Dwagi Yai Gesi Po Lukgo Asęani 16:8 - Godigo dwagi yai po buku

⁸ “Te genuai bidi agai aga doado bage tonalubo bidigo yali sę po odama, te nai tonalubo bidi nogi ugwaba siyu, te po wali, ‘U bidi aga homu tedali yali, te negeli mane bage wi idali weyu, aga digi aga tigi bugagia tau sali,’ wali. Te peni e dao. Te augwa homu wali pabo we bidi augwali homu bugagia mu eyu, augwa hasi tau siyu, augwa tigi tau sabo dao. Tialima, te ulade bidibo we bidi augwali homu eyu, augwa tigi bugagia tau sabo menio,” Jisasgo te po wali.

Dwagi Yai Gesi Po Lukgo Asęani 16:8 Iomraidhean Croise

Tigidali Nai Gagalama Nigali Side 3:1

Te Yawe Godigo te tigidali hasa hani sibi nigali, tiali goli me deligo te hasamanigo tibo po wabo kolesaga konea pai tiwai gilama eyu, te aga aiyaba me elalugobeo. Tama me sogo te hasamanigo te we pageba asama, tama te webolo hanalu wali, “Mu dawe? Te Godigo dage sibolo te gide elalubo nedu du tugi olama, tigidali habu selaliwe?” te po wai.

2 Samuel 13:3

Tiali goli, Amnon aga abagi me deli elaluali, aga nogi te Jonadap. Aga te Samago ogwa, te Devit aga ama, tama aga te gasagi yai tedali te haniani sunumi gegelama konea pabo homu kolesaga elaluali.

Te Israel me Juda Hani Sigo Tuni Bidigo Po Elalubo Buku Si 10:19

Tama tialima, eno homugo dagego te profet bage me, me pris bage me, tama te tigidali we bidi augwaligo te Balba lotu po wabo we bidi me, tama augwali asama, eba sisinagasao,” wali. “Te bede me deli me bidigio,” wali. “Magi baso meni, eno homugo Balba moni denami yai ofa nai ula mawaio. Tialima, bidi me deli asisąbaso da, teda te bidi isaibao,” wali. Jehugo te po wali, te tibo god Bal lotu po wabo we bidi mumua siyu, agai homugo agai te we bidi tigidali ela silainu te po wali.

Godigo Nogi Ugwaba Sabo Tęąbi Po Wabo Buku Dabe 17:14

Mu tama, Genuai Bidi, nago bomogo ena tau siyu, tama bidi dabe augwaligo ena siligobeo. Ena te tǫde nai naga sisinibo bidi dabe augwaligo nogode ma sao. Nago te dwai sę ebo bidi dabego kolesaga wei ponainogo sisi yai, tialima megi augwalibolo te sę yao. Tama augwaligo wai dabe dali me tiwai, tama augwaligo wąį dabe nosali pedalubode me tama naga tiwai sę yao.

Ma Dobola Sali 1:10

Tama wąbi hwįbaso da, te augwaligo dago boi bidi dali taluama, da dali hwįyu, tama dago bulu tagalama, augwali wi paibao. Tama dago augwali hani hauwa pedalidali weyu, dąų wabo tų gegegaibao,” te Isip gavman polasa tuni bidi agai te po wai.

Bugagia Bidibo Kolesagade Po Asęai Buku 12:8

Te wiegi yai homu elalubo bidi yai baso da, teda te we bidi dabego aga nogi ugwaba saibao. Tiali goli, te homu kolesaga gagea pai bidi da, augwaligo te aga nogi aiyaba elalubo dao.

Matyu 12:32

Tama bidi mego dwai po me deli te Godigo Bidi Mu dali obaso da, teda Godigo te bidi agai sęgę te sela sąbo usu yaibao. Tiali goli bidigo dwai po te Godigo Mobo Bidi dali weyu da, te bidi agai sęgę te megi e tǫde bidibo sogo me te nosali me munu me te sęgę me sela sągobeo. Te sęgę me elalua peyu, bidada paibao,” Jisasgo te po wai.

Matyu 17:26

Tama Pitago te po wai, “Te gasa we bidi hanide sabo dao.” Tama Jisasgo agabolo te po wai, “Awe, tama tibaso te tuni bidi aga hani bidi augwaligo te takis mone magobeo,” agai te po wai.

Dwagi Yai Gesi Po Lukgo Asęani 16:10

Bidi mego dwasianunu nai bugagia tonalubaso da, teda te bidi da, genuai nai me bugagia tonalubo bidi dao. Ma, bidi mego dwasianunu nai tonaluyu, tama tibo po obaso da, teda te bidi da genuai naide me tibo po wabo bidi dao.

Dwagi Yai Gesi Po Lukgo Asęani 16:4

E, eno konebao. Te genuai bidide negeli mani bage eno tau saibao. Tama nosali te genuai bidigo ena e sęde sela sąnama, tama te negeli mani bage augwaligo enade dwagi yai homu eyu, ena te sese sana bidaibao,’ agai homude te po wali.

