Dwagi Yai Gesi Po Lukgo Asęani 12:10 - Godigo dwagi yai po buku

¹⁰ Bidi mego Godigo Bidi Mu dali dwai posobo po obaso da, Godigo te bidigo dwai posobo po wali te agai homu kone isiąyu gegeda palu tagalubo usu yaibao. Tialima, bidi mego Godigo Dwagi Yai Mobo Bidide dwai posobo po obaso da, Godigo te dwai po wali sela sąbo usu egobeo.

Dwagi Yai Gesi Po Lukgo Asęani 12:10 Iomraidhean Croise

Dwagi Yai Gesi Po Lukgo Asęani 23:34

Te Jisasgo te po wai, “Aya, nago augwaligo dwai sę yali sęgę sela sąyao. Augwaligo enade ebo sę sęgę augwaligo konebeo.” Tama te ami bidi dabe augwaligo satu gagali elama, Jisasgo gudubo ugwa dabe augwa dobola sai.

2 Timoti 1:13

Mu tama, polobadu eno agai nogibolo dwai posobo po wabo bidi bidai, tama eno agai po odobo we bidi dabe dali boi bidi eyu, augwalibolo dene mabo sę iduai. Tama eno aga dali hagoma eyu, aga nogi dolobo sę eyu bidai. Eno Kraisde tama dwai sę yali goli, Godigo ena homu dene eyu tau sali. Magi basowe? Eno konealubo po Kraisde dąų wasiąbaso eno bugagia konesiąma, tama eno te tiwai dwai kolesaga aga dali iduai.

1 Jon 5:16

Bidi me deligo aga amago dwai sę ebo suyu da, tama te dwai sę ebogo te yali bidi aga dwai madigi pisąbo dwai sę elaluyu da, teda aga amago Godibolo gedu haluasa po wao. Tama weyu, tama Godigo te dwai sę yali sela sąnama tama bidibo ula te bidibolo mawaibao. Te dwai sę tedali tedali dao, mebago te sę yali bidi dwai madigi tagala palabo dao, mebago meni. Tama te sę yali bidi dwai madigiba pisąbo dwai sę ebode eno te po wai, Godibolo gedu haluasa po wao. Tiali goli te bidi dwai madigi tagala palabo dwai sę, tede eno dagebolo “Gedu haluasa po wao” wabeo.