Dwagi Yai Gesi Po Lukgo Asęani 24:44 - Godigo dwagi yai po buku

⁴⁴ Te Jisasgo augwalibolo te po wai, “Polobadu ena dage dali bidibadi, tama eno dagebolo wai dao, tigidali po te polobadu bidi Moses bidibo side asęani, te polobadu Godigo po pusa mani bidi dabego asęani bukude me, te buku nogi Sam tede me asęani po me, te enade asęani po tigidali nai igilama mu walaibao wai,” Jisasgo te po wai.

Dwagi Yai Gesi Po Lukgo Asęani 24:44 Iomraidhean Croise

Tigidali Nai Gagalama Nigali Side 14:18

Tama Melkisedek, te Salem hanu tuni bidi tama God Ugwadu Mu Bidibo Bidi ofa mabo pris bidi da, te agai giguai nai bret me wain ąį Abrambolo selasa asali.

Tigidali Nai Gagalama Nigali Side 22:18

Tama tigidali tǫde bidalubo bidi hanigo ena hanalu, te augwali dali dwagi yai sę yao po weyu, te nago wąį hani dabe dali dwagi yai sę yali te tiwai yao po waibao. Magi baso meni, nago eno po wali palio,’ Yawego te po wali,” Mobo Bidi Enselgo te po wai.

Tigidali Nai Gagalama Nigali Side 3:15

Tama eno nago te webolo boi bidi ilibo sę iliyu, tama wego nagebolo boi bidi ilibo sę ilibadi yaibao. Tama eno nago te wego nosali ame nabo hani dali boi bidi ebo sę ilaibao. Te agai nago tobolude agalama, tama nago aga sągą gabulude gąų kelaibao,” Godigo te po wai.

Tigidali Nai Gagalama Nigali Side 49:10

Agai te tuni bidigo dono tulama, tama aga sągą sawali si tomoba muani. Tama tede mu elaluaibao, te gasa bidigo te bomo sogobeo. Teda agai te bomo tolaluyu, tama te bomo aga aya mu pedelama, tama te tigidali hani bidi dabe tonalubo teba mu usu naibao.

Godigo Nogi Ugwaba Sabo Tęąbi Po Wabo Buku Dabe 118:22

Te masigi te kamda dabego te dwai da homu elama, tama augwaligo sela sąwani, te masigi da te be daga dąų elalu, polalubo masigi pedelali.

Aisaia 28:16

Tiali goli, God, Genuai Bidigo te po wali, “Odao. Eno te be page dąų walabo masigi dila pai deli me polo dąį ilai dao. Te aga te dwagi yai boma pai mu dao. Tama eno te masigi te bulu du Saionde muaibao. Te bidi dabego agaba homu dąų wabo bidi dabe da, teda augwali wi elama, didibili me egobeo.

Aisaia 52:13

Genuai Bidigo te tiwai po wali, “Suao, bugagia konea sao. Tigidali sę eno sę bidigo ebo te bugagia mu pedelaibao. Te bidi dabego agaba genuai nogi mayu, te aga nogi ugwanu mu saibao.

Aisaia 7:14

Teda Genuai Bidi aga digi dage bomo yai sę me deli ola mawaibao. Te sę da e tama tiwai dao. Te gesi wegi me tabi elama, tama agai ogwa ame naibao, tama agai nogi Emanuel poaibao.

Aisaia 9:6

Magi baso meni. Ogwa me ame neyu, daba polo sabolali. Te wai me deli Godigo dabolo mani. Aga dago tuni bidi bidaibao. Tama agai tama nogi dabe elaluaibao, te Dwagi Yai Kolesaga Mu Mabo Bidi dao, tama God Tigidali Bom o Elalubo Bidi, tama Tigidali Sogo Bida Bida Pidu Bidibo Aya, tama Bugagia Bidibo Page Sela Mayu, me Tabi Nagame Ilibo Tuni Bidi. Agai te tobage nogi dabe elaluaibao.

Jeremaia 23:5

“Ena Genuai Bidi, eno te po obao. Eno te wiegi yai bidi mu me deli te Devitgo hanide pedelabo sogo bodolu mueibao, te ni nologode gesi ni kulubi holobo tiwai yaibao. Te bidi te king bidiyu, agai te wiegi yai doloba pai homu kolesaga wali paibao. Tama agai te tǫde we bidi tigidaliba doloba pai kolesaga mu yaibao.

Jeremaia 33:14

Genuai Bidigo te tiwai po wai, “Eno te sogo medeli dąį elama, eno te Israel me Juda we bidi dabe dalidąų wali po usu naibao.