Dwagi Yai Gesi Po Lukgo Asęani 16:7

“Te negeli mani bidigo te tiwai elama, tama te doado bage tonalubo bidi agai te genuai bidide negeli mani bidi mebolo te po hanalu wali, ‘Nage me, eno genuai bidibolo te negeli mani nai nisu naga maniwe?’ Te negeli mani bidigo te po wei ponani, ‘Te moni kobi wa hauwa mu 1,000 selama, tubo nai nogi wit ge te wa dabe pągąnama, tama eno te genuai bidibolo mayu, wei ponaibao,’ te po wali. Tama te doado bage tonalubo bidigo agabolo te po wali, ‘E bukude e pepa yabe da, nago negeli wei ponabo po asęani pepa yabe dao. Tama nago e pepa yabede asęani namba po sela sąyao, te gasa namba asęąo, hauwa mu meni, hauwa naga 800. Te tiwai nago polobadu mani negeli togwao,’ wali.”

Dwagi Yai Gesi Po Lukgo Asęani 18:6

Tama Genuai Bidi Jisasgo te po wali, “Dagego te gagea pai po tų dodolobo bidigo wali po odiąo.

Dwagi Yai Gesi Po Lukgo Asęani 20:34

Te Jisasgo te po wei ponani, “Dage we bidi e sogo megi we sabo dao. Megi tǫde bidigo we dali bidi si augwa si sabo dao.

Dwagi Yai Gesi Po Lukgo Asęani 20:35

Tigidali we bidi megi te tiwai ebo dao. Tiali goli, augwali we bidi Godigo po weyu, augwali hodaluama, te nosali sogode bidibo we bidi, augwali te sogode we sabo sę ma egobeo.

Dwagi Yai Gesi Po Jongo Asęani 12:36

Megi ula dagede elalubao. Tama tibaso, duga homu tigidali te ulaba muao. Tama tilama, dage te ula tiwai pedalama, bidaibao,” Jisasgo te po augwalibolo wai. Jisasgo te po olama, tama agai augwali taga peyu, geme duala sigi pai.

1 Korin 3:18

Tiyu te bidi me deli agade digi tibo po ola mayabuo. Te dage tomode bidi deli agai te e tǫde homu kolesaga wali peyu tama te tiwai homu eyu, ‘Eno kolesaga koneai elalubo,’ aga te homu eyu da, teda aga hasia bolo aga te tǫde we bidigo gedude te wabo pabo bidi tiwai pedalao. Tama tiyu aga te Godigo gedude te kolesaga koneai bidi mu pedalaibao.

Efesus 5:8

Te polobadu dage dwai kolesaga ebode biliyu tama dage be hulia side bidibo tiwai yai dao. Tiali goli megi dage te Genuai Bidide wadolama, tama agai dage wiegi yai ulaba munama bidibao. Tama tibaso, dagego wiegi yai kolesaga naga eyu dage te ula yai we bidi tiwai bidiąo.

Filipai 3:19

Augwa tigigo tuabo nai dabe, te nai sabo homu naga augwaligo eyu, tama te kolesaga wali pabo dao. Te sabo nai dabe augwaligo tibo god tiwai mu dao. Augwaligo dwai haniani hale ebo kolesaga ebo dao. Tiali goli augwali tede hale menio, tede augwaligo dwagi yai homu eyu, tama augwa nogi ugwaba sabo dao. Tama augwaligo e tǫde elalubo naide naga homugo dąų olama tama bidibo dao. Tama augwaligo te tobage kolesaga ebaso, augwali mu dolaibao, te dwai buluba paibao.

1 Tesalonaika 5:5

Te menio. Dage tigidali we bidi giligade ula dali bidibo dao. Da be hulia sai digi huli tomode me bidibo menio.

1 Pita 2:9

Me ma, dage da, dage te sa muani we bidi hani dao. Bidi meba augwali te we bidi dali, God dali tomode bidiyu, tama pris bidi sę eyu, augwaligo Godibolo te dwagi yai nai ula mabo sę ebo dao. Tama te tiwai dagego me te dago genuai tuni bidigo sę ebo dao. Dage da, te tedali gasagi yai doloba pai we bidi hani dao, God aga we bidi hani mu te dage dao. Tama agai dage i olama, tama dage te hulia sai bidibo digi tagalama, tama agai wiegi yai ula yai buluba bidagasai dao. Tama dagego agai yali wiegi yai sęde po te gasa we bidibolo pusumainogo te agai dage sa muani.

1 Jon 3:10

Edao. Te Godigo wai dabe dali, te Satango wai dabe dali, augwali dagalama hania koneabo tų e dao: dwagi yai doloba pai kolesaga wali pisąbo bidi, aga te Godigo wai menio. Tama aga ama dali dwagi yai homu eyu godolo isąbo bidi, te bidi me aga te Godigo wai menio.