Dwagi Yai Gesi Po Lukgo Asęani 6:12 - Godigo dwagi yai po buku

¹² Te sogo Jisasgo Godibolo po wainu eyu, tama bulu duba holama, moni huli sesabi Godibolo po udali.

Dwagi Yai Gesi Po Lukgo Asęani 6:12 Iomraidhean Croise

Godigo Nogi Ugwaba Sabo Tęąbi Po Wabo Buku Dabe 22:2

God, eno nageba te giligade i wabo da, tiali goli nago eno po odobeo. Eno nageba te hulide me i wali, tiali goli nago te po wei ponesiąbaso, eno dwasianu toma me nabeo.

Aisaia 26:9

Te hulide eno homu nage delide naga elalubo dao. Tama kigamude ena nage dali bidibo godolo mu ebo. Magi baso meni. Nago te tǫde we bidi po tų ela mabo dao, te augwali nago doloba pai kolesaga ola mawainogo.

Daniel 6:10

Tama Danielgo te po dąų walali po odobo sogo, aga te aga beba hogodasa palio. Tama aga te ugwa badu elaluali be habu dai badu holama, tama te windo pąde kidu sugunama, te Jerusalemba tonono yalio. Tama agai te sesemane sogo gedu haluasa po weyu, te nage usu da po te Godiba wabo tiwai yali. Agai te deli deli sogo bubugade te gedu haluasa po sela sogo weyu yai dao.

Matyu 5:1

Te Jisasgo te genuai we bidi hani aga wali asobo suali, tama aga te bulu du me deli bageba holai. Tama aga te bulu dude dulalubadi, tama aga wali bilali bidi dabe augwali aga pageba asali.

Matyu 6:6

Tiali goli nago gedu haluasa po wainogo da, te naga be tomode dąį togali digi pelama, tama tų paliama, naga Ayaba gedu haluasa po geme te be tomode nagaduba wao. Tama naga Ayago te nago geme dulalubo sę dabe subo dao, te agai te wiegi yai nai wei nagebolo ponaibao,” wali.

Dwagi Yai Gesi Po Makgo Asęani 1:35

Te sogo kigamu digi mu aga hodaluama, tama agaduba buluba dią solama, tama te bidi meni yai madiba me pelama, aga Godibolo po wainogo yai.

Dwagi Yai Gesi Po Makgo Asęani 3:13

Jisas te bulu du daiba holai. Agai te bidi meba sa muainogo yai. Tama agai te bidi dabe i olama, tama augwali agaba asali.

Dwagi Yai Gesi Po Makgo Asęani 6:46

Agai te we bidi augwali tagala palama, tama aga te bulu du bageba ugwa holai. Aga tede agaduba bididubadi te Godibolo po wainogo tiali.

Dwagi Yai Gesi Po Lukgo Asęani 5:16

Tiali goli, hauwa sogo agai te we bidi dabe bidalubadi pali. Aga te bidi meni yai sesawai digiba pelama, agai Godibolo gedu haluasa po wagi pidu geduai dao.

Dwagi Yai Gesi Po Lukgo Asęani 6:11

Te bidi Jisasgo te nogo dwai bidi ma dodolobo sę ebo tononaluali bidi dabe da, te bomo yai po konea pai bidi dabe me, te Farisi hani me augwaligo te sę ebo sulama, moni sębę eyu, guni bula salio. Augwa hasi augwaligo te bidi Jisas mu ela muabo sunumi gegabo po mibo po gagalobo sę yalio.

Dwagi Yai Gesi Po Lukgo Asęani 6:17

Te Jisas te bulu dude bidama aiyaba ma dulai, aga tagala palabo bidi dabe dali dulali. Tama dulama, augwali te bulu odogo tǫ maluba sabolama, te aga hanide po pusali. Tama umabo we bidi aga pageba asali. Augwali me badu te Judia tǫdu asai, me badu Jerusalem be nanidu asai, me badu te nabis bulu sidu asai, me nogi Taia, me nogi Saidon, tedu me asali.

Dwagi Yai Gesi Po Lukgo Asęani 9:18

Te me sogo Jisas agaduba Godibolo po odubadi yaide, aga wali pali bage aga pageba asali. “We bidi augwaligo ena da de da wabo dawe?” augwalibolo tama hanalu wali.

Dwagi Yai Gesi Po Lukgo Asęani 9:28

Te po olama, Sarere deli bidama, Pita badi, Jon badi, Jems badi, tama bage Jisasgo selama, bulu duba Godibolo po wainu holali.

Dwagi Yai Gesi Po Lukgo Asęani 9:29

Tama agai Godiba gedu haluasa po obadi yaide, aga megi tama elaluali tigi gesabidi tagalama, gasa tigi yai gesabidi hasegelama, aga ugwa dabe me te gasa tedela yai mu gagalama, te ula umagi mu pedelalio.

Dwagi Yai Gesi Po Jongo Asęani 6:3

Tama Jisas bulu du meba holama, tama Jisas aga wali pabo bidi dabe dali dulaluai, te bulu dude.

Kolosi 4:2

Dage Kolosi we bidi, dagego Godibolo gedu haluasa po bomo elama oduao, tagaligimio, tama subigila wagimio. Tama tiyu, agabolo puba hwi po wao.

Hibru 5:7

Polobadu Jisas te e tǫde bidi tiwai bidibadi, te sogo agai po Godibolo wai. Godigo aga te isibode ma sabo homu yali, tama tiyu agai gedu haluasa po aga dali weyu genuai i wali, tama aga gela hauwa mu wai. Agai aga homu kolesaga te aga digi aiyaba elaluama tama imilai bidi bidama, tama aga God dologode bidali, tama tibaso Godigo agai gedu haluasa po wabo odai dao.

1 Samuel 15:11

“Odao. Solgo ena tudiba munama, tama eno po sela sąwanio. Tama tibaso, eno aga te king pedalumainu ilali tama eno tede homu dene mu ebao,” wali. Samuelgo te po odama, tama aga homu sęgę eyu, tama haliga dwai yali. Tama te sogo hulide Samuelgo te Genuai Bidiba hanalu, te olo tau sabo wiegi yai homu kolesaga te Solba emainu yali, tama be posobo side te agai gedu haluasa wali po te silagasu, gedu haluasa po walio.