Dwagi Yai Gesi Po Lukgo Asęani 12:1 - Godigo dwagi yai po buku

¹ Te sę ebadi yaide, te umabo tausen we bidi Jisas pageba mu odogwa sagaselama, augwa hasi ma agaga bilalubo ąǫ yalio. Tama Jisasgo hasia bolo aga wali bilibo bidi dabebolo te po wali, “Dage te Farisi bage te ugwadu homugo tibo po wabo bidi dabego ebogia yabuo. Dage te tiwai gagaidali weyu, bugagia dilasa bidiąo. Bidi mego bret nigibo sogo, tomoba dwasianu bomonobo nai mubo dao. Tama nosali te bret boma pabo dao. Te Farisi dabego ugwadu homugo po wabo sę, te dwai sę dage tomoba asiyu da, dage tomode genia paibao, te bret bo dai tiwai yaibao.

Dwagi Yai Gesi Po Lukgo Asęani 12:1 Iomraidhean Croise

Te Israel me Juda Hani Sigo Tuni Bidigo Po Elalubo Buku Si 7:17

Kingo te aga sę ebo gavman ofisa bidi, te bidi aga te hulide sę ebo konea pai bidi mu, king agai te bidi dąį ilali, te bidi aga pelama, te ami bidi dabego tonalubo madigi te taun moni tųba tonalugi pao wali. Tama te gavman ofisa bidi te taun tų pąde dolalubadi yaide, tama te we bidi dabe augwali te Siria bidi dabe bidali madi soainu soyu, tama te we bidigo udulama soali. Tama te umabo we bidi mu te tų bulu badu udulama asali, tama tialima, te we bidi dabe augwaligo te bidi agabolo hanalubadi yaide, tama aga degasa pai munalubadi yaide, tama te we bidi dabego agaga pedubadi kęnama, te bidi isiboba usu nigi pali. Polobadu te kingo Elisa sugi pali sogo, tama Elisago te agai homugo te nosali yabo sęgę po te agai koneama pusali po, te wali poba usu nigi soyu, te bidi isibo yabao wali. Megi te po te nai walali gilama, te poba mu usu nani dao wali.

Jopgo Po Asęani Elalubo Buku 20:5

te dwai kolesaga ebo bidi dabe augwali pęwadage sogo tǫde bugagia godolo elama, bidai dao. Te God tudiba mubo bidigo bugai homu ebo sogo te bobobage menio.

Jopgo Po Asęani Elalubo Buku 27:8

Te bidi dabe augwali Godigo po wali pabo menio. Godigo augwaligo bidibo ula silibo sogo augwali dwagi yai nai me saibawe? Meni.

Jopgo Po Asęani Elalubo Buku 36:13

“Te God tudi ola mabo bidi dabe, augwaligo genuai sęgę augwaliba sabalobo si, augwaligo God dali sębę genuai mu ebo dao. Tama augwaligo Godigo augwali tau somainu i wabo menio.

Aisaia 33:14

Te Saionde te dwai kolesaga ebo we bidi augwali wi elama, noma sali. Tama augwaligo e tama po obao, “Genuai Bidigo sębę da, te da te bomai isi tigidali sogo dabo isi tiwai, tama tigidali nai dabe dela silibo tiwai dao. Te da tomode de mu te isi dali bidaibawe?”

Dwagi Yai Gesi Po Lukgo Asęani 11:44

Dage dua tama dao. Dage da, te isai bidi te gų pagede pubulai madi elalubo te konesiąma, te bidi dabe te daide ugadu bilibo tiwai ebo dao. Te dage bulu badu tonobo te wiegi yai da homu ebao. Tiali goli, tomo badu da, dage mu dwaliao. Tama dagego gasa we bidi meda ilibo sę yai dao. Te sę ebogo nosali dage dene geswai saibao,” Jisasgo te po wali.

