Dwagi Yai Gesi Po Lukgo Asęani 19:4 - Godigo dwagi yai po buku

⁴ Tama tibaso, Sakius polo udalama, pelama, polo te ni me deliba pai. Agai homu, ena e ni holama, te Jisas e ni pąba asobaso, eno aga sueibao.

Dwagi Yai Gesi Po Lukgo Asęani 19:4 Iomraidhean Croise

Te Israel me Juda Hani Sigo Tuni Bidigo Po Elalubo Buku Deli 10:27

Te Solomon king bidali sogo, agai te silva me te bǫ ni hauwa te Jerusalemba sesali. Tama te sogo te silva hauwa mu elaluai, te olo masigi dabe tiwai elaluai. Tama te ni bǫ me hauwa elaluali, te olo ni dabe te Israelde te dwasianu bulu dude sai ni dabe tiwai elaluai dao.

Tuni Bidi Dabego Po Elalubo Buku Deli 27:28

Balhanan te Geder taun bidi te oliv ni du tonalubo bidi bidali, te sikomor ni dabe te giliga dega sabo badu te dwasianu bulu du dabe elalubo pedai badu elaluali me agai tonalubo sę yalio. Tama Joas te oliv wel mubo pesage tonalubo sę yai dao.

Tuni Bidi Dabego Po Elalubo Buku Si 1:15

Tama te Solomon aga king bidali sogo agai te silva me gol me wiegi yai ni bǫ hauwa mu te Jerusalemba sesali. Tama tialima te sogo silva me gol hauwa mu elaluali, te olo masigi dabe tiwai yali gilama. Me te ni bǫ hauwa mu elaluali, te olo ni dabe te Israel dabego dwasianu bulu du dabede elalua pabo ni dabe yali gilama tama elaluali.

Tuni Bidi Dabego Po Elalubo Buku Si 9:27

Te Solomon aga king bidali sogo agai silva me wiegi yai ni bǫ hauwa te Jerusalemba sesali. Tama tiyu, te sogo silva hauwa mu elaluai dao, te olo masigi du tiwai elaluali. Tama te ni sida bǫ hauwa mu elaluali, te Israel bulu du dabede dwasianu olo ni elalubo tiwai elaluali.

Godigo Nogi Ugwaba Sabo Tęąbi Po Wabo Buku Dabe 78:47

Agai te talua ge tulubage tagala palama, tama tego te augwaligo wain ni dabe dolali. Tama agai te talua ge tulubagego te augwaligo ni kaya dolomainu yai dao.

Aisaia 9:10

“Te boi bidi dabego dago brikigo sęani be augwaligo hųgiyu, me dago fik ni geliyu yali goli, te dago tede moni homu egobeo. Te olo nai dao. Dago masigi togolama, wiegi yai bomai be dabe sę yaibao. Tama dago wiegi yai ni bǫ wai bulaibao, te ni fikigo pesage hasegeleyu,” te po wali.

Amos 7:14

Tama Amosgo te tiwai po Amasiabolo wei ponani, “Ena te gasa profet dabe meba tiwai meni, tama eno te profet po wabo sęde mone sabo sę me ebeo. Ena te sipsip dabe tonalubo bidi me deli naga tama, tama eno te ni kaya fik dabe tonalubo sę iduai dao.

Dwagi Yai Gesi Po Lukgo Asęani 17:6

Tama te Genuai Bidi Jisas agai augwalibolo te po wali, “Edao. Dagego kolesaga enaba mu dąų wabo sę te dwasianunu kemeni ge tiwai dwasianu elalugi sogo da, teda e gasa nigo dagego wabo po odigi da. Dagego e gasa niba ‘Nage naga pedali dabe tǫdu gudama, tama te tamu ąįba pelama, naga digi teba buligi pao’ obaso da, teda te nigo te po odaibao, teba buligi paibao,” wali.

Dwagi Yai Gesi Po Lukgo Asęani 19:3

Tama te bidi Sakius te Jisas asobo po odama, agai homu Jisas eno sueibao. Tiali goli te bidi Sakius te pęwadage bidi yai elalubaso, Jisas te agai subeo. Magi basowe? Te we bidi hauwa ugwanu polasa dolalubaso, te sesela salio, tama Sakius agai Jisas subo usube.

Dwagi Yai Gesi Po Lukgo Asęani 19:5

Tama Jisas te ni pąba sabolama, ni sigiba ogwa tonali, Sakius suali. Jisasgo te po wali, “Sakius, nage polo dulao. Megi da si nago beba pinao, tede bidaibao,” wali.

Dwagi Yai Gesi Po Lukgo Asęani 5:19

Tiali goli, te we bidi hauwa mu te be tomode pągąna sai elaluali. Augwaligo sunumi gegali. Meni baso, be peduba te togobilidu holali. Te be asege be dao. Te be pedu haluali nai dagala munama, tama augwaligo te bidi aga te ni gologobe wa dali te we bidi bidibo tomoba, te Jisas bidibo digi gesabidi badu aiyaba tagalaluama mugulalio.