Dwagi Yai Gesi Po Lukgo Asęani 16:2 - Godigo dwagi yai po buku

² Tama te po odama, te genuai bidigo te doado bage tonalubo bidi i olama, agabolo te po wali, ‘Te nago sęde bugagia ebo menio po eno odalio. Nago te bidigo wei ponabo po asęani buku tigidali dodolama, ena mao, eno sueio. Nago te sę ma egobeo, eno nage sela sąwaibao,’ te po wali.”

Dwagi Yai Gesi Po Lukgo Asęani 16:2 Iomraidhean Croise

Kolesaga Koneai Bidigo Pusali Po Elalubo Buku 12:14

Godigo dago ebo kolesaga tigidalide da po tų ilaibao, te wiegi yai kolesaga dabe me, dwai kolesaga dabe me, te geme dualama ebo kolesaga dabede me, da po tų ilaibao.

Matyu 12:36

“Eno dagebolo obao, te genuai po tų pedalobo sogo te Godigo te we bidi dabe augwaligo tigidali subigila wali dwagi yai sę isiąbo po te po tų ebode dagalaibao, tama te pode sęgę mawaibao.

Matyu 20:8

Tama te be pio yai digi, tama te wain bono du gi page bidigo te aga sę ebo bidi dabe tonalubo bidibolo te tiwai po wai, ‘Nago te sę egi pali bidi dabe augwali i olama, mone mao. Nago te nosali badu mu sę yagasali bidi dabe gagalasa, tama nago augwali mone mena mena pelama usu nigibu, tama te polasa kigamu sę egi pali bidi dabe mone simaniyu augwali mone nosali mao,’ te po wai.

Dwagi Yai Gesi Po Lukgo Asęani 12:20

Tiali goli, Godigo te bidibolo te po wali, ‘Nage da, mu umawai bidi dao. Megi hulide tama nage isaibao. Nage isaide, mena bidigo naga tobade yogwaluali nai dabe tigidali saibawe?’” Jisasgo te po wali.

Dwagi Yai Gesi Po Lukgo Asęani 12:42

Tama Genuai Bidigo wei ponoyu, te po wali, “Te eno te kolesaga elama, dwagi yai sę ebo bidibolo obao. Aga genuai bidigo te bidi te sę tigidali tonaluabo genuai bidi me ma nigilaibao. Te bidi te gasa sę ebo we bidi dabe nai dobayabo sogo dobayabo genuai bidi me nigilaibao.

Dwagi Yai Gesi Po Lukgo Asęani 16:1

Te Jisasgo aga wali asobo we bidi dabebolo e po begelai po pusa mayu, te po wai, “Te sibage siyu, genuai bidi me deli bidali. Tama aga doado bage genuai mu elalubaso, aga doado bage tonalubo bidi nigilai dao. Tama nosali gasa bidigo te genuai bidibolo te po wali, ‘Nago doado bage tonalubo bidi agai sę bugagia esiąbadi, nago nai dabe olo sela sąbo dao,’ wali.

Dwagi Yai Gesi Po Lukgo Asęani 16:3

“Te aga genuai bidigo wali po odama, te doado bage tonalubo bidigo e homu yali, ‘Te genuai bidigo ena te sęde sela sąwanego da, eno magi masigi sabo sę yagawe? Gi sę yabo eno bomo usu egobeo. Te ena we bidibolo masigi gonobadi, ena hale yaibao. Magi sę yagawe?

Polgo Po Pas Rom Dabeba Asęani 14:12

Tama agai tama po waligo da, teda da tigidali we bidi deli deligo te dago Godibolo te dago yali tigidali kolesaga page te po pusaibao.

1 Korin 1:11

Eno te po dagebolo magi baso obawe? Woo, eno ama dede, te dage tomode bidibo we nogi Kloe, aga bede bidibo bage meba augwaligo enabolo wali, duga hasi tomode wado ebo wali.

1 Korin 4:2

Tama te sę tonalubo sęde te tiwai bomai po elalubao: te sę ebo bidigo te sę idubadi aga te agabolo te sę mani bidi dali homugo kęą pai bidi bidao.

1 Korin 4:5

Tama tibaso, te sogo me elalubadi, te dago Genuai Bidi asisąbadi dagego te gasa bidi mego ebo kolesaga dagaligio. Aga asama tama agai te we bidi augwaligo augwa homu tomode geme dualaluali po tigidali selama te ulaba muagasaibao. Tama tigidali bidigo homu kolesaga hania hanilaibao. Tama te sogo Godigo da tigidali deli deli bidi te dago yali sę osola sulama, tama te sę usu baso agai te sę yali bidigo nogi ugwaba saibao. Bidi deli deligo yali sę usu nama te aga nogi te tama naga ugwaba saibao.

2 Korin 5:10

Magi baso meni. Dago koneani, da tigidali te Kraisgo po tųde hania hanilama pedalaibao. Tama da megi e bidibo tigi dali bidiyu tama wiegi yai kolesaga ebaso, ma dago dwai kolesaga eyu me yali da, teda da tigidali deli deli te dena yali kolesagade usu nama tama dago te tiwai saibao.

2 Timoti 4:14

Polobadu te Godigo po pusubo bidi augwaligo nago nosali yabo sęde mu yabo po weyu, tama te monu dabe tobolu bidi augwaligo augwa nogo nago toboluba muani. Tama te sogo Godigo nago sę yabo bomo dali, homu kolesaga dali nagebolo olo manio. Te mani nai tagaligio. Te mani bomogo me, te homu kolesagago me nago naga sę yao.

2 Timoti 5:24

Te Godigo po odobo we bidi hani tobolu bidi nigilibo sęde eno e po me nagebolo obao. Nago te bidi dabe hasia osola subadi, e po ma koneao. Te bidi mebago dwai sę dabe hanilama hania mu elaluyu, tama augwali te po tų yabo madi poligi pobaso, tama dago augwali polo dagalama koneani. Tiali goli bidi mebago dwai sę geme dualaluama, tama nosali naga hania hanilama pedalubo dago subo dao.

1 Pita 4:10

Tama God agai te dage deli delibolo te haniani tau sabo homu kolesaga olo mena mena pai dao. Agai tama tialigo da, dage deli deligo te olo mani homu kolesaga ebogo gasa we bidi tau sao. Tama dagego tama tiyu da, teda dage te Godigo olo mani tau sabo homu kolesaga bugagia tonalubo we bidi mu bidaibao.

1 Pita 4:5

Tialima, te po tų dodolobo bidi Krais aga tamadi asobo si, te agai te polobadu isali we bidi dali, te me bidibo we bidi dali si augwali tigidali dali agai te moni po tų yaibao. Tama te sogo te dage dali dwai po wabo bage augwaligo te bidibolo te nogi posobo dwai po wali po page pusulama, te pode te augwali dene saibao.

Kraisgo Geme Dualali Sę Pedelabo Po Jonbolo Ola Mani 20:12

Tama eno ma suali, te isai we bidi dabe augwali bidaluali, te augwali nogi yai bidi dali, te nogi meni yai bidi dabe dali, augwali te tuni bidi dulalubo nai te gesabidide dodolalubo, te eno suali. Tama te saide dulalubo bidi agai te buku meba dagawai. Tama agai gasa buku me deli dagawali, te augwali isiąma gamonaibao wali we bidi nogi asęani buku dao. Tama agai te tigidali isai we bidi dagalai. Agai te augwaligo yali kolesagade po te buku dabede asęani po nedama, tama te asęani pode agai augwali dagalali.