Dwagi Yai Gesi Po Lukgo Asęani 10:8 - Godigo dwagi yai po buku

⁸ Dage mena be naniba pobadi yaide, augwaligo dwagi yai homu elama, dawea sobaso da, te dage tumai hagede muani nai tuiąo.

Dwagi Yai Gesi Po Lukgo Asęani 10:8 Iomraidhean Croise

Matyu 10:40

“Bidigo dagego eno sę ebo sulama, tama wiegi yai kolesaga dagebolo ebaso da, teda agai te tiwai kolesaga dagebolo naga ebo meni, te ena dali me ebao. Tama bidigo wiegi yai kolesaga ena dali ebo bidi, agai te God dali me te wiegi yai kolesaga ebao, te agai ena tagala palobaso ena asai dao.

Dwagi Yai Gesi Po Lukgo Asęani 10:10

Tiali goli, gasa be nani meba pobadi yaide, dage dali bugai homu elama, dawea siasąbaso da, te be naniba pabo tų dilide dolalu, te po wao,

Dwagi Yai Gesi Po Lukgo Asęani 9:48

Augwalibolo agai te po wali, “Bidi mego enade homu kone palu te ena tobade e wai bǫų tiwai dali bugai homu eyu, tau sali da, te agai enade bugai homu eyu, tau siyu tebao. Bidi mego ena asobadi, bugai homu eyu tau sobaso da, teda ena tagala palali bidi dali bugai homu eyu tebao. Magi baso meni, bidi me aga digi nogi elaluama, te dage tigidali tomode aga nogi dwasianu mu elalubo bidi yai baso da, te aga polalubo bidi mu bidaibao,” Jisasgo te po wali.

Dwagi Yai Gesi Po Jongo Asęani 13:20

Eno dagebolo mu po obao, eno sę bidi tagala palobao. Tama gasa bidigo te eno tagala palai bidide dwagi yai kolesaga ebaso da, te agai enade me te dwagi yai kolesaga ebo tiwai dao. Te kolesaga me ela pabo. Te bidigo te dwagi yai sę te ena tagala palali bidibolo me te sę ebo tiwai dao, te Godibolo,” Jisasgo te po wai.

1 Korin 10:27

Tama te Kraisba aga homu tigidali musiąwani bidi me deli agai te dage meba i olama dage dali nai tuainogo ebaso da, tama dage pabo homu ebaso da, te usu da. Augwaligo dagebolo mabo te nai tigidali dagego tuiąo. Tama dagego homu hauwa elama ‘E mi augwaligo te tibo god me delibolo ofa maniwe, ma meniwe?’ te po wagio.

1 Korin 9:14

Tama te tiwai naga dago Genuai Bidigo te bomai po muani: te Godigo wiegi yai gesi po pusubo sę ebo bidi dabe, te sęde augwaligo te wiegi yai gesi po sabo we bidigo tigi tau sabo nai meba somainogo yao.