Esekiel 17:22

God Genuai Bidigo te tama po wali, “Ena digi te bobobage ni sida honu me deli toga saibao. Tama eno te Israel bulu du uganu igulai bulu dude bulaibao, te Israelde elalubo gasa bulu du tigidali aiyaba elaluai bulu du da. Tama te ni genuai holaibao. Te agai nologo bobobage elama, tede te wai du walaibao. Te aga polalubo ni sida mu pedelaibao. Te haniani ba dabe te ni tiwąį madi aga nologoba geme duala sagasaibao. Tama augwa be dabe te ni nologo dabede sę yaibao.

Esekiel 34:23

Tama eno ena sę bidi Devitgo hanide bidi me deli sa munama, tama aga eno sipsip dabe tonaluabo bidi nigilama, tama agai eno sipsip dabe augwali bugagia tonalumainu yaibao.

Daniel 2:44

“Tama te king dabe bidalubadi, te Godigo te we bidi tonalubo bomo te tomo hodolama, tama te tonalubo bomo te sesemane bidada peyu, bidada paibao. Te gasa king dabego te Godigo tonalubo bomo te elalueinu ebaso, usu me egobeo, te gasa bagego te bomo me sogobeo. Tiali digi, te agai da te augwali aiyaba elaluama, tama te gasa king dabe mu dola silama, tama agai tonalubo bomo te sesemane elaluaibao.

Daniel 7:13

Eno te hulide yali nade, eno te bidi me deli te da tǫde bidi tiwai tobage suali. Aga te dagalu pǫ dabe tomode bidiyu, tama ena pąba asali. Tama augwaligo aga te Polobadu Polobadu Bidada Aselama, te Megi Me Bidada Peyu, Bidada Pabo Bidiba sela palio.

Hosea 3:5

Te tiali sogo silibaso da, teda te Israel dabe te Godiba ma aselama, te Genuai Bidi deliba naga lotu waibao. Te augwaligo te king Devitgo wąį nǫų deli naga wali paibao. Tama augwa te Genuai Bidigo po dologoba naga pobaso, tama agai te haniani wiegi yai nai augwaliba mayu yaibao.

Amos 9:11

Genuai Bidigo te tama po wai, “Nosali te me sogo si pedalubaso, teda eno te Devitgo hanide king me deli hodolaibao. Megi da, te hanigo tǫ kantri te be me deli degasa pelama, dolai tiwai elalubao. Tialima, nosali eno te be ma sęnama da, teda eno te be daga dabe me dodola silama, te be polobadu elaluali tiwai ma pedelaibao.

Sekaraia 12:10

Te Genuai Bidigo po geninama ma weyu te po wali, “Te eno te Devitgo bulali wąį nǫų hani dabego me te Jerusalem we bidi dabe augwaligo te homu dene eyu tau sabo kolesaga dali, te gedu haluasa po wabo kolesaga me, te si wali pomainu ilaibao. Te eno dwasianu naga egobeo. Tama augwaligo te augwa digi enego enama isali bidiba tononalu, te augwaligo aga gela usu mayu, te bidigo deli digi wai isaide dwai homu dene ebo gela wabo tiwai yaibao. Te augwaligo agade gela dwagila mu weyu, te bidigo aga gomunai ogwa deli isaide gela wabo tiwai yaibao.

Sekaraia 13:7

Te Tigidali Bomo Elalubo Genuai Bidigo te tiwai po wali, “Bainat hwą, nage hodaluama, tama eno tonalubo sę ebo bidi dali hwįao, te bidi ena pąde bidibo bidi yali goli. Aga ela mubaso da, teda te sipsip dabe wi tedela sąwaibao. Te tama tiwai naga eno te ena we bidi dabe dali boi hwįaibao.

Sekaraia 14:4

Te sęgę pedalubo sogo Genuai Bidi te bulu du Oliv pąde te Jerusalem giliga pedalubo badu dolaluaibao. Tama te bulu du Oliv si badu pedasa pelama, tama genuai bulu odogo te tomode elaluaibao. Te bulu du me badu pedai te bugasa te not badu peyu, te me badu pedai te saut badu pedasa paibao.

Sekaraia 6:12

Tama nago agabolo e tama po walao, ‘Tigidali Bomo Elalubo Genuai Bidigo te po wali, Te Bidi Ni Abu wabo bidi aga bidibo pesagede wiegi yai mu pedelaibao. Tama agai eno be ma sę yaibao.

Sekaraia 9:9

Dage Saion taun Jerusalem we bidi dabeo, dage homu pemene umagia mu eyu, hae wao. Suiąo. Dagego king te asobao. Te agai bidi dabe aiyaba elaluali genuai nogi elalubao. Tiali goli, agai nogi aga digi ugala me sabeo. Menio. Aga te nogi meni yai bidi asobo tiwai eyu, aga te donki kibu me deli daide ugadu dugulasa asaibao. Aga te ogwa bidi donki kibude dugulasa asaibao wali.

