Dwagi Yai Gesi Po Lukgo Asęani 5:8 - Godigo dwagi yai po buku

⁸ Tama Saimon (me sogo Pita wabo bidi) agai te tebo sulama, Jisasgo sągą pagede aga kidu sugunama, Jisasbolo te po wali, “O Genuai Bidi, nago ena taga pao. Ena da, dwai sę ebo bidi dao,” te po wai.

Dwagi Yai Gesi Po Lukgo Asęani 5:8 Iomraidhean Croise

2 Samuel 6:9

Tama megi da, Devitgo te tama po wali, “Magi elama tama, te Genuai Bidigo Dąų Wali Bomai Po Muani Halobage ena dali pelama, bidigi pogowe?” wali.

Te Israel me Juda Hani Sigo Tuni Bidigo Po Elalubo Buku Deli 17:18

Tama tialima, te wego te Elaijabolo te po wai, “Nage te Godigo sę ebo bidi dao, magi baso nago te tiwai kolesaga ena dali yaliwe? Tama nage aselama, tama Godigo homugo eno sęgę koneama, tama teyu, te eno wai isalio,” te wego te po wai.

Jopgo Po Asęani Elalubo Buku 40:4

“Genuai Bidi, ena dolama, tama ena olo nai dao. Mena tama tilama, eno nago po wei ponaibawe? Ena nogogo pedauwali pania saibao.

Ma Dobola Sali 20:19

Tama augwaligo Mosesbolo te po wai, “Nago digi te po dabolo wabo, te dago te po odaibao. Tiyu Godigo po dabolo wabo si, te da isidalio,” wali.

Aisaia 6:5

Tama tibaso, ena wi ebaso, te po wali. “Mu tamao, ena mu dolaibao. Tigidali sogo eno pedauwalidu dwai po wabo dao. Tama ena dwai po wabo we bidi dabe tomode bidibo dao. Ena dwai sęgę wa abibo bidi dao. Tama megi da, eno te tuni bidi polo suali, aga Genuai Bidi Tigidali Bomo Elalubo Bidi. Tama tibaso, ena isaibao,” eno te po wali.

Matyu 17:6

Tama Jisas wali pabo bidi sela augwaligo te po wabo odobo si, augwali wi genuai mu eyu, augwa tigi tǫba basi guluyu, augwa gesabidi tǫba mugulama, tama augwali wi mu yai dao.

Matyu 2:11

Tama augwali te be tomoba pelama, tama augwaligo te wai aga ida Maria dali suai. Tama augwali tobolu basi gulama, tama kidu sugunama, te waiba lotu po wai. Tama augwaligo augwa wa dabe dalama, tama augwaligo te waibolo wiegi yai nai meba olo mawai, te kapa nogi gol me, te wiegi yai denami ebo pauda nai me, te tigide wiegi yai denami ilibo nai, te tama nai te wai olo mawai.

Matyu 8:8

Tiali goli te ami genuai bidigo po wei ponoyu, aga dali te po wali, “Nogi elalubo bidi, ena wiegi yai bidi meni, tama tiyu nage eno be tomoba pogobeo. Nago pogo naga po olama, tama eno sę ebo bidi aga gasi usu ilao.

Dwagi Yai Gesi Po Lukgo Asęani 5:7

Tama tibaso, augwa gasa gebade bidali age dabe me badu ma augwali tau sagasomainu i wali. Tama augwali aselama, te geba si sųgųgo pągąnani. Tebadi yaide, te geba si te węba hoa sigulainu sę yanio.

Dwagi Yai Gesi Po Lukgo Asęani 5:9

Agai augwaligo te sali sųgų sulama, noma mu sali. Aga dali bidali bidi dabe me noma mu sali.

Dwagi Yai Gesi Po Jongo Asęani 11:32

Te Maria Jisas bidibo digi sabolai. Agai Jisas suyu, polo tama Maria aga tigi tǫba pigilubo tiwai yai, Jisasgo sągą pagede. “Genuai Bidi, nage ede bidigi sogo da, eno abe isigi menio,” Mariago te po Jisas dali wai.

1 Korin 13:12

Dago te ąį dulade subadi, te dena gesabidi dago kuna subo meni, te dwasianu hulia sai tiwai subo dao. Tama te tiwai me, dago God gisiga mu konebo menio. Tiali goli te sogo nosali da, te dago Godigo gesabidi mu dolo sueibao. Megi dago te God kuna konebeo, te me badu naga koneani. Tiali goli nosali da, te dago aga mu koneyu, te agai da mu konebo tiwai gilama yaibao.

Kraisgo Geme Dualali Sę Pedelabo Po Jonbolo Ola Mani 1:17

Tama eno te bidi sulama, tama ena aga sągą pageba kidu pǫgulai, tama ena te isai bidi pigulali tiwai yai. Tiali goli agai dolo nogo ena tigiba munama, tama agai te po wai, “Nage wi tagalao. Ena da, ena digi te hasia bidaluali bidi dao, ena te nosali sogo mu bidaluaibao wabo bidi mu dao.

Te Israel Tobolu Bidi Dabe 13:22

Tama Manoago aga webolo te po waliyu, te po wai, “Te da si isaibao, magi baso meni, dago te Genuai Bidigo Ensel Bidi sualio.”

1 Samuel 6:20

Tama te Betsemes bidi dabego te tiwai po wai, “God, Genuai Bidi, te aga da te gasagi yai tedali mu dao, te dwai sę me deli isąbo bidi dao. Te agai da dali haliga sębę eyu da, teda da me deli te bugagia me bidigobeo. Tama dago te God bidibo halobage, te gasaba tolaibao. Tiali goli, dago menaba tolaibawe?” te po wali.