Dwagi Yai Gesi Po Lukgo Asęani 23:9 - Godigo dwagi yai po buku

⁹ Tama tibaso, Herotgo Jisasbolo po hauwa hanalu wai. Tiali goli, Jisasgo agai po me wei ponebeo.

Dwagi Yai Gesi Po Lukgo Asęani 23:9 Iomraidhean Croise

Godigo Nogi Ugwaba Sabo Tęąbi Po Wabo Buku Dabe 39:9

Tiali goli, eno da po me wagobeo. Eno pedauwali pania saibao. Magi baso meni, nago digi te dene mabo sę enaba yali.

Aisaia 53:7

Genuai Bidigo te tiwai po wali, “Te bidi dabego te sę bidiba dwai sę ilali, tiali goli aga digi aga aiyaba elaluama, te dene tolali. Te agai po me deli wabeo. Agai pedauwali pania sali, te augwaligo sipsip wai sela pelama, elainu ebo tiwai eyu, te sipsip augwaligo te nisi poawainogo sela pabo tiwai yai dao.

Matyu 27:12

Tama te genuai pris bidi dabe badi, te Juda bage tobolu bidi dabe dali, augwaligo aga po tų ilibo sę yali. Tiali goli agai po me deli wei me ponebeo.

Matyu 27:14

Tiali goli Jisasgo po me deli te gavman bidi Pailatbolo wei me ponebeo. Tama tibaso, te polalubo gavman bidi aga homu hauwa eyu noma sali.

Matyu 7:6

“Te dagego te wiegi yai tedali nai te yowi dabebolo magimio. Tama dagego duga wiegi wiegi yai au yabo bis tiwai nai dabe te kibu dabeba sągimio. Tiyu augwaligo te nai dabe sągągo agalama, tama augwali ma begeleyu, tama dage ma tuidali weyu tama egimio,” Jisasgo te po wai.

Dwagi Yai Gesi Po Makgo Asęani 15:5

Tiali goli Jisasgo te po deli wei me ponobeo. Tama tibaso, te Pailat aga noma mu sali.

Dwagi Yai Gesi Po Lukgo Asęani 13:32

Tama Jisasgo augwalibolo te po wali, “Dage pelama, te bidi muma sabo te dwai uni yowi tiwai bidi Herot pageba pao, agabolo te po wao, ‘Edao, eno te dwai kauwa bidi sela sąyu, te gasi yai we bidi dwagi yai ma ilibao, megi me, do me, te sę yaibao. Tama duba eno sę siminaibao.’ Agabolo te po wao.

Dwagi Yai Gesi Po Lukgo Asęani 23:10

Tama te pris tuni bidi dabe dali, te Juda dabego bomo yai po mu koneai bidi dabe me, augwaligo pąba aselama, augwaligo Jisas po tų bomonama mu wai.

Dwagi Yai Gesi Po Jongo Asęani 19:9

Tama tibaso aga te gavman moni be tomoba ma pai. Tama agai Jisasbolo te po wai, “Nage mena badu bidi nage asai dawe?” Tiali goli, Jisas agai te Pailatgo po wei ponobeo.

Godigo Sęba Tagala Palai Bidigo Po 8:32

Te bidigo te bukude nedebo po Filipgo koneama, tama dao, te po wai, “Augwaligo te kibu sipsip elai hagede, sela pabo sogo hwa wabo menio. Te tiwai te bidi agai hwa wabe. Augwaligo te kibu sipsip wai selama, nisi togwai hagede baso, te kibu sipsip wai dabe hwa wabo menio. Te tiwai te bidi agai hwa wabe. Agai po me wabe.

1 Pita 2:23

Augwaligo aga dali dwai dwai po wabo si agai augwali dali dwai po wei ponobe, sagia sai. Tama augwaligo aga dene maidu gebo si, agai te boi bidi homu eyu, po wei munu me ponobeo. Woo. Te menio. Aga te homu yali, ‘God agai te augwaligo ena dali yali sęde te po tų dolo mu yaibao,’ te homu yai. Tama te homu eyu, agai te po tų yabo sę Godigo nogoba maidu geai.