Israel Hanigo Namba 21:8

Genuai Bidigo te gedu haluasa po wabo odama, tama agai Mosesbolo e tama po wali, “Nago te dwai gula manigo noma me nigilama, tama moni bobobage pos nide walao. Tama te mena we bidi augwali te gula manigo gąǫ kelali da, augwaligo te gula mani nomaba tonobode augwali me isigobeo. Menio, augwali usu ma yaibao,” te po wai.

Israel Hanigo Namba 35:25

Dagego aga ma oda selama, tama te isali bidi aga amago te bidi elegobeo. Tama dagego aga te duala sabo te hanuba taga palao. Te bidi te hanude bidibadi, te sogo te bidibo te tobolu bidi pris bidi isiyu bolo elama, tama nosali aga te duala sabo te hanu taga pomainao,” wali.

Matyu 1:22

Te tigidali pedelali sę te tiwai te po me deli te Genuai Bidigo te agai po pusubo profet bidigo pedauwalidu wali po usu nanio. Te po pusubo profet bidigo te polobadu mu pusai po e tiwai wai,

Matyu 16:21

Tama te sogo, te Pitago nage Krais dao po wali sogo, te sogo Jisasgo gagalama, aga wali pabo bidi dabebolo te po haninama ola mawai, “Te mu tama, ena te moni hanu Jerusalemba paibao. Tama pelama, tama tede nosali te Juda dabe genuai bidi dabego me, te pris tobolu bidi dabego me, te Juda dabego bomo yai po page ola mabo bidi dabego me, te augwaligo ena dene genuai mu mawaibao. Augwaligo ena isilama, tama nosali te sela sogo wabo side ena ma hodalueibao,” Jisasgo te po wai.

Matyu 26:54

Tiali goli, eno te tiwai ebaso da, teda te megi enade pedelabo sę pedalogobeo. Polobadu Godigo po asęani bukude te enade megi pedelabo sę po asęai dao. Pedalomainao,” wali.

Matyu 26:56

Tiali goli te sę tigidali enade megi pedalobo te polobadu Godigo po pusali bidi profet dabego bukude asęani po usu nainogo ebao,” Jisasgo te po wai. Tama aga wali pali bidi dabe augwaligo Jisas taga peyu, tama augwali wi pela silai.

Dwagi Yai Gesi Po Makgo Asęani 9:31

Magi baso meni, agai te aga wali pabo bidi dabe ola mabo sę yainogo yai. Tama agai augwalibolo te po wai, “Te augwaligo ena Godigo Bidi Mu te bidi dabego nogoba muaibao. Tama augwaligo ena ela muaibao. Augwaligo ena ela munama, tialima sela sogo bidama nosali te ena ma hodaluaibao,” te po wai.

Dwagi Yai Gesi Po Lukgo Asęani 21:22

Te sogode te Godigo te Juda we bidigo yali dwai sę wei ponabo sogo dao. Tama te side te Godigo bukude asęani po tigidali te nai igibilama walaibao.

Dwagi Yai Gesi Po Lukgo Asęani 22:37

“Magi basowe? Bukude wali po augwaligo te po wai, ‘Augwaligo homude augwaligo aga dali dwai bidi dabe dali sisilai dao,’ wali. Tama eno dagebolo obao, tigidali po bukude wali po tiwai ena dali nai gilama walaibao. Ena tǫde bidibo sogo tamadi sia saibao,” Jisasgo te po aga bidi dabebolo wai.

Dwagi Yai Gesi Po Lukgo Asęani 24:46

Tama Jisasgo augwalibolo te po wai, “Godigo bukude tama te tobage po wai, ‘Godigo sa muani bidi Krais dene polo selama, isilama, tama sela sogo aga gų pagede bidama,

Dwagi Yai Gesi Po Lukgo Asęani 9:22

Agai te po me wali, “Ena da, Godigo Bidi Mu da. Tama nosali te Juda dabego genuai bidi dabego me, te pris tobolu bidi dabego me, te Juda dabego bomo yai po ola mabo tobolu bidi dabego me, augwaligo ena buluba ela palama, dene genuai mu mawaibao. Augwaligo ena isilama, nosali sela wali sogo ena hodaluaibao,” te po wali.

Dwagi Yai Gesi Po Lukgo Asęani 9:44

“Megi eno dagebolo wabo po munu me kegeda pigimio. Augwaligo te ena Godigo Bidi Mu e tǫde bidigo bomoba mawaibao.” Te po page mena tama waliwe augwaligo konebe.

Dwagi Yai Gesi Po Jongo Asęani 3:14

Polobadu Mosesgo te kapago nigai tibo hasamani te bidi meni yai bulude ni donogo ugwaba sai. Te tiwai yali gilama, tama augwaligo te Godigo Bidi Mu ugwaba sela mueibao.

