Dwagi Yai Gesi Po Lukgo Asęani 10:5 - Godigo dwagi yai po buku

⁵ Te dage be me deli tomoba pabo sogo, te dagego hasia bolo te po waiąo, ‘E bede bidibo we bidi bugagia bidiąo.’ Te tiwai homu nagame ilibo po wao.

Dwagi Yai Gesi Po Lukgo Asęani 10:5 Iomraidhean Croise

Aisaia 57:19

te eno augwa te homu dene ebo tagalomainu elama, te augwa enaba usu da olama, wiegi yai pemene ebo po mimainogo ilaibao. Ena Genuai Bidi, eno te po obao, te eno nagame yai haliga ebo homu te pąde bidibo we bidi dali, me te digibulu bidalubo hani dabe dali me ebao. Te augwali eno usu ma ilama, te augwaliba wiegi yai sogo mawaibao wai dao.

Dwagi Yai Gesi Po Lukgo Asęani 10:4

Te mone ge bubo be me, nai gonobo wa me, sągą nadoba dabe sela pigimio. Tų dilide gasa bidi babe dali po weyu gesego igimio.

Dwagi Yai Gesi Po Lukgo Asęani 10:6

Homu tegaluama, bugagia bidibo bidi me te bede bidibaso da, nago dwagi yai homu me aga dali elalumainao. Te tobage bidi me meni baso da, nago wali po du walisiąbaso da, te po dugaba digi ma asomainao. God agai augwalibolo dwagi yai sę egobeo, te dagego koneaiba.

Dwagi Yai Gesi Po Lukgo Asęani 19:9

Te Jisasgo te bidi Sakiusgo wali po odama, tama Jisasgo te po wali, “Megi tama Godigo e bede bidibo we bidi tau mayu, ma sali. Magi baso meni. E bidi da te polobadu bidali nogi yai bidi Abrahamgo ogwa mu dao. Polobadu Abrahamgo Godigo wali po odama, agai mu koneani, tia sali. Megi me, eno wali po odama, nago mu konealualio, tia sali.

Godigo Sęba Tagala Palai Bidigo Po 10:36

Godigo te dwagi yai po da Israel we bidibolo mawai dao. Tama te dwagi yai po page e tiwai da, Jisas Krais da, te tigidali we bidigo Genuai Bidi da. Da tigidaligo aga godolo eyu da, te da dwagi yai homu elama, bugagia bidaibao.

Efesus 2:17

Tama Krais aga asama, tama agai te wiegi yai gesi po, te boi piabo po agai da tigidalibolo pusagasali. Te dage God digibulu bidali Juda hani isiąwai bage dali, te da God pąde bidali Juda bidi hani dali si, te da tigidalibolo agai te boi piabo po ola magasali.

1 Samuel 25:6

Tama dagego Nabalbolo te tama po wao, ‘Nage dali, te nago hani sibi dali, te nago tigidali doado bage dali me, te nage bugagia bidao.