Dwagi Yai Gesi Po Lukgo Asęani 4:6 - Godigo dwagi yai po buku

⁶ Satango te po wali, “Te tigidali we bidi tonalubo bomo me, genuai nogi me, nagebolo naga mawaibao. Te tigidali nai eno tonalubo dao. Eno gasa bidibolo maiabo homu ebaso da, mawaibao.

Dwagi Yai Gesi Po Lukgo Asęani 4:6 Iomraidhean Croise

Esta 5:11

Augwali sabola silibode, tama augwaligo gedude Hamango aga digi aga nogi ugwaba sali. Agai augwalibolo weyu, agai mone hauwa badi, te doado bage hauwa elalubo da po wai, tama aga ogwa me hauwa elalubo po wali. Tama te tuni bidigo genuai nogi me genuai sę mu agabolo mayu, tama te tuni bidigo sę tonalubo gasa ofisa bidi dabe tigidali te aga dologode bidibo da, po walio.

Aisaia 23:9

Te da te Tigidali Bomo Elalubo Genuai Bidigo pode te bulu tama dolai dao. Genuai Bidigo te tama tiali da. Magi baso meni. Agai te bidi hani augwa bomo de augwa genuai nogi dabe ugwa siyu, me augwa homu gana peyu ebo bidi dabego nogi aiyaba elalubo dao. Tama me, agai te bidi dabe genuai nogi yai bidi dabe me agai aiyaba elalubo dao.

Aisaia 5:14

Megi dage wiegi yai homu elama, gana paide dagego daa hauwa mu te tubao. Tiali goli, mu tama, te gų pagede te kele ą olama, tama te Jerusalem bulu genuai bidi dabe, me olo we bidi dabe dalainu polo no munalubao,” Genuai Bidigo te po wali.

Dwagi Yai Gesi Po Lukgo Asęani 4:7

Nago enabolo kidu tǫba polama, enabolo lotu po weyu da, teda te nai dabe naga saibao,” Satango te po wali.

Dwagi Yai Gesi Po Jongo Asęani 12:31

Megi Godigo tǫde we bidi osola suyu, sęgę mabo sogo dao. Megi e tǫde elalubo dwai kolesaga tobolu bidi Satan sela sąbo sogo dao.

Dwagi Yai Gesi Po Jongo Asęani 14:30

Eno dage dali po hauwa megi wagobeo. Magi basowe? E tǫde tobolu bidi megi tama asobao. Agai ena dali magi sę ebo usu egobeo.

Dwagi Yai Gesi Po Jongo Asęani 8:44

Dage da duga ayago wai dabe dao. Dagego aya te Satan dao. Tama dage me bomo elama, duga ayago ebo homu kolesaga wali painogo ebo dao. Polobadu mu, tigidali nai gagalama nigali, te sogo te bidi Satan agai te bidi elebo sę tama ela asiyu, megi tama me te sę ela pabo dao. Tama agai mu po me wali pai menio. Magi basowe? Mu po agade bidibo menio. Tibo po wabo da te agai po mu dao. Satan aga tibo po wabo bidi mu dao. Tama aga tibo po wabo page bidi mu dao.

2 Korin 11:14

Tama dage tede moni midigi me selamuo. Dago koneani, Satango digi aga tigi hasegelama, tama tigigo naga aga te dwai sę isąwai wiegi yai ensel mobo bidi tiwai pedalobo dao.

Efesus 2:2

Tama te sogo dage e tǫde bidibo we bidigo ebo dwai kolesaga wali bilaluai dao. Tama tiyu, dagego te dwai haubo noma tobolu bidigo kolesaga wali pai dao. Agai te dagalude bidibo dwai haubo noma bage tonalubo dao, tama megi me agai te Godigo po sela sąbo we bidigo homu kolesaga tonalubo dao.

1 Pita 1:24

Tama Godigo pode te bukude asęani po me deli e dao, “Te tigidali we bidi osogo naga bidibo dao, te noswai tiwai. Tama augwaligo genuai nogi me te osogo naga elalubo dao, te noswai aga duduli tiwai. Te noswai holama, sasia peyu, aga duduli me tegasa dulaibao.

1 Jon 5:19

Dago koneai, te tigidali tǫde bidibo we bidi augwali te Satango dologode bidibo digi, da Godigo wai dabe bidibao.

Kraisgo Geme Dualali Sę Pedelabo Po Jonbolo Ola Mani 12:9

Tama Godigo ensel mobo bidi augwaligo te genuai hasamani e tǫba sąwai dao. Te hasamani aga te polobadu digi bidai, tama augwaligo te hasamani aga nogi “Te Bidigo Tigidali Bidi Kisiliyu Po Tų Ela Mabo Dao,” gasa nogi me Satan poai. Agai tigidali tǫde we bidi ili po ola mabo bidi dao. Augwaligo aga e tǫba tula palai, tama augwaligo aga dwai ensel mobo bidi dabe dali hodobo e tǫba tula palai dao.

Kraisgo Geme Dualali Sę Pedelabo Po Jonbolo Ola Mani 13:2

Te dwai dwai kolesaga eyu te hudigi ebo hasa megi eno suali, te moni hasa nogi lepat tiwai, tama te hasago sągą te gasa moni hudigi ebo hasa nogi bea, te beago sągą tiwai, tama te hasa agai penani te moni hasa lainogo penani tiwai yai. Tama te genuai dwai hasamanigo aga bomo te dwai hudigi ebo hasabolo mawai. Agai te dwai hasa aga tuni bidi aga tiwai nigilama bidali, tama agai we bidi tonalubo genuai bomo me te dwai hudigi ebo hasabolo mawai.

Kraisgo Geme Dualali Sę Pedelabo Po Jonbolo Ola Mani 13:7

Tama Godigo aga sula tagaliyu ebaso, tama agai te Godigo we bidi dali wąbi hwįyu, tama augwali bomo aiyaba elaluai. Tama tiyu, aga te tigidali bidi hani tuni bidi bidainogo eyu, te tigidali tǫde me, te tigidali po wabo me, te tigidali haniani tigi yai bidi dabego tuni bidi aga bidainogo Godigo aga tama osogo sula tagalali.