Dwagi Yai Gesi Po Jongo Asęani 5:39

“Dagego te homu ebo dao, Godigo asęani po tego dagebolo te bidabo bomo menama, tama dage bidada peyu, bidada paibao. Tama te homu eyu, dagego te po tigidali sogo gegeyu, nedebo dao. Tama te asęani po aga digi enade po page ola mabo dao.

Dwagi Yai Gesi Po Jongo Asęani 5:46

Dagego Mosesgo asęani poba homu tigidali mu mugi sogo da, teda duga homu tigidali eno wali poba mugi da. Magi basowe? Te bidi Mosesgo enade po polobadu asęani.

Godigo Sęba Tagala Palai Bidigo Po 13:40

Tama dage dua dao. Te Godigo po polobadu pusa mani profet bidi dabe augwaligo wali po dage pagede mu pedalidali weyu, dua dao.

Godigo Sęba Tagala Palai Bidigo Po 2:27

Magi baso meni. God, nago eno noma te isi bidi dabego pesagede olo tagalogobeo. Ena da, te nago dwagi yai sę ebo bidi da. Tama eno tigi nago damua pomainu tagalogobeo.

Godigo Sęba Tagala Palai Bidigo Po 3:18

Godigo polobadu mu agai po pusa mabo bidi dabe tigidalibolo te po wai, ‘Eno we bidi tau somainu sa muani bidi Krais, aga tigide dene hauwa yaibao, te augwaligo aga ela muaibao,’ te po wai. Tama dagego agabolo dene menama, ela munama, dagego te dwai kolesaga e baso, te polobadu wali po tiwai yaligia megi nai ebigia muani.

Godigo Sęba Tagala Palai Bidigo Po 7:37

Te bidi Moses agai tigidali Israel we bidibolo te po wai, ‘Godigo te po pusabo bidi me deli dagebolo tagala palaibao, ena tiwai. Te bidi duga hani bidi digi dao,’ te po wai.

Hibru 10:1

Te Juda dabego ofa mabo bomai pode dago te nosali pedalabo dagalude elalubo wiegi yai nai dabe noma naga subao. Te bomai po da, te nai dabego te hania piksa noma mu menio. Te bomai pogo te po wai, augwaligo te deli tigi poai ofa naga te tigidali sogo yao wai, te tigidali kibu bede me te yao wai. Tama te ofa maiabo bomai pogo te we bidi augwali te God pąba asomainogo dodolobo te usu egobeo. Te bomai pogo augwali te wiegi yai mu munu me pedalogobeo.

Hibru 3:5

Te bidi Moses aga te Godigo sę bidi, tama te Godigo we bidi tigidali tomode yali sęde agai Godide homu kęą pai bidi bidai. Tama agai te Godigo nosali wabo po pusubo sę te Mosesgo bugagia yai.

Hibru 7:1

U bidi Melkisedek aga te genuai hanu nogi Salem tuni bidi bidali, tama aga God ugwadu bidi mugo pris bidi dao. Polobadu Abrahamgo boi hwįnama, te tuni bidi dabe augwali elama tama aga buluba ma sobadi, tama te sogo Melkisedekgo aga te tųde tiąba sabolama tama Godigo Abraham dali dwagi yai sę emainogo eyu gedu haluasa po wai.

Hibru 9:8

Te tama tebo kolesagade te Godigo Mobo Bidigo dabolo e tama ola mobao: tama te polalubo ugwa be habude te ebo sę me elalubaso da, teda da te Godigo dagalude elalubo Tedali Gasagi Yai Be Habu Mu, te be habu tomoba pabo tų, te me dabeo.

1 Pita 1:11

Tama Kraisgo Mobo Bidi agai augwaligo homu tomode hanilama, te po widu geai, “Te Godigo sa muani nosali asaibao wali bidi Krais agai dene selama, tama nosali agai te genuai bomo yai ula me saibao,” te po wai. Tama augwaligo te pode homu konea peyu, te po hanalu wai, “Te sę nisu pedalaibawe, mena side pedalaibawe?” te po wai.

Kraisgo Geme Dualali Sę Pedelabo Po Jonbolo Ola Mani 19:10

Tialima, ena te ensel mobo bidi sągą pąba kidu sugunama, tama eno gesabidi tǫba munama, tama eno aga dali lotu po wabo homu yai. Tiali goli agai enabolo te po wai, “Nago tama tigio! Ena nage dali, nago ama dede dali deli sę ebo bidi dao. Dagego konealubo po Jisasde dąų olama, agai nogi haninama pusubo dao. Nago God deli dali naga lotu po wao. Te Jisasde gasa bidibolo po pusubo we bidi, te Godigo Mobo Bidi agai augwali homu hodolama, tama augwaligo te po pusubo dao. Te Mobo Bidigo te tobage sę naga te Godigo nosali yabo sę po pusubo bidi dali me ebo dao,” agai te po wai.