Dwagi Yai Gesi Po Lukgo Asęani 24:11 - Godigo dwagi yai po buku

¹¹ Tiali goli, Jisasgo bidi dabe augwaligo homu te we dabego wali po olo tama me te obao, homu yai. Tama augwaligo te we dabego po homuba dąų olama mube, augwaligo homugo tibo po wabao homu yai.

Dwagi Yai Gesi Po Lukgo Asęani 24:11 Iomraidhean Croise

Tigidali Nai Gagalama Nigali Side 19:14

Tialima, Lot te aga wegi si noma sali bidi aga wąį si bidibo madi pai. Tama agai te po augwali sibolo wagi pali, “Dage si hogodama, te hanu polo taga soao,” wali. “Yawego te bulu dolainogo ebao.” Tiali goli, augwali sigo homugo agai te gagali po wabo homu naga yai.

Te Israel me Juda Hani Sigo Tuni Bidigo Po Elalubo Buku Si 7:2

Tama te king tonaluyu tau sabo gavman ofisa bidi me deli aga te king dali asali. Te bidigo te Elisago wali po odali, awe, tama agai te po wei e tama ponani, “Tagalao. Tialima, Genuai Bidi God aga digi te dagalude elalubo moni bakstua tų dalama, te umabo nai daba gealugi sogo da, teda eno homugo dago e tiwai dwasianu monego dago nai abelebo me usu egi menigi da,” wali. Tama Elisago te gavman ofisa bidibolo te po wai, “Mu tama dao, tama nago te nai pedalobo suagameo, tiali goli nago te wit nai dabe munu me tugobeo,” Elisago te po wai.

Jopgo Po Asęani Elalubo Buku 9:16

Ma, tama eno aga i olama, tama te po tų odagasa obaso da, tama aga asigi sogo da, teda eno homugo agai eno po odogi menio.

Godigo Nogi Ugwaba Sabo Tęąbi Po Wabo Buku Dabe 126:1

Te Genuai Bidigo da te Saionba ma odasa asali sogo, dago homugo te dago olo nade ebo tiwai homu yai.

Dwagi Yai Gesi Po Makgo Asęani 16:11

Maria agai te po augwalibolo wai, “Jisas aga te bidibo ula elalu bidibo tama eno sualio.” Tama augwaligo te po odama, tama augwaligo homu te poba dąų me wabeo.

Dwagi Yai Gesi Po Makgo Asęani 16:13

Tama augwali sigo aga sula koneama, tama augwaligo te po te gasa wali pali bidi dabeba pusugi pai. Tiali goli augwaligo te augwali sigo wali poba homu dąų me wabeo.

Dwagi Yai Gesi Po Makgo Asęani 16:14

Nosali badu te wali pali bidi dabe nogo si olama sągągo deli te augwali dugulama nai tubadi, tama Jisas te augwaliba pedalai. Te augwaligo agai wali poba augwa homu dąų me wasiąbaso, tama agai augwaliba wado ilali. Magi baso meni, augwaligo olo te palialu, tama te we bidi augwaligo suali, aga te ma hodaloai yali po wabo te augwaligo homu teba dąų me wabeo.

Dwagi Yai Gesi Po Lukgo Asęani 24:25

Te Jisasgo te tama po augwali sibolo wai, “Ao, dage sigo homu kolesaga meniwe? Dage sigo homu te polobadu Godigo sę nosali pedelabo po ola mani bidigo po naga konealuai dawe?” Jisas po augwali si dali wai.

Dwagi Yai Gesi Po Lukgo Asęani 24:41

Augwaligo Jisasbolo homu munama, te Jisas dao augwaligo me konebe. Augwali dwagi yai homu mu yai digi, augwali noma sai. Tama Jisas agai augwalibolo te po wai, “Tama dagego tubo nai ede me munalubowe?” Jisasgo augwalibolo hanalu wali.

Godigo Sęba Tagala Palai Bidigo Po 12:9

Pita te ensel bidi wali pelama, te kalabus be taga pelama, buluba pai. Tama Pitago te ebo sę konebe, agai homugo ‘Mu ebowe, ma nade ebowe?’ homu yali.