Dwagi Yai Gesi Po Lukgo Asęani 22:7 - Godigo dwagi yai po buku

⁷ Te bo disąwai tubo nai bret tuabo olo bidibo side, deli sogo silama, te kibu sipsip wai elebo bodolu sogo yagasali. Sipsip wai eleyu, te Juda dabego ma koneani, ‘Polobadu Godigo dago nǫų dabe ela soyu, elebe.’

Dwagi Yai Gesi Po Lukgo Asęani 22:7 Iomraidhean Croise

Ma Dobola Sali 12:18

Tama dagego te bo disiąwai nai bret te polua dei 14, tede pio tubo gagalama, tama te polua dei 21, te tama te nai tuao.

Ma Dobola Sali 12:6

Augwaligo te kibu dabe bugagia tonaluama, te polua dei 14 wabode, tama pio mu tigidaligo te augwa kibu dabe elao.

Dwagi Yai Gesi Po Lukgo Asęani 22:1

Te olo bidibo sogo me pąba yagasaibao. Tama te sogo te Juda dabe augwaligo ‘Te polobadu mu Godigo dago wąį nǫų dabe mu ela soyu, elisąwani sogo da’ weyu, augwaligo te sogo bo disąwai nai bret tubo dao. Te olo bidibo sogo nogi Pasova dao.

Dwagi Yai Gesi Po Lukgo Asęani 22:6

Judasgo te po wali, “Dagego po usu dao.” Tama agai te Jisas augwaligo nogoba mubo sunumi gegebo gagalali. Agai tonaluali, me sogo te we bidi hauwa te Jisasde bidisiąbaso, tebo sogo agai Jisas te tuni bidi dabego nogoba muaibao.

1 Korin 5:7

Dage da te yis meni yai bret tiwai dao. Awe, te eno koneani. Tiali goli te dwai penani sę ebo bidi dage tomode bididubadi aga te yis tiwai eyu, tama agai dwai sę ebo kolesagago dage me dolaibao. Te Juda dabego Pasova nai tubo olo bidibo side, tede augwaligo te sipsip wai ela tuyu, tama te sogo me te bo disąwai bret me tuai dao. Te tiwai me megi te dago Pasova sipsip Krais aga isąma te ofa mayu yai dao. Tama tibaso, dagego te bidi buluba sąyao, te dage te gesi bret, te yis meni yai bret tiwai ma pedalomainogo yao.