Dwagi Yai Gesi Po Jongo Asęani 20:15

Jisasgo Maria agabolo te po wai, “Magi baso nage gela obawe? Nago de gegeyu ebawe?” Maria agai te homu yai, te bidi aga e gi tonalubo bidigo agai te po aga dali wabowe, agai te homu yai. Tama agai te bidibolo te po wai, “Genuai bidi, nago te isali bidi tigi sela pali wida, te nago enabolo aga muani digi ola mao, tama eno aga sela paio,” wali.

Dwagi Yai Gesi Po Jongo Asęani 4:1

Te sogo Farisi bage augwaligo po me deli odai, “Jisasgo te we bidi hauwa selama, tama augwali aga wali pobaso, augwaligo baptais sali. Tama Jisas agai te sęde Jon aiyaba elaluai,” te Farisi bage augwaligo te po odai.

Dwagi Yai Gesi Po Jongo Asęani 6:23

Tama augwaligo homu hauwa ebadi yaide, Taiberius bulu du asai geba meba teba poloba tuagasai, te Genuai Bidigo Godibolo nage usu da olama, tama te we bidi hauwa augwaligo nai tuali madigi pąba.

1 Korin 7:30

Tama te homu dene eyu gela wabo bidi dabe, augwali te gela wasiąbo bidi dabe tiwai bidaluao. Te wiegi yai homu pemene ebo bidi dabe, te augwali wiegi yai homu pemene isąbo bidi dabe tiwai bidao. Tama te doado bage abelebo bidi dabe, augwali te doado bage mu sisąbo bidi bidibo tiwai bidao.

1 Tesalonaika 4:13

Dago abagi dede o, edao. Te Godigo po wali pisiąwani we bidi augwaligo augwa homu Godiba musiąyu, te isali we bidi gų pagede ma hodalobo sogo augwaligo tonalusiąma, tama te isibo we bidide augwali homu dene eyu, gela mu wabo dao. Tiali goli, dago homugo te Godigo po wali pelama isali we bidide te dagego bugagia koneao. Dagego te buluba bidibo we bidigo gela wabo tiwai waidali weyu, dago e po dagebolo obao.

Hibru 2:17

Tama tibaso, te tigidali naide aga te tigidali we bidi tiwai mu pedalomainogo tiali. Magi basowe? Agai tama tialigo da, tama aga te God dali we bidi dali tomode dolalubo pris tobolu bidi bidabo te usu igibu tama Godigo sę tolaluaibao. Agai te we bidi homu dene eyu, tau sabo wiegi yai kolesaga eyu, tama aga te Godiba aga homugo kęą pai bidi bidai. Tama tiyu, agai te Godigo te tigidali we bidigo dwai sę yali sęgę sela sąwainogo eyu, te aga ofa ilali te usu yai dao. Tiali goli aga te we bidi tiwai mu pedaligi menigi da, teda te sę tigidali ebo aga usu menigi da.

Hibru 4:15

Dago digi te sęgę aiyaba elaluabo bomo menio. Tiali goli dago genuai pris tobolu bidi aga tede da homu dene isąbo tiwai bidi da po wagobeo. Menio. Te daba usu siyu te pedalobo sęgę tigidali, te tigidali sęgę agaba me pedalama aga me usu sai. Tiali goli agai dwai sę munu me ebeo.

Te Israel Tobolu Bidi Dabe 10:16

Tialima, augwaligo augwa te tibo godiba lotu wali te tiali te sę dabe sela sąnama, tama augwaligo Genuai Bidiba lotu po wali. Tama agai te Israel dabe homu dene elama, tama agai homugo augwali te sęgę ma tolidali homu yai.