Dwagi Yai Gesi Po Lukgo Asęani 23:51 - Godigo dwagi yai po buku

⁵¹ Aga dwagi yai doloba pai bidi bidai. Agai te Godigo we bidi tonalubo sogo asobo tonaluyu bidali. Tama aga te Juda dabego kaunsil digi, agai te meba kaunsil dabego Jisas elabo homude ao wabeo.

Dwagi Yai Gesi Po Lukgo Asęani 23:51 Iomraidhean Croise

Tigidali Nai Gagalama Nigali Side 49:18

“Yawe, nago ena tau somainu eno nage tonalubo dao.”

Ma Dobola Sali 23:2

Tama bidi hauwa augwaligo te dwai kolesaga ebaso da, teda augwaligo te ebo kolesaga wali pigio. Ma, augwaligo te po tų ebode augwaligo tibo po weyu, te po tų dodolobo sę doloyu eyu da, teda augwali dali deli homu eyu, augwaligo te ebo kolesaga me wali pigimio.

Bugagia Bidibo Kolesagade Po Asęai Buku 1:10

Ogwa o, te dwai bidi dabe, ma te nai wi sabo bidigo te nagebolo te homu bega sabo po weyu, te dwai kolesaga meba inao po obaso da, teda nago te augwaligo po wali me pigio.

Aisaia 8:12

“Te we bidi dabego te po obaso da, ‘Bidi hani mebago Juda bulu dolaibao po mia salio,’ po obaso, nage dali, naga hani dali, dagego te po mu dao homu igimio. Tama me, te we bidi wi elama, noma sobaso da, dage augwali ebo gilama wi elama, noma selamuo.

Matyu 27:57

Te pio te Arimatea bulu bidi me deli te masigi hauwa elalubo bidi, aga nogi Josep, aga asai. Aga me te Jisas wali pali bidi dao.

Dwagi Yai Gesi Po Makgo Asęani 15:43

Do tama da wabo side te Sabat sogo pedelabo elalubaso, tama megi pio te haniani nai sisi ebo sogo elaluali. Tama tibaso Josep aga te Pailat bidibo be tomoba pelama, te aga gesabidiba doligi pelama, tama aga wi me ebeo. Menio. Agai te Jisasgo tigi sabo po agabolo hanalu wali.

Dwagi Yai Gesi Po Lukgo Asęani 2:25

Te sogo bidi me nogi Simeon Jerusalemde bidalio. Te aga doloba pai kolesaga eyu, te Godiba lotu wabo bidi bidai dao. Aga te Israel dabe tau sabo bidi asobo tonaludu gesege yai dao. Godigo Tedali Mobo Bidi aga dali bidibaso, tama Godigo Mobo Bidigo agabolo weyu, te aga polo isigobeo po wai dao.

Dwagi Yai Gesi Po Lukgo Asęani 2:38

Te sogo me aga pąba aselama, Godibolo “Nage usu dao” wai dao, Godigo te wai mawai baso. Te Godigo Jerusalem bage ma sai hagede tonalubo we bidi dabebolo te ogwa wai bidibo po pusa mani, te mosi we Anago.

Dwagi Yai Gesi Po Lukgo Asęani 23:42

Tama te nosali po wali bidigo Jisasbolo te po wai, “Jisas, nosali nage tuni bidi pedelama bidibo side, nago te sogo ena kone palao,” te bidi mego Jisas dali te po wai.

Dwagi Yai Gesi Po Lukgo Asęani 23:52

Te bidi Josep te gavman tuni bidi Pailat bidibo digi pelama, te po wai, “Eno Jisas tigi saio,” wai.

1 Samuel 1:1

Te Israel bidi me deli bidali, te aga nogi Elkana. Aga te Efraim hani bidi, tama aga te Rama hanude bidali, te Efraimgo bulu du bage bulude. Elkana te Jerohamgo ogwa, tama Jeroham te Elihugo ogwa da, tama Elihu te Tohugo ogwa, tama Tohu te Sufgo ogwa dao.