Dwagi Yai Gesi Po Lukgo Asęani 10:6 - Godigo dwagi yai po buku

⁶ Homu tegaluama, bugagia bidibo bidi me te bede bidibaso da, nago dwagi yai homu me aga dali elalumainao. Te tobage bidi me meni baso da, nago wali po du walisiąbaso da, te po dugaba digi ma asomainao. God agai augwalibolo dwagi yai sę egobeo, te dagego koneaiba.

Dwagi Yai Gesi Po Lukgo Asęani 10:6 Iomraidhean Croise

Godigo Nogi Ugwaba Sabo Tęąbi Po Wabo Buku Dabe 35:13

Tiali goli, eno augwaliba te tiwai sę me ebeo. Mu menio. Te augwali gasi elalubaso, eno homu dene mu elama, tama eno ugwa dwai gudali. Eno te nai tubo me habu selali, tama tego digi enaba sęgę mani. Tama eno usu da weyu, gedu haluasa po te nago augwali tau somainu wali.

Aisaia 9:6

Magi baso meni. Ogwa me ame neyu, daba polo sabolali. Te wai me deli Godigo dabolo mani. Aga dago tuni bidi bidaibao. Tama agai tama nogi dabe elaluaibao, te Dwagi Yai Kolesaga Mu Mabo Bidi dao, tama God Tigidali Bom o Elalubo Bidi, tama Tigidali Sogo Bida Bida Pidu Bidibo Aya, tama Bugagia Bidibo Page Sela Mayu, me Tabi Nagame Ilibo Tuni Bidi. Agai te tobage nogi dabe elaluaibao.

Dwagi Yai Gesi Po Lukgo Asęani 10:5

Te dage be me deli tomoba pabo sogo, te dagego hasia bolo te po waiąo, ‘E bede bidibo we bidi bugagia bidiąo.’ Te tiwai homu nagame ilibo po wao.

Dwagi Yai Gesi Po Lukgo Asęani 10:7

Te sę ebo bidi aga nai sabo dao. Dage te bede deli bidibadi, te tubo nai maiyu, ąį me maiyu ebaso da, te nai tuiąo. Dage te bedu me beba peyu ela biligimio.

Efesus 5:6

Dage bugagia dua dao. Tiyu dage te gasa bidigo agai dage te dwai kolesaga tomoba kekainogo ebaso da, agai wabo kedu meni yai po wali pelamuo. Te eno tamadi wali dwai kolesaga ebode te Godigo agai po sela sąbo bidi dabe dali sębę yaibao.

2 Tesalonaika 3:16

Te Genuai Bidi Jisas aga dwagi yai homu nagame ebo page bidi mu dao. Tama dago homugo sesemane sogo aga digi dage dali bidiyu, tama dage dwagi yai homu nagame emainogo yao. Tama dago homugo haniani sę dagebolo pedalubaso da, teda agai dage dwagi yai homu nagame emainogo yao.

Jems 3:18

Tama tiyu, dago wiegi yai kolesaga eyu, deli homu naga elama bidiyu da, te sę ebo dago te nai ge tǫba bulubo tiwai dao. Tama dago te wiegi yai kolesaga eyu, te deli homu naga ebo te kolesaga ebode te nai ge dwagi yai walobo tiwai yaibao, te doloba pai kolesaga ebo genuai pedalaibao.

1 Pita 1:14

Dage Godigo po wali pabo we bidi bidibaso, dagego God konesiąbadi polobadu yali dwai dwai kolesaga wali ma pigimio.

1 Samuel 25:17

Tama tiyu, nago bugagia koneao, megi da, te Devit aga bidi dabe dali asiyu, te dago genuai bidi me te tigidali we bidi dali dolagasaibao. Tama magi naigo nago te yagasobo sę paliabo sunumi te bugagia homu kone palao. Ena nageba asali, magi baso meni, Nabal te hagoma bidi, tama agai te dago po me odogobeo,” wali.