Dwagi Yai Gesi Po Lukgo Asęani 21:8 - Godigo dwagi yai po buku

⁸ Tama Jisasgo po weyu, te po wali, “Bidi hauwa asiyu, Jisas ena nogi waibao, Jisas asaibao wali, ena te Jisas ena e asalise, te po waibao, dage dali. Dage dua dao. Augwaligo dage ili po ola mawaibao. Tama augwaligo te po me waibao, ‘Asobo si te pąba maga yagasobao.’ Tiali goli, dagego te po wabo bidi wali pigio.

Dwagi Yai Gesi Po Lukgo Asęani 21:8 Iomraidhean Croise

Jeremaia 29:8

“Ena dage Israelgo God, ena Tigidali Bomo Elalubo Genuai Bidi, eno po dolo obao, dagego te duga profet, me te osabo bidi dabego dage tibo po ola momainu igio. Te bidi dabeba waliyu, te dagego naa elama, te naa page dabolo pusao po wabo tagalao.

Matyu 24:11

Tama te tibo po pusubo bidi profet dabe hauwa pedelama, tama we bidi hauwa tibo po ola mawaibao, augwali gasa tųdu kegasa pomainogo yaibao.

Matyu 3:2

“Dage dwai kolesaga yalide ge neyu, homu geasa peyu bidiąo. Magi baso meni. Te dagalude bidibo bidi God agai we bidi tonalubo sę yabo bomo te pąba asai dao, dage te bomo dologoba asiąo,” te po wali.

Matyu 4:17

Tama te sogo Jisasgo agai po pusubo sę ebo gagalai. Agai te po oduali, “Dage dwai kolesaga yalide ge neyu, homu geasa piąo. Te Godigo te we bidi tonalubo sę yabo sogo pąde dao.”

Dwagi Yai Gesi Po Lukgo Asęani 17:23

Tama bidi dabe augwaligo geda muyu, dagebolo ‘Aga ede bidibao’ ma ‘Aga ude bidibao’ po augwaligo waibao. Tama dage augwali wali pigimio, sugi pigimio. Augwaligo wabo po odogimio. Dage kone dao.

Dwagi Yai Gesi Po Lukgo Asęani 21:7

Te augwaligo Jisas hanaluyu, te po wali, “Po ola mabo bidi, te sę nisu pedalaibawe? E be dolabo maganubo side, te mena tiwai sę hasia pedalubo sulama, dago koneaibawe?”

Dwagi Yai Gesi Po Lukgo Asęani 21:9

Dagego odoyu da moni wąbi hwįbo po odobo si, teda dage didibili egio. Ma, bidi dabe augwaligo te gavman sela sąwai hagede wąbi hwįbo po odobo si, te dage didibili egio. Te sę polo hasia pedaliyu polo yaibao. Tiali goli, te si polo siligobeo, tigidali nai silabo si polo asogobeo,” Jisasgo te po wai.

Dwagi Yai Gesi Po Jongo Asęani 5:43

Ena asali te ena Aya Godigo bomo dali genuai nogi dali selasa asiyu, asai digi, tama dagego eno po sabeo. Tiali goli, bidi me deli aga nogi dali asiyu da, teda dagego te bidigo wabo po saibao.

Dwagi Yai Gesi Po Jongo Asęani 8:24

Tama tibaso, eno dagebolo po wai dao, dagego yali dwai sęgo sęgę te me elalubadi, dage isaibao. Tama dage mu tama te sęgęde isaibao, dage enade ena te tǫba dulali bidi dao po dagego te pode ‘Mu po dao’ homu esiąyu da,” Jisasgo te po wai.

Dwagi Yai Gesi Po Jongo Asęani 8:28

Tama tibaso, agai augwalibolo te po wai, “Nosali dagego Godigo Bidi Mu ni pedaide daganama, te ugwaba sela muaibao. Te tebo sogo da, te dagego koneaibao, ena te ena digi dao. Te sogo me dagego koneaibao, eno haniani sę eyu, eno homu wali pisiąyu te sę yalio. Eno po Ayago ena ola mani po naga wabo dao.

