Dwagi Yai Gesi Po Lukgo Asęani 4:16 - Godigo dwagi yai po buku

¹⁶ Te bidi Jisas polobadu aga dwasianu badi bidama, gomunai yali pesage te Nasaret be nani tomoba palio. Te Sabat sogo aga te Juda dabego bomo yai po ola mabo beba pidu bogia. Tama tede aga te Godigo wali po buku po nedai hagede, dolalugulali.

Dwagi Yai Gesi Po Lukgo Asęani 4:16 Iomraidhean Croise

Matyu 2:23

Tama te tǫba sabolama, tama aga te hanu me nogi Nasaret te hanuba bidigi pai. Tama te sę yaligo da te Godigo po pusali profet dabego wali po usu nubao, “Tama augwaligo aga te Nasaret hanu te bulu bidi dao, te po waibao,” te po wali.

Dwagi Yai Gesi Po Lukgo Asęani 2:39

Te Josep dali Maria dali sigo Godigo bomo yai pode yao wali sę dabe ela silama, augwa te Galili tǫ pedai tomode elalubo bulu Nasaret be naniba ma pali,.

Dwagi Yai Gesi Po Lukgo Asęani 2:42

Jisas kibu be nogo si olama, sągągo si digi peda sai elalubadi, augwali te nai tubo sogo Jerusalemba holodubogia holali.

Dwagi Yai Gesi Po Lukgo Asęani 2:51

Tama aga ida de aya si dali Nasaretba aiyaba ma dulali. Tama tigidali sogo agai ida dali aya sigo po wali piduali. Tama aga idago tigidali po aga homuba munama, te dąų olaluali.

Dwagi Yai Gesi Po Lukgo Asęani 4:15

Hauwa sogo Jisas agai po te Juda dabego bomo yai po ola mabo be dabede te we bidibolo ola madu geani. Tama tibaso, tigidali we bidigo aga nogi ugwaba sali.

Dwagi Yai Gesi Po Lukgo Asęani 4:17

Augwaligo agabolo polobadu Godigo po pusa mabo profet bidi nogi Aisaiago asęani po buku nedao olama mawai. Tama agai te buku dagalama, po e tama asęai suali, augwalibolo haninama nedali.

Dwagi Yai Gesi Po Lukgo Asęani 4:21

Tibaso, agai te po wabo gagalali, “Megi tama te eno nedali po dolo tų sisu pabo po duga te odali dao,” te po wali.

Dwagi Yai Gesi Po Lukgo Asęani 4:23

Te Jisasgo augwalibolo te po wali, “Mu tama, dagego enabolo hasia bolo te po waibao, ‘Dokta bidi, naga digi naga ma geseleyu yao. Nago bulu me nogi Kaperneamde yali sę po dago odai dao. Tama naga te yaligia nage e pesagede me ma tama tiao,’ dagego enabolo waibao.”

Dwagi Yai Gesi Po Jongo Asęani 18:20

Jisasgo aga dali po wei ponoyu, tama po wai, “Eno we bidibolo mani te po eno bulu ulade hania wai dao. Eno te we bidibolo po ola mabo sę eyu, tama te bomo yai po ola mabo be tomode te sę eno yali, ma te Moni Lotu Be tempel, tede me eno te sę yai dao. Te be dabede te Juda bage sisinibo bulude eno augwalibolo eno po hania ola mawai dao. Tama eno po geme dualama bulu tomode me wabeo.

Godigo Sęba Tagala Palai Bidigo Po 17:2

Tigidali bulude bilu, Pol agai te Juda dabego bomo yai po ola mabo beba pabo koneai dao. Tama tibaso, Tesalonaikade me aga bilu, te beba pali. Tama agai Godigo bukude elalubo po nedama, aga Juda dabe dali po miani. Agai te sę Sabat sogode ela bilibadi, Sarere sela silali.