Dwagi Yai Gesi Po Lukgo Asęani 12:56

Dage ugwadu homugo po wabo mu umawai bage mu dao. Duga tǫgo me dagalugo me ebo sę sulama, konebo goli dao. Magi baso megi e ebo sę page dagego konebewe?” Jisasgo te po wali.

Dwagi Yai Gesi Po Lukgo Asęani 5:1

Te me sogo Jisas te Genesaret sigi ąį sesegede dolalubadi, Jisas aga pageba Godigo po odainu we bidigo mu odoga sagasalio.

Dwagi Yai Gesi Po Lukgo Asęani 5:15

Jisasgo agade “Po pusulamuo” po wai goli, agai yali sę po pususu paligo ugwa genia palio. Tama umabo we bidi aselama, agai wabo po odagasali, agai augwaligo gasi dabe sela sąmainu yai.

Dwagi Yai Gesi Po Lukgo Asęani 6:17

Te Jisas te bulu dude bidama aiyaba ma dulai, aga tagala palabo bidi dabe dali dulali. Tama dulama, augwali te bulu odogo tǫ maluba sabolama, te aga hanide po pusali. Tama umabo we bidi aga pageba asali. Augwali me badu te Judia tǫdu asai, me badu Jerusalem be nanidu asai, me badu te nabis bulu sidu asai, me nogi Taia, me nogi Saidon, tedu me asali.

Godigo Sęba Tagala Palai Bidigo Po 21:20

Tama Polgo te po ola silama, augwaligo Godigo nogi ugwaba sali. Bidi me deli hodaluama, Polbolo agai te po wai, “Dago ama, nage bugagia koneao. Umabo Juda hani we bidi augwaligo homu Jisasba mu muai elalubao. Tama augwaligo bomo elama, Mosesgo bomo yai po tigidali wali pabo da.

1 Korin 15:3

Te eno polasa po dagebolo hasia bolo mani, te eno me eno polobadu te po naga sali. Te po e tiwai dao: te Krais isilama dago dwai sęgę tigidali sela samainogo yali, te Godigo po bukude polobadu asęani po tama usu nani.

Hibru 12:22

Tiali goli dage, dage te tiwai naiba me asobeo. Menio. Dage te Saion bulu duba asai dao, tama te bidibo ula mabo God bidibo moni hanu te dao. Te bulu da te dagalude elalubo Jerusalem hanu dao. Te moni umabo ensel mobo bidi dabe augwali sisinama te wiegi yai homu pemene ebo madi, teba dage asai dao.

Jems 3:17

Tiali goli niwai bidi augwaligo te God pagedu asobo te wiegi yai homu kolesaga sabo bidi dabe augwaligo ebo kolesaga e dao: polasa mu, te augwaligo meda isiąwai wiegi yai homu kolesaga wali pabo dao. Tama te kolesaga me, te augwaligo gasa bidi dabe dali wiegi yai kolesaga eyu deli homu elama bidiyu, tama augwali dali homu nagame eyu, tama tiyu augwaligo gasa bidi dabego po wabo odobo dao. Tama augwaligo homu dene eyu, we bidi tau sabo wiegi yai kolesaga ebo dao. Tama tiyu, augwaligo deli homu tiwai naga tigidali we bidi dali ebo dao. Tama augwaligo ugwadu homugo naga augwaligo po wabo menio.

1 Pita 2:1

Tama God agai dage te gesi noma bidabo ula mobaso, dagego te gasa bidi dabe dene mabo kolesaga tigidali tagalama, sela sąyao. Tigidali tibo kolesaga dali, te ugwadu homugo tibo po wabo kolesaga dali, te si tagalao. Tama gasa bidigo doado bage me, te agai ebo sę dali sigo dage aiyaba elaluyu, tama tibaso dagego te bidi aga dali dwai homu elama tama aga dali sębę egio. Te gasa we bidi nogi posobo po weyu ebo, te kolesaga me dagego tagalao.