1 Korin 6:9

Te dwai kolesaga ebo bidi dabe, augwali te augwali Godigo te we bidi tonalubo bomo tomoba me pogobeo. Te dagego konebewe? Tiyu dagego te duga homuba digi tibo po ola maiabuo. Te penani sę kolesaga ebo bidi dabe me, tama te tibo god wali pabo bidi dabe me, te we sabo kolesaga dolobo bidi dabe badi, tama te we dali ebo kolesaga tiwai eyu godolo ebo bidi dabe me, tama te hale ebo kolesaga te gasa bidi dabe dali ebo bidi dabe me,

Efesus 5:6

Dage bugagia dua dao. Tiyu dage te gasa bidigo agai dage te dwai kolesaga tomoba kekainogo ebaso da, agai wabo kedu meni yai po wali pelamuo. Te eno tamadi wali dwai kolesaga ebode te Godigo agai po sela sąbo bidi dabe dali sębę yaibao.

2 Tesalonaika 2:3

Jisas ma asobode augwaligo geda muani po dagego odamuo. Te Jisas ma asobo sogo olo dali tama polo pedalogobeo. Te menio. Te sę pedalainogo hasia bolo bidi hauwa augwaligo dwai sę hauwa elama, tama God nogi gegeda peyu, tudiba mu muaibao. Te bomo yai po sela sąbo dwai sę ebo bidi hasia aga bolo dago gesabidiba pedalaibao. Te bidi Godigo te moni sia bulude nosali mu dola silaibao.

Polgo Si Wali Pas Timotiba Asęani - 2TI 3:13

Tiali goli te dwai bidi dabego me, te tibo po ola mabo bidi dabego me, te bidi dabe augwaligo ebo dwai sę dwasianu gagalama tama genuai pedalaibao. Tama tiyu, augwaligo te tibo po te gasa we bidibolo ola mobadi, te Satango me augwali tibo po ola maduaibao. Tama augwaligo kolesaga te dwai mu pedaluaibao.

1 Jon 4:1

Abagi dedeo, tibo po ola mabo bidi dabe hauwa augwali tigidali tǫde bilalubao. Tama bidi hauwago te po obao, “Godigo Mobo Bidi agai enabolo mu po olama, tama eno te mu po pusubo dao.” Te po obaso, dagego homu te augwaligo ola mabo poba olo subigila dąų wagio. Dagego koneainogo, tigidali te po ola mabo bidi osola suao, te Godigo tagala palali Mobo Bidi augwali dali bidibawe, ma meniwe, te suainogo tama tiao.

2 Jon 1:7

Magi baso meni. Bidi hauwa augwaligo da dwai sę tomoba kegainogo eyu tibo po ola mabo bidi dabe, augwali haniani tǫba augwaligo po pusigi pai dao. Tama augwaligo “Te Jisas Krais e tǫba asama bidali te bidi mugo tigi sali, te da bidi dabego tigi tiwai sali,” te po wabo augwaligo hagela ebo dao, te po page hogwa sabo dao. Te tobage bidi aga te tibo po wabo bidi, tama agai Krais dali boi bidi ebo bidi dao.

Kraisgo Geme Dualali Sę Pedelabo Po Jonbolo Ola Mani 1:3

Eno e po asęani, te nosali gana pedalobo sę po dao. Tama e asęani po gasa we bidibolo nedebo bidi, te bidi dwagi yai homu pemene eyu, bugagia bidaibao. Tama aga nedebo po odobo we bidi me, augwaligo te asęani po odama, tama wali pobaso da, teda augwali me dwagi yai homu pemene eyu, bugagia bidaibao. Magi baso meni. Te sę pedalobo sogo pąba yagasai dao.

Kraisgo Geme Dualali Sę Pedelabo Po Jonbolo Ola Mani 12:9

Tama Godigo ensel mobo bidi augwaligo te genuai hasamani e tǫba sąwai dao. Te hasamani aga te polobadu digi bidai, tama augwaligo te hasamani aga nogi “Te Bidigo Tigidali Bidi Kisiliyu Po Tų Ela Mabo Dao,” gasa nogi me Satan poai. Agai tigidali tǫde we bidi ili po ola mabo bidi dao. Augwaligo aga e tǫba tula palai, tama augwaligo aga dwai ensel mobo bidi dabe dali hodobo e tǫba tula palai dao.