Dwagi Yai Gesi Po Lukgo Asęani 4:5 - Godigo dwagi yai po buku

⁵ Nosali Satango Jisas odasa holama, polo tama tigidali we bidi tǫde bidibo ola mani.

Dwagi Yai Gesi Po Lukgo Asęani 4:5 Iomraidhean Croise

Jopgo Po Asęani Elalubo Buku 20:5

te dwai kolesaga ebo bidi dabe augwali pęwadage sogo tǫde bugagia godolo elama, bidai dao. Te God tudiba mubo bidigo bugai homu ebo sogo te bobobage menio.

Godigo Nogi Ugwaba Sabo Tęąbi Po Wabo Buku Dabe 73:19

Augwali te polo tama dolali. Tama augwali te isibo te dwai mu ebo dao.

Matyu 24:14

Tama augwaligo te Godigo we bidi tonalubo kolesaga po, te wiegi yai po te tigidali tǫ habu badu pusaibao, te po tigidali tǫde bidibo we bidi augwaligo odomainogo, tama nosali gana digi te tǫ, de dagalu si silabo sogo te pedelaibao,” Jisasgo te po wai.

Matyu 4:8

Te Satango Jisas ma selama, tama te bulu du me ugwanu yai me deli teba sela holai. Tama Satango agabolo te tǫde genuai ula yai bomo me, te tǫde tigidali elalubo wiegi yai nai dabe dali tigidali agabolo ola mani.

1 Korin 15:52

polo mu, bidigo gedu gagamu ebo tiwai, te tǫde dagalu si silibo sogo te bu wabo nai biugel po wabo sogo tiaibao. Awe, te bu wabo nai biugel po waibao, tama te Godigo po wali pali isali we bidi augwali gų pagede hodaluaibao, tama augwali munu me dologobeo, te augwali gamonaibao. Tama da me bidibo bage, dago tigi hasegelama, gasagi yai mu pedalaibao.

1 Korin 7:31

Tama te tǫde doado bage sabo bisnis sę ebo bidi dabe, augwali te e tǫde doado bage dąų olalusiąbo bidi dabe tiwai bidao. Dago te tǫde elalubo nai dali kolesaga dali si tede naga dago homugo kone pelamuo. Dago koneani, te e megi elalubo tǫ silama tama hasegelama, tama te gasagi yai mu pedalaibao.

2 Korin 4:17

Te e tiwai: te da Godigo po pusubo bidi dabe, te dabolo pedalubo sęgę te dwasianu dao, tama te pęwadage sogo naga osogo elaluaibao. Tama da e tǫde bidibadi te sęgę tolobaso, nosali dagalude dago te sesemane sogo bugagia bidada peyu, bidada pabo wiegi yai nai mu saibao. Tama te dagalude bugagia bidabo te wiegi yai sęgo te dago megi elalubo dwasianu sęgę aiyaba mu elaluaibao, te wiegi yai mu naga yaibao.

Efesus 2:2

Tama te sogo dage e tǫde bidibo we bidigo ebo dwai kolesaga wali bilaluai dao. Tama tiyu, dagego te dwai haubo noma tobolu bidigo kolesaga wali pai dao. Agai te dagalude bidibo dwai haubo noma bage tonalubo dao, tama megi me agai te Godigo po sela sąbo we bidigo homu kolesaga tonalubo dao.

Efesus 6:12

Magi baso menio. Te da Krais wali pabo we bidi hani, dago te dwai sę ebo kolesaga dali hwįyu tama dago e tǫde bidibo bidi dali hwįbo meni. Dago te dwai sę ebo kolesaga dali hwįbadi, tama dago te dwai haubo noma bidi ugwadu te dagalude bidibo bage dali me hwįbo dao. Augwali da te megi hulia side dwai sę ebo tobolu bidi dabe me, te polalubo bidi dabe me, te we bidi tonalubo dwai noma bidi dabe dao.