Dwagi Yai Gesi Po Lukgo Asęani 13:3 - Godigo dwagi yai po buku

³ Eno dolo dagebolo obao, duga dwai sę ebo kolesaga tagalasiąbaso, teda dage me isaibao.”

Dwagi Yai Gesi Po Lukgo Asęani 13:3 Iomraidhean Croise

Matyu 12:45

Tama aga pelama, gasa dwai noma te a naga olama me si sigi pali. Tama te gasa dwai noma haubo dabego te dwai dwai sę ebo kolesaga tebogo te hasia dwai mobo haubogo ebo dwai kolesaga aiyaba elalubo dao. Tama augwali aga dali aselama, tama augwali tomoba pelama, tama augwali te bede bidibo dao. Polobadu te bidi dwai bidai, tiali goli megi me te aga dwai mu bidibao. Te tiwai naga megi e sogo dwai sę eyu bidibo we bidi augwalibolo me te tiwai sę pedelaibao,” Jisasgo te po wai.

Matyu 22:7

Tama te tuni bidi sębę elama, tama aga te enesigi bidi me te ami bidi dabe tagala palama, augwali pelama, te sę ebo bidi dabe elali bidi dabe augwali tigidali mu ela siligi pai. Tama be me bulu dabe tigidali sia tulama ula silai.

Matyu 3:2

“Dage dwai kolesaga yalide ge neyu, homu geasa peyu bidiąo. Magi baso meni. Te dagalude bidibo bidi God agai we bidi tonalubo sę yabo bomo te pąba asai dao, dage te bomo dologoba asiąo,” te po wali.

Dwagi Yai Gesi Po Lukgo Asęani 13:2

Tama te po odama, Jisasgo augwalibolo te po wei ponani, “Te Galili tǫ we bidi augwali te tiwai isibaso, tama dagego homu augwaligo yali dwai sę te gasa Galili tǫde bidibo we bidigo yali dwai sę aiyaba elaluali, dagego te homu ebawe? Te tebeo.

Dwagi Yai Gesi Po Lukgo Asęani 13:4

“Te bulu nogi Siloam, tede moni bobobage sigi be degasa pai. Tama te sigi be degeyu yaide, we bidi hauwa te 18 elalio, augwali mu isali. Te be degali po dagego polo odali. Tama dagego e homu yali bogo, te Jerusalem be nani we bidi me badu augwaligo dwai sę dwasianu yali, tialima te sigi be degeyu elali we bidi augwali dwai dwai sę mu yali. Dagego te homu yali bogo. Te tebeo.

Dwagi Yai Gesi Po Lukgo Asęani 13:5

Eno dagebolo e po obao, duga dwai sę ebo kolesaga tagalasiąbaso, teda dage me isaibao,” Jisasgo te po wali.

Dwagi Yai Gesi Po Lukgo Asęani 24:47

tama hodaluama, tama aga nogigo bomogo aga sę ebo bidi dabe augwaligo agai po tigidali bidi hanibolo ola mawaibao, te we bidi augwaligo homu begelemainogo yaibao. Augwaligo homu begelama, tama Godigo augwaligo yali dwai dwai sę sela sąwaibao. Te Godigo sa muani bidi agai sę ebo bidi dabego te tobage po tigidali bidi hanibolo wagi paibao, te sę augwaligo Jerusalem bulude gagalaibao.’

Godigo Sęba Tagala Palai Bidigo Po 3:19

Tama tibaso, dagego kolesaga begelama, Godigo kolesagadu wali piąo, tama Godigo dagego dwai sęgę sela sąmainu tama yao.