Dwagi Yai Gesi Po Lukgo Asęani 20:7 - Godigo dwagi yai po buku

⁷ Tama tibaso, augwaligo Jisasbolo te po wai, “Dego te bidi Jon aga sęba tagala palaliwe, te dago konebeo,” wali.

Dwagi Yai Gesi Po Lukgo Asęani 20:7 Iomraidhean Croise

Aisaia 26:11

O Genuai Bidi, nago nogo polo balalubao, te dwai we bidi dene mawainogo. Tiali goli, augwaligo subeo. Genuai Bidi, te nago naga we bidi godolo mu elama, tau sabo kolesaga te augwaligo sumainao. Tama te dwai bidi dabe augwali hale dwai mu yaibao. Tama nago naga boi bidi dabe ulabo isi, te isigo augwali mu ula silaganio.

Aisaia 29:14

Tama tibaso, eno gasa sę dabe mu te we bidiba pedalumainu yaibao. Tama augwali mu noma mu saibao. Eno te bidi dabego augwalibolo wiegi yai kolesaga mabo bidi dabego homu kolesaga sela sąwaibao. Tama eno augwaligo kolesaga sai bagego kolesaga eno mu silaibao,” wali.

Aisaia 41:28

“Eno te tibo god dabe gegali sogo, te eno suali, augwaligo te po deli me wasiąwai. Augwaligo homude te wiegi yai homu kolesaga elalubo po pusabo homu meni yai. Te me deligo eno hanalubo po wei me ponabo usugobeo.

Aisaia 44:18

“Mu tamao, te tobage we bidi dabe te homu kolesaga mu umuna selama, te augwa homu kolesaga mu meni yai. Te magi nai me deligo augwa gedu paliama, te augwa tonono bilibo usu isąbo tiwai ebo dao. Te magi nai me deligo augwa homu kone tuą palobaso, tama augwa te homu kone tuą pabo kolesaga ebo dao.

Sekaraia 11:15

Tama Genuai Bidigo enabolo te tiwai po walali, “Nage te kibu sipsip tonalubo bidi ma pedelao,” wali, “tiali goli megi da, nage te sipsip kibu tonalubo dwai bidi mu tiwai pedelao.

Sekaraia 11:17

Tialima te tonalubo dwai bidi dolomainao, magi baso meni, agai aga hani sipsip tonalubo tagalali. Te boi bidi dabego agaba boi hwįagaselama te agai bomo tigidali aiyaba mu tamunaibao. Tialima agai nogo kimi bomo isilama, tama agai dolo nogo badu gedu te mu halua somainao,” Genuai Bidigo te po wai dao.

Dwagi Yai Gesi Po Lukgo Asęani 20:6

Tiali goli, dago ‘Woo, Jon aga homugo te baptais mabo sę sali’ obaso, teda e we bidi tigidaligo masigi sąyu, da ela muaibao. Augwaligo homu te bidi Jon da Godigo tagala palali bidi mu dao,” augwa hasi augwaligo te po wai.

Dwagi Yai Gesi Po Lukgo Asęani 20:8

Tama Jisasgo augwalibolo te po wai, “Eno hanalu wali po dagego wei ponosiąbaso, teda dagego enabolo hanalu wali po me eno wei ponogobeo. E sę eno nogode muani bidi nogi dagebolo eno wagobeo,” Jisasgo te po wali.

Dwagi Yai Gesi Po Jongo Asęani 9:39

Jisasgo te po wai, “Ena e tǫba asali, tǫde bidibo we bidi dagalai hagede asai. Te homu kolesaga tomode gedu halua sai bidi, gedugo ma sumainogo te ena asai. Me ma, we bidi meba augwaligo homu, ‘Ao, dago koneai dao, te da te gedugo subo bage dao,’ augwaligo te homu ebo dao. Tama tibaso, augwaligo Godigo homu koneidali weyu augwali gedu halua somainogo ena asai dao,” Jisasgo te po wai.

2 Pita 3:3

Hasia dagego tebolo koneiąo: tama te tǫ de dagalu si me te tigidali nai silibo sogo, te posobo po wabo bidi dabe augwali pedalama, tama augwa bomonama naga te homugo ebo dwai kolesaga naga wali paibao. Tama augwaligo posobo po e tiwai po weyu, “Aga ma asabo po wali dawe?