Biblia Todo Logo
Bìoball air-loidhne

- Sanasan -




Dwagi Yai Gesi Po Lukgo Asęani 23:5 - Godigo dwagi yai po buku

5 Tiali goli, augwaligo po bomonama ma weyu, te po wai, “Agai po te Juda we bidibolo mobaso, tigidali we bidi dwai homu hogodolai. Agai te po Galili bulude gagalama, te sę megi eba me sela asalio,” augwaligo te po Jisasde wai, te bidi Pailatbolo.

Faic an caibideil Dèan lethbhreac




Dwagi Yai Gesi Po Lukgo Asęani 23:5
24 Iomraidhean Croise  

Te dwai bidi dabego ena te tigidali habu badu te yowigo uni hasa pobeasa bilibo tiwai gilama ebao. Augwaligo eno sągąde me nogode te augwaligo gąųgo kelebao.


Te dwai hasa laion tiwai bidi dabe augwaligo ena bobegelali, tama augwaligo te we bidi dabe tuainu sisi yali. Te augwaligo kele te ene me sesemone poa pai mu tiwai elaluali. Te augwaligo hamena te bainat hwą poa pai mu tiwai elaluai dao.


Te enaba odolali boi bidi ebo bidi dabe, augwali te hauwa umabo mu dao, te eno tobolu nisigo namba te augwalide usu isąwai. Te boi bidi dabego enaba dwai sę yainu yali, tama augwaligo te ebo kolesaga pagede tibo po wali. Te bidi dabego bomo mu elama, te ena ela muabo homu yali. Eno te augwaligo nai doado bage me deli te eno wi me sabe, tiali goli augwaligo te po hauwa enaba kisilama wali. Tama tialima, eno ena doado bage digi te augwaliba mawai.


Te bidi Jisas aga wali pabo bidi nogo si olama sągą badu si bidi dabebolo te sę ebo po mawai. Te po silibode teda agai te bulu tagalama, te tǫ badu elalubo genuai hanu dabeba pelama, tama te we bidi augwalibolo agai po ola mayu, tama Godigo po pusai dao.


Te Mariago Jisas te Betlehem bulude ame nani, te Judia tǫde. Tama te sogo te moni gavman tuni bidi nogi Herot aga bidali. Tama Mariago te wai Jisas ame nai digi, tama nosali te sia ge pedalobo badu bidali po page koneai bidi dabe augwali meba te Jerusalem moni hanuba sabolali. Tama augwali te dagalu hǫde haniani po page mu koneai dao. Tama augwali Jerusalem hanuba sabolama, tama augwaligo te po wai,


Tama megi da Pailatgo koneani, agai po usu ebeo. Menio. Tama wąbi genuai hwįainogo yai. Tama agai augwali ola momainogo agai wę te poude meba selama, tama aga nogo te we bidigo gedude wę telawai. Tama nogo wę teladubadi agai te po wai, “Te e bidi elibo da, te eno sęgę menio. Te duga sę naga dao.”


Te Jisas aga te moni tǫ Galili te tigidali sesege badu aga biligi pai. Agai aga ola mabo po te Juda dabego bomo yai po ola mabo be tomode te we bidibolo ola mawai. Tama ola mayu, agai augwalibolo te Godigo we bidi tonalubo sęde te gesi dwagi yai po pusali, tama te tigidali haniani gasi dabe me te tigidali dwai naigo te tigi dolai we bidi augwali tigi usu ma ilai dao.


Te Jongo te gavman bidi Herotbolo “Dwai sę egio” po obaso, te Herot sębę eyu, tama agai Jon kalabusiba muani. Tama te sogo Jisas te Galili moni tǫ pedai tomoba pelama, tama Galili tǫde biliyu, agai Godigo gesi dwagi yai po pusa mena mena bilai, te po wai,


Te Jisas te bulu tagalama pobaso, te bomo yai po ola mabo bage me, te Farisi bage me, augwaligo agade dwai homu eyu, te aga nogi dolobo posobo po wabo gagalali. Augwaligo agabolo te haniani po hauwa bage mu hanalu walio.


Tiali goli, augwaligo bomo mu yai, augwaligo moni i bomonama mu wai. Te Pailatgo Jisas elamuo po augwalibolo omainogo, te augwaligo i wabo elabo pogo Pailatgo po aiyaba elaluai.


Te kiap tuni bidi Pailatgo augwaligo wali po odama, augwalibolo hanalu wai, “Te bidi Jisas te Galili bulu bidi dawe?”


Do tama da wabo side Jisas aga homugo Galili buluba paibao wai. Tama Jisas agai Filip suai, tama agabolo te po wai, “Nage ena wali asao,” te po wai.


Te augwaligo po dagą weyu, te po wai, “Te bidi sela sąyao, te bidi sela sąyao,” tama po wai, “Te bidi ni pedaide elao,” te po wai. Pailat tuni bidigo augwali Juda bage dali te po wai, “Dagego homugo eno duga tuni bidi ni pedaide elao, te homu ebawe?” Te pris hani tobolu bidi dabe augwaligo po wei ponoyu, te po wai, “Dago tuni bidi me menio, te dago tuni bidi te Sisar deli tama dao,” te bidi dabego tama po wai.


Te bomai sę Jisasgo yali bomai sę hasia mu yai. Te Jisas agai te Galili tǫ pedai badu tomode, te dwasianu be nani nogi Kana, tede te sę yai. Tama Jisas aga bomo augwalibolo ola mawai, tama Jisas aga wali pabo bidi augwa Jisasba homu tigidali muai.


Meba bidigo te po wai, “Te aga da, te Godigo sa muyu asaibao wali bidi dao.” Tiali digi mebago te po me wai, “Woo, Godigo asaiba wali bidi te Galili bulude pedalogobeo.


Augwaligo po wei agabolo ponoyu, te po wai, “Nage me nage Galili bulu bidi dawe? Godigo bukude po bugagia nedao. Nedelama, koneao, Godigo nosali yabo sę po ola mabo profet bidi me deli te Galili buludu munu me pedalogobeo,” augwaligo Nikodemusbolo te po wai.


Duga digi koneai dao. Polobadu Jongo dwagi yai baptais mabo po pusa mawai dao. Te sogo te po te Galili tǫde gagalama, tigidali Judia tǫ usu yai dao.


Te hani bidi sibi si augwa te po mibode moni sębę mu yali. Te ami tobolu bidi agai homugo tama tiali, ‘Te po miani bidi dabego Pol nogo sągą uga keke, edaba keke elama, agai tigi polo tologa pabode ela muabo maga dao,’ homu yali. Tama te homu elama, agai te enesigi bidi dabebolo te po wali, “Dage me badu te po mibo tomoba pao,” wali. “Tama augwaligo Pol nogo keke baso da, teda dagego aga nogo keka selama, dago aga te bomai be tomoba sela paibao,” wali.


Te kaunsil dabego Pitago po odama, moni sębę mu yali. Augwaligo homugo ‘Dago te Jisasgo tagala palai bidi dabe elaibao’ homu yai.


Te Stivengo te kaunsil dabebolo te po odubadi, augwaligo guni bulama, sębę ebaso, augwa kele halua tuali, agade.


Tama augwa nogogo olo palia sali, tama moni i wali, augwaligo te po odidali weyu. Augwali tigidali aga pageba polo sisinani.


Lean sinn:

Sanasan


Sanasan